പാകിസ്ഥാനില് അണുബോംബിടാന് റഷ്യ? യുക്രൈന് ആയുധങ്ങള്കൊടുത്തത് കയ്യോടെ പൊക്കി
റഷ്യ യുക്രെയിന് യുദ്ധം മാസങ്ങള് കഴിഞ്ഞും തുടരവേ യുദ്ധത്തില് പാകിസ്ഥാന് രഹസ്യമായി പങ്കെടുക്കുന്നു എന്ന വിവരങ്ങള് പുറത്ത്. സാമ്പത്തിക തകര്ച്ചയില് നടുവൊടിഞ്ഞ് നില്ക്കുന്ന പാകിസ്ഥാന് സാമ്പത്തിക ലാഭം ലക്ഷ്യം വച്ചാണ് യുക്രെയിനെ സഹായിക്കാന് ഇറങ്ങിയത്. റഷ്യയ്ക്കെതിരായ ചെറുത്ത് നില്പ്പില് യുക്രെയിന് സൈന്യത്തിന് ആവശ്യമായ പീരങ്കിപടയ്ക്ക് വേണ്ട ആയുധങ്ങളും, വെടിക്കോപ്പുകളും പാകിസ്ഥാന് നിര്മ്മിച്ചു നല്കുന്നു എന്നാണ് പുറത്തു വരുന്ന റിപ്പോര്ട്ടുകള് സൂചിപ്പിക്കുന്നത്.
ഇതിന് പിന്നാലെ പാക് വ്യോമ പാത പാശ്ചാത്യ ശക്തികള് യുക്രെയില് ആയുധങ്ങളെത്തിക്കുവാന് ഉപയോഗിക്കുന്നതായും റിപ്പോര്ട്ടുകളുണ്ട്. റഷ്യയ്ക്ക് സംശയത്തിന് ഇടവരുത്താതെ സുരക്ഷിതമായി ആയുധങ്ങള് എത്തിക്കുന്നതിനാണ് ഈ പാത തിരഞ്ഞെടുത്തത്. മെഡിറ്ററേനിയനിലെ ബ്രിട്ടീഷ് എയര് ബേസ് വഴി റൊമാനിയയിലെ അവ്റാം ഇയാന്കു ക്ലൂജ് ഇന്റര്നാഷണല് എയര്പോര്ട്ടിലേക്കുള്ള സൈനിക വിമാനങ്ങള്ക്കായി പാശ്ചാത്യ രാജ്യങ്ങള് ഉപയോഗിച്ചിരുന്ന എയര് ബ്രിഡ്ജിന്റെ ഭാഗമായിരുന്നു റാവല്പിണ്ടിയിലെ നൂര് ഖാന് എയര് ബേസ് എന്ന വിവരമാണ് ഇപ്പോള് പുറത്ത് വരുന്നത്. പാകിസ്ഥാന് ആര്മി ചീഫ് ജനറല് ഖമര് ജാവേദ് ബജ്വ അടുത്തിടെ നടത്തിയ ഔദ്യോഗിക വിദേശ യാത്രകളുടെ ഭാഗമായി യുകെ സന്ദര്ശിച്ചത് ഇക്കാര്യങ്ങളെ കുറിച്ച് ചര്ച്ച ചെയ്യാനാണെന്നും റിപ്പോര്ട്ടുകളുണ്ട്.
ഈ മാസം ആറിനും പതിനഞ്ചിനും ഇടയില് ആയുധങ്ങള് കൈമാറാന് പശ്ചിമേഷ്യന് വ്യോമാതിര്ത്തി ഉപയോഗിച്ചുവെന്നാണ് റിപ്പോര്ട്ട്. ഇറാന്റെയും അഫ്ഗാനിസ്ഥാന്റെയും വ്യോമാതിര്ത്തി ഒഴിവാക്കി പാക് വ്യോമപാതയാണ് ഇതിനായി ഉപയോഗിച്ചത്. ആയുധങ്ങളുമായി ഗ്ലോബ്മാസ്റ്റര് വിമാനം പറന്നു. യുക്രെയിന് സൈന്യത്തിനായുള്ള പീരങ്കി വെടിക്കോപ്പുകള് ഈ ദിവസങ്ങളില് പാകിസ്ഥാനിലൂടെ കൈമാറി. യുദ്ധം ആരംഭിച്ചതുമുതല് പാശ്ചാത്യ ശക്തികള് യുക്രെയിന് ആയുധങ്ങള് യഥേഷ്ടം എത്തിക്കുന്നുണ്ട്.
അടുത്തിടെ യുക്രെയില് വിദേശകാര്യമന്ത്രി പാക്കിസ്ഥാനെ പ്രശംസിച്ചതുമായി ബന്ധപ്പെട്ടാണ് യുദ്ധത്തില് പാകിസ്ഥാന്റെ കരങ്ങളെ സംശയിക്കാന് പ്രതിരോധ മാദ്ധ്യമങ്ങള് ശ്രമം തുടങ്ങിയത്. യുക്രെയിനുമായി മുന്പും പാകിസ്ഥാന് അടുത്ത ബന്ധമാണ് പുലര്ത്തിയിരുന്നത്. യുക്രെയിനില് നിന്നും പാകിസ്ഥാന് ടാങ്കുകളടക്കമുള്ള ആയുധങ്ങള് വാങ്ങിയിരുന്നു. 1991 നും 2020 നും ഇടയില് യുക്രെയ്ന് പാക്കിസ്ഥാനുമായി ഏകദേശം 1.6 ബില്യണ് ഡോളറിന്റെ ആയുധ ഇടപാടുകള് നടത്തിയിരുന്നു. ഇതിനുള്ള പ്രതിഫലമായി 1998ല് ഇന്ത്യയുടെ ആണവപരീക്ഷണങ്ങളെ എതിര്ത്ത രാജ്യങ്ങളിലൊന്നായിരുന്നു യുക്രെയിന്. പാകിസ്ഥാന് വേണ്ടി ഇന്ത്യയ്ക്കെതിരെ നിലപാടെടുക്കാനും കീവ് അക്കാലങ്ങളില് തയ്യാറായിരുന്നു. കാശ്മീര് വിഷയത്തിലടക്കം ഈ സഹകരണമുണ്ടായിരുന്നു. അതേസമയം ഇന്ത്യ അമേരിക്ക ബന്ധം തളിര്ക്കുന്നതിന് പകരമായി പാകിസ്ഥാനുമായി അടുക്കാന് റഷ്യ അടുത്തിടെ ശ്രമിച്ചിരുന്നു. ഇപ്പോഴത്തെ പാകിസ്ഥാന് രഹസ്യ ഇടപെടലുകള് ഈ റഷ്യയുടെ ഈ നീക്കം അവസാനിപ്പിക്കുമെന്ന് ഇന്ത്യ കരുതുന്നു.
https://www.facebook.com/Malayalivartha
