മുന്‍കൂര്‍ ജാമ്യാപേക്ഷയുമായി വീണ്ടും ഹൈക്കോടതിയെ സമീപിച്ച് സ്വപ്ന സുരേഷ്. ഗൂഢാലോചന കേസില്‍ വ്യാജ രേഖ ഉണ്ടാക്കി എന്നതടക്കം മൂന്ന് ജാമ്യമില്ല വകുപ്പുകള്‍ കൂടി തനിക്കെതിരെ ചുമത്തിയെന്നും അന്വേഷണ സംഘം അറസ്റ്റ് ചെയ്യാന്‍ സാധ്യതയുണ്ടെന്നും സ്വപ്!ന പറഞ്ഞു.

ഗൂഢാലോചന കേസില്‍ ക്രൈംബ്രാഞ്ചും സ്വര്‍ണ്ണക്കടത്ത് വെളിപ്പെടുത്തലില്‍ ഇഡിയും സ്വപ്!നയെ ചോദ്യം ചെയ്യാന്‍ വിളിപ്പിച്ചിരുന്നു. നിയമോപദേശത്തിന്റെ അടിസ്ഥാനത്തില്‍ ആരുടെ അടുത്താണ് ചോദ്യം ചെയ്യലിന് ഹാജരാകേണ്ടതെന്ന് തീരുമാനിക്കുമെന്ന് സ്വപ്ന വ്യക്തമാക്കിയിരുന്നു. ഇതിന് പിന്നാലെയാണ് ഗൂഢാലോചന കേസില്‍ മുന്‍കൂര്‍ ജാമ്യാപേക്ഷയുമായി സ്വപ്ന ഹൈക്കോടതിയെ സമീപിച്ചിരിക്കുന്നത്. ചോദ്യംചെയ്യലിനായി ഇഡിക്ക് മുമ്പില്‍ ഹാജരാകാനാണ് സ്വപ്!നയുടെ തീരുമാനം.

ക്രൈംബ്രാഞ്ച് അന്വേഷണ സംഘത്തിന് മുന്നില്‍ തത്ക്കാലം ഹാജരാകില്ലെന്ന് സ്വര്‍ണ്ണക്കേസ് പ്രതി സ്വപ്ന സുരേഷ്. എന്‍ഫോഴ്‌സ്‌മെന്റിന് മുന്നില്‍ ഹാജരായി മൊഴി നല്‍കേണ്ടതുണ്ടെന്നും അതിനാല്‍ ക്രൈംബ്രാഞ്ചിന് മുന്നില്‍ ഹാജരാകാനാകില്ലെന്നും സ്വപ്ന വ്യക്തമാക്കി. ഗൂഡാലോചന കേസില്‍ കൂടുതല്‍ വകുപ്പുകള്‍ ചുമത്തുന്നതില്‍ ആശങ്കയില്ല. സരിതാ നായരെ ജയിലില്‍ വച്ച് ഒരു തവണ കണ്ടിട്ടുണ്ടെന്ന് വ്യക്തമാക്കിയ സ്വപ്ന, സരിതയെ പോലുള്ള മഹത് വ്യക്തികളുടെ മൊഴിയുടെ അടിസ്ഥാനത്തിലാണ് പുതിയ കേസുകളെടുക്കുന്നതെന്നും കുറ്റപ്പെടുത്തി.

സ്വര്‍ണ്ണക്കടത്ത് കേസില്‍ സ്വപ്!ന സുരേഷിനോട് ഇന്ന് ചോദ്യം ചെയ്യലിന് ഹാജരാകാന്‍ ഇ ഡിയും ക്രൈംബ്രാഞ്ചും ആവശ്യപ്പെട്ടിരുന്നു. രണ്ട് അന്വേഷണ ഏജന്‍സികളും ഇക്കാര്യമാവശ്യപ്പെട്ട് നോട്ടീസും നല്‍കി. തുടര്‍ന്ന് നിയമോപദേശത്തിന്റെ അടിസ്ഥാനത്തിലാണ് എന്‍ഫോഴ്‌സ്‌മെന്റിന് മുന്നില്‍ ഹാജരാകാന്‍ സ്വപ്ന തീരുമാനിച്ചത്.

അതേ സമയം, മുന്‍കൂ4 ജാമ്യാപേക്ഷയുമായി വീണ്ടും സ്വപ്!ന സുരേഷ് ഹൈക്കോടതിയെ സമീപിച്ചു. ഗൂഢാലോചന കേസില്‍ വ്യാജ രേഖ ഉണ്ടാക്കി എന്നതടക്ക0 മൂന്ന് ജാമ്യമില്ലാ വകുപ്പുകള്‍ കൂടി തനിക്കെതിരെ ചുമത്തിയെന്നും അന്വേഷണ സംഘം അറസ്റ്റ് ചെയ്യാന്‍ സാധ്യതയുണ്ടെന്നും സ്വപ്!ന ഹര്‍ജിയില്‍ പറയുന്നു.

