ജന്മദിനത്തില്‍ തന്നെ ഇന്ത്യന്‍ പ്രധാനമന്ത്രി നരേന്ദ്രമോദിയെ വാഴ്ത്തിപ്പാടുകയാണ് ലോക മാധ്യമങ്ങള്‍ ഉസ്ബക്കിസ്ഥാനിലെ മോദിയുടെ നിലപാട് തന്നെയാണ് അതിന് കാരണ്. ഏറ്റവും കര്‍ക്കശക്കാരനായ ഒരു ലോക നേതാവാണ് പുടിന്‍. ആ പുടിനെ വിറപ്പിക്കാന്‍ അല്ലെങ്കില്‍ ശാസിക്കാന്‍ ആര്‍ക്കാണ് അധികാരമുള്ളത്. അല്ലെങ്കില്‍ ആര് അതിന് ധൈര്യപ്പെടും. എതിര്‍ ചേരിയിലെ വമ്പന്മാര്‍ പോലും അങ്ങനെ ഒരു സാഹസം ചെയ്യില്ല പക്ഷേ മോദിയുടെ ഉച്ചകോടിയിലെ പെരുമാറ്റം എല്ലാ ലോക നേതാക്കളെയും ഞെട്ടിച്ചു. അമേരിക്കയിലെ മുഖ്യധാരാ മാദ്ധ്യമങ്ങളാണ് ഈ വാര്‍ത്ത പുറത്തുവിട്ടിരിക്കുന്നത്.

കൊവിഡ് അവസാനിക്കും മുമ്പ് എത്തിയ റഷ്യ യുക്രൈന്‍ യുദ്ധം ഇന്ത്യന്‍ വിപണിയെയും സാരമായി ബാധിച്ചിരുന്നു. യുകെയെ വെട്ടി മുന്നോട്ട് കുതിക്കുന്ന ഇന്ത്യയെ ഈ യുദ്ധം വലിയ രീതിയില്‍ ബാധിച്ചു. ഇന്ത്യയെ മാത്രമല്ല എല്ലാ രാജ്യങ്ങളെയും യുദ്ധം ബാധിച്ചു. ഈ സാഹചര്യത്തിലാണ് യുദ്ധം ഉടന്‍ നിര്‍ത്തണമെന്ന് പുടിനോട് മോദി ആവശ്യപ്പെട്ടത് യുക്രെയിന്‍ യുദ്ധത്തില്‍ മോദി പുടിനെ ശാസിച്ചു എന്നാണ് വാഷിംഗ്ടണ്‍ പോസ്റ്റ് റിപ്പോര്‍ട് ചെയ്തത്.

യുക്രെയിന്‍ ആക്രമണ വിഷയത്തില്‍ പുടിന്‍ എല്ലാത്തരത്തിലും സമ്മര്‍ദ്ദത്തിലാണെന്ന് വാഷിംഗ്ടണ്‍ പോസ്റ്റിന്റെ റിപ്പോര്‍ട്ടില്‍ പറയുന്നു. ഇന്ത്യയുടെ നിലപാടിനെക്കുറിച്ചും നിരന്തരം പ്രകടിപ്പിക്കുന്ന ആശങ്കകളെക്കുറിച്ചും അറിയാമെന്ന് പ്രതികരിച്ച പുടിന്‍ എത്രയും വേഗം യുദ്ധം അവസാനിപ്പിക്കാന്‍ ശ്രമിക്കുമെന്നും എന്നാല്‍ യുക്രെയിന്‍ ഇത് അവസാനിപ്പിക്കാന്‍ ചര്‍ച്ചയ്ക്ക് തയ്യാറാകുന്നില്ലെന്നുമുള്ള മറുപടിയാണ് നല്‍കിയത്.

