അഫ്ഗാനില് രണ്ടാം യുദ്ധം തുടങ്ങി യുദ്ധപ്രഭുക്കള് ഒന്നിച്ചു താലിബാന് എട്ടിന്റെ പണി പഞ്ച്ശീറില് ആദ്യ നീക്കം
അമേരിക്കന് സൈന്യം പിന്മാറിയതിന് ശേഷമുള്ള അഫ്ഗാന് യുദ്ധത്തില് അഞ്ച്ശീര് താഴ്വരയിലെ ആഴ്ചകള് മാത്രം നീണ്ട പ്രതിരോധം ഒഴിച്ച് നിര്ത്തിയാല് താലിബാന് കാര്യമായ പ്രതിരോധമൊന്നും സ്വതന്ത്ര അഫ്ഗാന് ഉയര്ത്തിയിരുന്നില്ല. പാക് ചാര സംഘടനയായ ഐഎസിന്റെ സഹായത്തോടെ പഞ്ച്ശീരില് വ്യാമാക്രമണം നടത്തി താലിബാന് വളരെ വേഗത്തില് തന്നെ ആ പ്രതിരോധവും മറികടന്നിരുന്നു. അധികാരമേറ്റ വേളയില്, രാജ്യത്തെ എല്ലാ വിഭാഗങ്ങള്ക്കും തുല്യപ്രാധാനമുള്ള , സ്ത്രീ സ്വാതന്ത്രത്തെ അംഗീകരിക്കുന്ന ഒരു സര്ക്കാറാകും ഭരണത്തിലേറുകയെന്ന് പറഞ്ഞ താലിബാന്റെ വാക്കുകള് ജലരേഖയാകുന്ന കാഴ്ചയായിരുന്നു പിന്നീട് ലോകം കണ്ടത്. ഭരണത്തിലേറിയ ശേഷം ഓന്നൊന്നായി പഴയ ശീലങ്ങളെല്ലാം താലിബാന് പുറത്തെടുത്തു. എന്നാല്, പത്ത് മാസങ്ങള്ക്ക് ശേഷം അഫ്ഗാനില് താലിബാന് നേരെ വീണ്ടും പ്രതിരോധങ്ങള് ഉയരുന്നതായി അന്തര്ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
ഓഗസ്റ്റില് കാബൂളിന്റെ വീഴ്ചയെ തുടര്ന്ന് തുര്ക്കിയില് അഭയം തേടിയ മുന് അഫ്ഗാനിസ്ഥാന് വൈസ് പ്രസിഡന്റും യുദ്ധ പ്രഭുവുമായ അബ്ദുള് റാഷിദ് ദോസ്തം അഫ്ഗാനിസ്ഥാനിലെ യുദ്ധപ്രഭുക്കളുടെ യോഗം വിളിച്ചിരുന്നതായി റിപ്പോര്ട്ടുകള്. ദോസ്തത്തിന്റെ ക്ഷണപ്രകാരം 40 തോളം അഫ്ഗാന് യുദ്ധ പ്രഭുക്കളടക്കമുള്ള രാഷ്ട്രീയ നേതാക്കള് യോഗത്തില് പങ്കെടുത്തു.
മെയ് മാസത്തില് നടന്ന യോഗത്തില് താലിബാനെതിരെ ശക്തമായി നീങ്ങാനാണ് പുതിയ സഖ്യത്തിന്റെ തീരുമാനം. ഇതിന് പിന്നാലെ താലിബാനോട് അവസാനം വരെ പോരാടിയിരുന്ന പഞ്ച്ശീരില് വീണ്ടും അക്രമണം ആരംഭിച്ചതായും വാഷിങ്ടണ് പോസ്റ്റ് അടക്കമുള്ള മാധ്യമങ്ങള് റിപ്പോര്ട്ട് ചെയ്യുന്നു.
താലിബാന്റെ രണ്ടാം വരവിന് മുന്നോടിയായി കഴിഞ്ഞ വര്ഷം അഫ്ഗാനിസ്ഥാനില് നിന്ന് പലായനം ചെയ്തതോ നാടുകടത്തപ്പെട്ടതോ ആയ അഫ്ഗാന് യുദ്ധപ്രഭുക്കന്മാരും അധികാര ദല്ലാളന്മാരും വംശീയ നേതാക്കളും അഫ്ഗാനിസ്ഥാനില് വീണ്ടും ശക്തിപ്രകടനത്തിന് ഒരുങ്ങുന്നതായി റിപ്പോര്ട്ടുകള് പറയുന്നു.
മുമ്പ് യുഎസ് ഭരണത്തിന് കീഴില് സമ്പത്ത് സ്വരൂപിച്ച ദോസ്തം അടക്കുമുള്ള അഫ്ഗാന് യുദ്ധപ്രഭുക്കളാണ് അങ്കാറയില് ഒത്തുകൂടിയത്. പഞ്ച്ശീര് താഴ്വാരയില് താലിബാനെതിരെ പ്രതിരോധം തീര്ത്ത നാഷണല് റെസിസ്റ്റന്സ് ഫ്രണ്ടിന്റെ തലവന് അഹ്മദ് മസ്സൂദ്, അമ്മാവന് അഹ്മദ് വാലി മസ്സൂദ് എന്നിവരടങ്ങുന്ന പുതിയ സഖ്യം 'ഹൈ കൗണ്സില് ഓഫ് നാഷണല് റെസിസ്റ്റന്സ്' രൂപീകരിച്ചു.
രണ്ട് ആവശ്യങ്ങളാണ് പുതിയ സഖ്യം താലിബാന് മുന്നില് വച്ചിട്ടുള്ളത്. ഒന്ന് അഫ്ഗാനിസ്ഥാനിലേക്കുള്ള അവരുടെ തിരിച്ചുവരവ് സംബന്ധിച്ച് താലിബാന് ചര്ച്ച നടത്തി അവരെ സര്ക്കാരില് ഉള്പ്പെടുത്തുക. അല്ലെങ്കില് അനന്തരഫലങ്ങള് നേരിടുക. ചര്ച്ചയ്ക്ക് താലിബാന് തയ്യാറായില്ലെങ്കില്, അഫ്ഗാനിസ്ഥാനില് വീണ്ടും ആഭ്യന്തരയുദ്ധമുണ്ടാകുമെന്ന് ദോസ്തത്തിന്റെ വക്താവ് പ്രസ്താവനയില് പറഞ്ഞു.
ഇതോടെ അഫ്ഗാനിസ്ഥാനില് വീണ്ടും ആഭ്യന്തരയുദ്ധത്തിന് കളമൊരുങ്ങുകയാണെന്ന് റിപ്പോര്ട്ടുകള് ചൂണ്ടിക്കാട്ടുന്നു. ഇത്തവണ അങ്കാറയില് ഒത്തുകൂടിയവരില് ഏതാണ്ടെല്ലാവരും തന്നെ താലിബാന്റെ വരവിന് മുമ്പ് യുഎസില് നിന്നും സാമ്പത്തിക സഹായും പറ്റിയിട്ടുള്ള പ്രദേശിക യുദ്ധപ്രഭുക്കളാണ്. കഴിഞ്ഞ 20 വര്ഷമായി അഫ്ഗാനിസ്ഥാന്റെ പല പ്രദേശങ്ങളും യുഎസ് സഹായത്തോടെ നിയന്ത്രിച്ചിരുന്നവരാണ് മിക്ക യുദ്ധ പ്രഭുക്കളും.
https://www.facebook.com/Malayalivartha