'മുഖ്യമന്ത്രിക്കെതിരായ സ്വപ്നയുടെ മൊഴി മുക്കി', കസ്റ്റംസിനെതിരെ ആര്‍എസ്എസ് വാരികയില്‍ ലേഖനം

സ്വര്‍ണ്ണക്കടത്ത് അന്വേഷണത്തില്‍ കസ്റ്റംസിനെതിരെ ഗുരുതര ആരോപണവുമായി ആര്‍എസ്എസ് വാരികയില്‍ ലേഖനം. മുഖ്യമന്ത്രിക്കെതിരെ സ്വപ്ന സുരേഷ് നല്‍കിയ രഹസ്യമൊഴി കസ്റ്റംസിലെ ഇടത് സാഹയാത്രികര്‍ മുക്കിയെന്നാണ് കേസരിയിലെ കുറ്റപ്പെടുത്തല്‍. സംസ്ഥാന ബിജെപി നേതൃത്വം മാറ്റി നിര്‍ത്തിയ മുന്‍ വക്താവ് പി.ആര്‍ ശിവശങ്കറിന്റെ കവര്‍‌സ്റ്റോറിയിലാണ് വിമര്‍ശനമെന്നതും പ്രധാനമാണ്. സ്വര്‍ണ്ണക്കടത്തില്‍ മുഖ്യമന്ത്രിക്കെതിരായ സ്വപ്നസുരേഷിന്റെ വെളിപ്പെടുത്തലില്‍ ദേശീയ അന്വേഷണ ഏജന്‍സികള്‍ എന്ത് ചെയ്തുവെന്നാണ് പ്രതിപക്ഷം ആവര്‍ത്തിക്കുന്ന പ്രധാന ചോദ്യം. രണ്ടാം സ്വര്‍ണ്ണക്കടത്ത് വിവാദത്തിലും സിപിഎമ്മും ബിജെപിയും തമ്മില്‍ ഒത്ത് തീര്‍പ്പുണ്ടായെന്ന പ്രതിപക്ഷ ആരോപണം മുറുകുമ്പോഴാണ് ആര്‍എസ്എസ് വാരിക കംസ്റ്റസിനെതിരെ രംഗത്തുവന്നത്.

'മാരീചന്‍ വെറുമൊരു മാനല്ലെന്ന' ശിവശങ്കറിന്റെ കവര്‍‌സ്റ്റോറി കസ്റ്റംസിനെതിരെ ഉന്നയിക്കുന്നത് ഗുരുതര ആരോപണമാണ്. 'ബിരിയാണി നയതന്ത്ര' തെളിവുകള്‍ കസ്റ്റംസിലെ ഇടത് സഹയാത്രികര്‍ നശിപ്പിക്കുകയോ മുക്കുകയോ ചെയ്‌തെന്നാണ് ലേഖനത്തിലെ പ്രധാന ആരോപണം. കൂടുതല്‍ ഇവിടെ വായിക്കാം

രഹസ്യമൊഴി മറ്റൊരു അന്വേഷണ ഏജന്‍സിക്ക് നല്‍കുന്നതിനെ എതിര്‍ക്കുന്ന കസ്റ്റംസ് നിലപാടില്‍ ദുരുഹൂത ആരോപിച്ചാണ് സ്വപ്നയുടെ നീക്കം. രഹസ്യമൊഴി നല്‍കിയയാള്‍ പകര്‍പ്പാവശ്യപ്പെട്ടാല്‍ കോടതിക്കും നിഷേധിക്കാനാകില്ല. ഡോളര്‍ കടത്ത് കേസിലെ കസ്റ്റംസ് അന്വേഷണം ഇഴഞ്ഞു നീങ്ങുന്നതില്‍ രാഷ്ട്രീയ ഇടപെടലുണ്ടെന്ന ആക്ഷേപത്തിന്റെ കൂടി പശ്ചാത്തലത്തിലാണ് സ്വപ്ന രഹസ്യമൊഴിക്കായി കോടതിയെ സമീപിക്കുന്നത്. സ്വപ്ന ഡോളര്‍കടത്ത് കേസുമായി ബന്ധപ്പെട്ട് നല്‍കിയ രഹസ്യമൊഴി ഇഡി ആവശ്യപ്പെട്ടെങ്കിലും കസ്റ്റംസിന്റെ എതിര്‍പ്പുമൂലം കോടതി നല്‍കിയിട്ടില്ല.

രണ്ടു രഹസ്യമൊഴികളും താരതമ്യപ്പെടുത്തി അന്വേഷണം മുന്നോട്ടു നീക്കാനായിരുന്നു ഇഡിയുടെ ശ്രമം ആദ്യഘട്ടത്തില്‍ രഹസ്യമൊഴി വിട്ടുനല്‍കുന്നതില്‍ എതിര്‍പ്പില്ലെന്ന് നിലപാടെടുത്ത കസ്റ്റംസ് പിന്നീട് കോടതിയില്‍ നിലപാട് മാറ്റി. അന്വേഷണം പൂര്‍ത്തിയായില്ലെന്ന് ചൂണ്ടിക്കാട്ടിയായിരുന്നു കസ്റ്റംസ് ഇഡി ആവശ്യത്തെ എതിര്‍ത്തത്. കസ്റ്റംസിന്റെ നിലപാട് മാറ്റത്തില്‍ ഡോളര്‍ക്കടത്ത് അന്വേഷണത്തിലെന്നപോലെ ഉന്നതതല ഇടപെടലുണ്ടെന്നാണ് സംശയം. സ്വപ്നയുടെ രഹസ്യമൊഴികളില്‍ വൈരുദ്ധ്യമുണ്ടെന്ന് സിപിഎം നേതാക്കള്‍ പരസ്യമായി പ്രതികരിച്ചിരുന്നു. ഇത് രഹസ്യമൊഴി ചോര്‍ന്നുവെന്ന സംശയവും ബലപ്പെടുത്തുന്നു. ഇക്കാര്യങ്ങളും കോടതിയുടെ ശ്രദ്ധയില്‍ക്കൊണ്ടുവരാനാണ് നീക്കം. അഭിഭാഷകരുമായി അവസാനവട്ട ചര്‍ച്ചകള്‍ക്ക് ശേഷം അടുത്ത ദിവസം കോടതിയില്‍ അപേക്ഷ സമര്‍പ്പിക്കും.