മോദിയ്ക്കു മുന്നില്‍ അനുസരണയുള്ള കുട്ടിയായി ഇരിക്കുന്ന പുടിനെയും ഉച്ചകോടിയില്‍ കാണമായിരുന്നു ന്യൂയോര്‍ക്ക് ടൈംസ് റിപ്പോര്‍ട്ട് ചെയ്യുന്നതനുസരിച്ച് 'ഇപ്പോള്‍ യുദ്ധത്തിന്റെ യുഗമല്ലെന്ന് പുടിനോട് മോദി വ്യക്തമാക്കി' എന്നാല്‍ കൂടിക്കാഴ്ച സൗഹൃദപരമാണെന്നും ഇരുവരും പൂര്‍വകാല ചരിത്രത്തെ ചര്‍ച്ചയ്ക്കിടെ സൂചിപ്പിച്ചു എന്നും ന്യൂയോര്‍ക്ക് ടൈംസില്‍ പറയുന്നു.

'യുക്രെയിന്‍ സംഘര്‍ഷത്തില്‍ ഇന്ത്യയെടുത്ത നിലപാടും ആശങ്കകളും തനിക്കറിയാമെന്ന് പുട്ടിന്‍ ചര്‍ച്ചയ്ക്കിടെ പറഞ്ഞു. ഇതെല്ലാം എത്രയും വേഗം അവസാനിക്കണമെന്നാണ് ആഗ്രഹിക്കുന്നത്. ഇതിനായി പരമാവധി ശ്രമിക്കും. എണ്ണ, വാതകം, ആണവ മേഖലകളില്‍ സ്ഥിരമായി പദ്ധതികള്‍ നടപ്പാക്കുമെന്നും പുട്ടിന്‍ മോദിയ്ക്ക് ഉറപ്പു നല്‍കി.

മാത്രമല്ല സ്വാതന്ത്ര്യത്തിന്റെ 75ാം വാര്‍ഷികം ആഘോഷിക്കുന്ന ഇന്ത്യയ്ക്ക് പുട്ടിന്‍ ആശംസയറിയിച്ചു. ഇന്ത്യയും റഷ്യയും തമ്മിലുള്ള തന്ത്രപരമായ പങ്കാളിത്തം വേഗത്തില്‍ വളരുകയാണെന്നും പുടിന്‍ ചൂണ്ടിക്കാട്ടി. മോദിയുടെ ജന്മദിനമാണെന്ന കാര്യം റഷ്യയ്ക്ക് ഓര്‍മ്മയുണ്ടെന്നും പുട്ടിന്‍ ചര്‍ച്ചയ്ക്കിടെ പറഞ്ഞു. റഷ്യന്‍ പാരമ്പര്യമനുസരിച്ച് മുന്‍കൂട്ടി ആശംസയറിയിക്കില്ലെങ്കിലും ഇന്ത്യന്‍ സംസ്‌കാരമനുസരിച്ച് മോദിക്കും ആശംസകള്‍ നേരുന്നതായും പുട്ടിന്‍ പറഞ്ഞു. അതേസമയം യുദ്ധത്തിനിടെ ഇന്ത്യന്‍ വിദ്യാര്‍ത്ഥികളെ ഒഴിപ്പാക്കാന്‍ സഹായിച്ചതിന് പുട്ടിനോടും യുക്രെയിനോടും മോദി നന്ദി രേഖപ്പെടുത്തി.

