തായ്‌വാന് ചുറ്റും വെടിവെയ്പ് തുടങ്ങി. റഷ്യ യുക്രൈനില്‍ എങ്ങനെയാണോ കടന്നു കയറാന്‍ തയ്യാറെടുത്തത് അതേ രീതിയിലുള്ള അഭ്യാസപ്രകനങ്ങളാണ് അതിര്‍ത്തിയില്‍ അരങ്ങേറുന്നത്. പെലോസിയുടെ സന്ദര്‍ശനത്തില്‍ കലിയടങ്ങാത്ത ചൈന തായ്വ്‌വാനെതിരെ യുദ്ധം പ്രഖ്യാപിച്ചിരുന്നു. ഉടന്‍ തന്നെ തിരിച്ചടിക്കും എന്നായിരുന്നു ചൈനീസ് ഭീഷണി പിന്നാലെയാണ് തിര്‍ത്തിയില്‍ തോക്കുകള്‍ ശബ്ദിച്ചു തുടങ്ങിയതായുള്ള വാര്‍ത്തകള്‍ പുറത്തുവന്നത്. വ്യോമാതിര്‍ത്തിയില്‍ ചൈനീസ് യുദ്ധ വിമാനങ്ങള്‍ ചീറിപ്പായുന്നതിനോടൊപ്പം തന്ന. തായ്വാനിലേയ്ക്ക് ഇരച്ചു കയറാന്‍ ചൈന യുദ്ധക്കപ്പലുകളും റെയിയാക്കി നിര്‍ത്തിയിട്ടുണ്ട്.

നേരത്തേ തന്നെ യുദ്ധത്തിന് പദ്ധതിയിട്ട ചൈന അമേരിക്കന്‍ ജന പ്രതിനിധി സഭാ സ്പീക്കര്‍ നാന്‍സി പെലോസിയുടെ തായ്‌വാന്‍ സന്ദര്‍ശനത്തോടെ ആ നീക്കങ്ങള്‍ വേഗത്തിലാക്കി. മുന്‍പ് ഉണ്ടായിട്ടില്ലാത്ത വിധത്തിലുള്ള ശക്തമായ പ്രകോപനങ്ങളാണ് ചൈന ഉയര്‍ത്തുന്നത്. തായ്‌വാന് ചുറ്റും സൈനിക അഭ്യാസ പ്രകടനത്തിലാണ് ഇപ്പോള്‍ ചൈന. മുന്‍ നിര യുദ്ധകപ്പലുകള്‍ ഉള്‍പ്പെടെ അണിനിരക്കുന്ന സൈനിക അഭ്യാസ പ്രകടനം നാല് ദിവസം നീണ്ടു നില്‍ക്കുമെന്നാണ് അന്താരാഷ്ട്ര മാദ്ധ്യങ്ങള്‍ റിപ്പോര്‍ട്ട് ചെയ്യുന്നത്. അതിന് ശേഷമോ ഒരുപക്ഷേ ഈ പ്രകടനങ്ങള്‍ക്കിടയിലോ യുദ്ധമുണ്ടാകും എന്നാണ് യുദ്ധ വിദഗ്ദര്‍ പ്രവചിക്കുന്നത്.

ഇന്ന് ഉച്ചയ്ക്ക് 12 മണിയോടെയാണ് ചൈന സൈനിക അഭ്യാസ പ്രകടനങ്ങള്‍ക്ക് തുടക്കമിട്ടത്. തായ്‌വാന് ചുറ്റുമുള്ള വിവിധ മണ്ഡലങ്ങള്‍ കേന്ദ്രീകരിച്ചുകൊണ്ടുള്ളൊരു അഭ്യാസ പ്രകടനമാണ് തങ്ങള്‍ പ്ലാന്‍ ചെയ്തിരിക്കുന്നത് എന്നാണ് ചൈനയുടെ ഔദ്യോഗിക വിശദീകരണം. നാല് ദിവസത്തോളം നീണ്ടു നില്‍ക്കുന്ന അഭ്യാസ പ്രകടനങ്ങള്‍ ഞായറാഴ്ച ഉച്ചയോടെ അവസാനിപ്പിക്കും എന്ന് ചൈന പറയുന്നുണ്ടെങ്കിലും ചൈന അത് വിശ്വാസ യോഗ്യമല്ല.

ആദ്യമായാണ് തായ്‌വാന് ചുറ്റും ആ രാജ്യത്തെ ഭയപ്പെടുത്തുന്ന തരത്തില്‍ ചൈന ഒരേ സമയം അഭ്യാസ പ്രകടനം നടത്തുന്നത്. നാന്‍സി പെലോസിയുടെ സന്ദര്‍ശനത്തിന് പിന്നാലെ മേഖലയില്‍ മനപ്പൂര്‍വ്വം സംഘര്‍ഷം സൃഷ്ടിക്കുകയാണ് ചൈനയുടെ ലക്ഷ്യമെന്നാണ് ലോകം ചൈനയെ വിമര്‍ശിക്കുന്നത്. നാന്‍സി പെലോസിയുടെ തായ്‌വാന്‍ സന്ദര്‍ശനം വലിയ പ്രത്യാഘാതങ്ങള്‍ ഉണ്ടാക്കുമെന്ന് നേരത്തെ ചൈന മുന്നറിയിപ്പ് നല്‍കിയിരുന്നു. അതേസമയം സൈനിക അഭ്യാസ പ്രകടനത്തിനായി തായ്‌വാന്റെ സമുദ്ര മേഖല ഉപയോഗിക്കരുതെന്ന് തായ്‌വാന്‍ മാരിടൈം ആന്റ് പോര്‍ട്ട് ബ്യൂറോ ചൈനയ്ക്ക് മുന്നറിയിപ്പ് നല്‍കിയിട്ടുണ്ട്. ചൈനയുടെ പ്രകോപനം നേരിടാന്‍ തായ്‌വാന്‍ കടലിടുക്കില്‍ യുദ്ധ കപ്പലുകള്‍ വിന്യസിച്ച് അമേരിക്കയും യുദ്ധത്തിന് സജ്ജമായി കഴിഞ്ഞു. ഇന്നലെയാണ് തായ്‌വാന്‍ സന്ദര്‍ശനം പൂര്‍ത്തിയാക്കി നാന്‍സി പെലോസി അമേരിക്കയിലേക്ക് മടങ്ങിയത്. പിന്നാലെയാണ് ചൈനയുടെ ഭീകര നീക്കങ്ങള്‍