മസ്തിഷ്കാഘാതം സംഭവിച്ച യുവാവിന്റെ തലയോട്ടിയെടുത്ത് വയറിനുള്ളില് സൂക്ഷിച്ചു; മരിക്കുമെന്ന് ഡോക്ടര്മാര് വിധിയെഴുതിയ നദീം ഖാന് ഇത് രണ്ടാം ജന്മം, 7 മാസത്തെ ചികില്സയ്ക്കു ശേഷം വീട്ടിലേക്ക്..
മസ്തിഷ്കാഘാതം സംഭവിച്ച് ഡോക്ടര്മാര് മരിക്കുമെന്ന് വിധിയെഴുതിയ പാക്കിസ്ഥാനി യുവാവിന് രണ്ടാംജന്മം. 27 വയസുള്ള നദീം ഖാനാണ് 7 മാസത്തെ ചികില്സയ്ക്കു ശേഷം വീട്ടിലേക്ക് മടങ്ങിയത്.
അതേസമയം നിലവില് തലച്ചോറിന് ഗുരുതര പരുക്കേറ്റ യുവാവിന്റെ തലയോട്ടിയുടെ ഒരുഭാഗം പൂര്ണമായും നീക്കം ചെയ്തിട്ടുണ്ട്. ഈ തലയോട്ടി ഇപ്പോള് യുവാവിന്റെ വയറിനുള്ളിലാണ് സൂക്ഷിച്ചിരിക്കുന്നത്. രക്ത സമ്മര്ദ്ദവും രക്തത്തിന്റെ ഒഴുക്കും പൂര്വ സ്ഥിതിയിലായാല് തലയോട്ടി തിരികെ വെയ്ക്കും. തലയോട്ടി പുറത്തു സൂക്ഷിക്കുന്നത് കേടുവരാന് സാധ്യതയുണ്ട്.
അതിനാലാണ് വയറിനുള്ളില് സ്ഥാപിച്ചതെന്നാണ് ശസ്ത്രക്രിയയ്ക്കു നേതൃത്വം നല്കിയ ഡോ. ചെല്ലാദുരൈ ഹരിഹരന് പറഞ്ഞത്. അതേസമയം വയറിനുള്ളിലെ സാഹചര്യം തലയോട്ടി സംരക്ഷിക്കാന് സഹായകരമാണെന്നും അദ്ദേഹം പറഞ്ഞു.
മസ്തിഷ്കാഘാതത്തോടൊപ്പം നദീമിന് അവശതകളും ഉണ്ടായിരുന്നു. തലച്ചോറിലേക്കുള്ള സമ്മര്ദ്ദം കുറയ്ക്കുന്നതിന്റെ ഭാഗമായാണ് അടിയന്തരമായി തലയോട്ടി നീക്കം ചെയ്തത്.
ഖിസൈസിലെ ആസ്റ്റര് ക്ലിനിക്കിലായിരുന്നു നദീമിന്റെ ശസ്ത്രക്രിയ നടന്നത്. മസ്തിഷ്കാഘാതത്തെ തുടര്ന്ന് നദീമിന്റെ വലതു വശം പൂര്ണ്ണമായും തളര്ന്നിരുന്നു. എന്നാല്, ചികിത്സയെ തുടര്ന്ന് ഓര്മശക്തിയും സംസാരശേഷിയും തിരിച്ചു കിട്ടി. മാത്രമല്ല ഇയാളെ കോണ്സുലേറ്റിന്റെ സഹായത്തോടെ തിരികെ നാട്ടിലെത്തിച്ചു.
https://www.facebook.com/Malayalivartha
