വിഖ്യാത ചലച്ചിത്ര സംവിധായകന് ഴാങ് ലുക് ഗൊദാര്ദ് വിടവാങ്ങി..... 91 വയസായിരുന്നു, ജനീവയിലെ റോള് നഗരത്തിലെ വസതിയില് ചൊവ്വാഴ്ച പുലര്ച്ചെയായിരുന്നു ഫ്രഞ്ച് നവതരംഗ സിനിമയുടെ പിതാവ് എന്നു വിശേഷിക്കപ്പെടുന്ന ഗൊദാര്ദിന്റെ അന്ത്യം
വിഖ്യാത ചലച്ചിത്ര സംവിധായകന് ഴാങ് ലുക് ഗൊദാര്ദ് വിടവാങ്ങി..... 91 വയസായിരുന്നു, ജനീവയിലെ റോള് നഗരത്തിലെ വസതിയില് ചൊവ്വാഴ്ച പുലര്ച്ചെയായിരുന്നു ഫ്രഞ്ച് നവതരംഗ സിനിമയുടെ പിതാവ് എന്നു വിശേഷിക്കപ്പെടുന്ന ഗൊദാര്ദിന്റെ അന്ത്യം.
സെക്കന്ഡില് ഇരുപത്തിനാല് ഫ്രെയിമില് പറയുന്ന സത്യമാണ് സിനിമ എന്ന് പ്രഖ്യാപിച്ച് സിനിമയില് നവതരംഗ കലാപം സൃഷ്ടിച്ച ഫ്രഞ്ച് - സ്വിസ് സംവിധായകനാണ് വിടവാങ്ങിയത്. തിരക്കഥാകൃത്തും നിര്മ്മാതാവും നിരൂപകനുമായിരുന്നു.
ബ്രത്ലസ്, കണ്ടംപ്റ്റ്, മൈ ലൈഫ് ടു ലിവ്, എ വുമണ് ഈസ് എ വുമണ്, വീക്കെന്ഡ്, ആല്ഫവില്, ലാ പെറ്റിറ്റ് സോള്ഡാട്ട്, ഇമേജ് ബുക്ക്, അഡിയൂ ലാംഗ്വേജ് തുടങ്ങി നാല്പ്പതിലേറെ ഫീച്ചര് സിനിമകള് സംവിധാനം ചെയ്തിട്ടുണ്ട്.
അന്പതുകളിലും അറുപതുകളിലും സിനിമയുടെ വ്യാകരണം പൊളിച്ചടുക്കി, സിനിമ സംവിധായകന്റെ കലയാണെന്ന് അടിവരയിട്ട രചയിതാ സിദ്ധാന്തത്തിലൂടെ ( ഓതിയര് തിയറി ) ലോകസിനിമയെ മാറ്റിമറിച്ച ഫ്രഞ്ച് നവതരംഗ പ്രസ്ഥാനത്തിന്റെ അമരക്കാരനായിരുന്നു ഗൊദാര്ദ്.
1930 ഡിസംബര് മൂന്നിന് സമ്പന്ന ഫ്ര്ച് സ്വീസ് കുടുംബത്തിലാണ് ഗൊദാര്ദിന്റെ ജനനം. സാഹിത്യത്തില് ഴാങ് പോള് സാര്ത്രിന് സമമായിരുന്നു സിനിമയില് ഗൊദാര്ദിന്റെ സ്ഥാനം. കവിതയും തത്വചിന്തയും രാഷ്ട്രീയവും സാമൂഹ്യവിമര്ശനവും അദ്ദേഹത്തിന്റെ സിനിമകളില് ഇഴചേര്ന്നു.
https://www.facebook.com/Malayalivartha