അതേസമയം മോദി നിലപാടുകൊണ്ടും ശൈലികൊണ്ടും കയ്യടി നേടുമ്പോള്‍ മറ്റുചിലര്‍ കോമഡിയാവുകയാണ്. പൊതുവേ ഗൗരവക്കാരനായി കണക്കാക്കുന്ന റഷ്യന്‍ പ്രസിഡന്റ് വ്‌ളാഡിമര്‍ പുടിനെ പോലും ചിരിപ്പിക്കുന്ന സംഭവമരങ്ങേറിയത്. ഉച്ചകോടിയുടെ ഭാഗമായി നടന്ന ചര്‍ച്ചയില്‍ പരിഭാഷയ്ക്കായി ഉപയോഗിക്കുന്ന ഹെഡ്‌സെറ്റ് കൃത്യമായി ഉപയോഗിക്കാന്‍ കഴിയാതെ വന്നതാണ് പാകിസ്ഥാന്‍ പ്രധാനമന്ത്രി, ഷെഹബാസ് ഷെരീഫിന് വിനയായി മാറിയത്. ഇരു രാഷ്ട്രതലവന്‍മാരും തമ്മിലുള്ള മുന്‍കൂട്ടി നിശ്ചയിച്ച ചര്‍ച്ച ആരംഭിക്കുന്നതിന് മുന്‍പ് തന്നെ പാകിസ്ഥാന്‍ പ്രധാനമന്ത്രിയുടെ ഹെഡ്‌സെറ്റ് അനുസരണക്കേട് കാണിക്കുന്നതായി പ്രതിപക്ഷ പാര്‍ട്ടി അംഗങ്ങളടക്കം ട്വീറ്റ് ചെയ്ത വീഡിയോയില്‍ കാണാം. ഹെഡ്‌സെറ്റ് ശരിയായി ചെവിയിലുറപ്പിക്കുന്നതില്‍ പരാജയപ്പെട്ടതോടെ ഒടുവിലെത്തുന്ന സഹായിയാണ് ഷെഹബാസ് ഷെരീഫിന് രക്ഷകനായി മാറുന്നത്. പ്രശ്‌നങ്ങളെല്ലാം മാറി ചര്‍ച്ച പുനരാരംഭിക്കാന്‍ സമയം ഹെഡ്‌സെറ്റ് വീണ്ടും അദ്ദേഹത്തിന്റെ ചെവിയില്‍ നിന്ന് ഊര്‍ന്ന് താഴെ പോകുന്നതോടെ ഇതെല്ലാം തൊട്ടടുത്തുള്ള കസേരയില്‍ ഇരുന്ന് വീക്ഷിക്കുന്ന പുടിന്‍ ചിരി അടക്കാന്‍ പാടുപെടുന്നത് ദൃശ്യങ്ങളില്‍ വ്യക്തമാണ്.

റഷ്യ യുക്രൈന്‍ സംഘര്‍ഷത്തിനിടയിലും പാക് പ്രധാനമന്ത്രിയ്ക്ക് പുടിനെ ചിരിപ്പിക്കാനായെങ്കിലും, സംഭവം അത്ര രസകരമായല്ല പാകിസ്ഥാനില്‍ പ്രചരിക്കുന്നത്. ഷെഹബാസ് ഷെരീഫ് പാകിസ്ഥാനെയാകെ നാണംകെടുത്തി എന്ന അടിക്കുറിപ്പോടെയാണ് മുന്‍ മന്ത്രിയും പ്രതിപക്ഷ പാര്‍ട്ടി നേതാവുമായ ഷിറീന്‍ മസാരി ചര്‍ച്ചയിലെ ദൃശ്യങ്ങള്‍ ട്വിറ്റര്‍ വഴി ഷെയര്‍ ചെയ്തത്. കൂടാതെ പാകിസ്ഥാന്‍ പ്രതിനിധി സംഘം ഉച്ചകോടിയില്‍ ഔപചാരിക മര്യാദയില്ലാതെയാണ് പങ്കെടുത്തത് എന്ന് ആരോപിച്ച് കൊണ്ടുള്ള ചിത്രങ്ങളും പ്രതിപക്ഷ അംഗങ്ങള്‍ ട്വീറ്റ് ചെയ്തിട്ടുണ്ട്.

കോവിഡ് മൂലം രണ്ട് വര്‍ഷത്തെ ഇടവേളയ്ക്ക് ശേഷം നടക്കുന്ന ഷാങ്ഹായ് സഹകരണ ഉച്ചകോടിയ്ക്കാണ് ഉസ്ബക്കിസ്ഥാന്‍ ആതിഥോയത്വം വഹിക്കുന്നത്. ഇന്ത്യന്‍ പ്രധാനമന്ത്രി നരേന്ദ്ര മോദി അടക്കമുള്ള 8 രാഷ്ട്രത്തലവന്‍മാര്‍ സമ്മിറ്റില്‍ പങ്കെടുക്കുന്നുണ്ട്.