അമേരിക്കയെ വെട്ടാന് ചൈന റഷ്യ ഇറാന് സഖ്യം ഗ്യാലറിയിലിരുന്ന് കളി കാണാന് ഇന്ത്യ..
ചൈനയെയും റഷ്യയെയും തങ്ങളുടെ തലയ്ക്കു മുകളില് വളരാന് അമേരിക്ക ഒരിക്കലും അനുവദിക്കില്ല. അതിനു വേണ്ടി ആരുമായും അമേരിക്ക കൈ കോര്ക്കും. ചൈനയെ വെട്ടാന് ഇന്ത്യയുടെ സഹായം അമേരിക്കയ്ക്ക് ആവശ്യമാണ് അതുകൊണ്ടു തന്നെ അമേരിക്ക ഇക്കാര്യത്തില് ഇന്ത്യയ്ക്ക് വലിയ പിന്തുണ നല്കുന്നുണ്ട്. ഇതേ സമയം തന്നെ നമ്മുടെ ശത്രു രാജ്യമായ പാകിസ്ഥാനുമായും അമേരിക്ക പല കൊടുക്കല് വാങ്ങലുകളും നടത്തുന്നുണ്ട്. സ്വന്തം സുരക്ഷയ്ക്കായി മറ്റേത് രാജ്യത്തെ വേണമെങ്കിലും ബലികൊടുക്കാന് അമേരിക്ക തയ്യാറാകും. യുക്രൈന് അതിനൊരുദാഹരണം മാത്രം. ഇതിനായി അമേരിക്കയ്ക്കൊപ്പമുള്ളത് ബ്രിട്ടനും.
തങ്ങളെ തകര്ക്കാന് അമേരിക്ക ഒരു ഭാഗത്ത് സഖ്യം ചേരുമ്പോള് മറു ഭാഗത്തും അതിനെ പ്രതിരോധിക്കാന് സഖ്യമുണ്ടാവുക സ്വാഭാവികമായ കാര്യമാണ്. ഇവിടെ അമേിക്കയെയും ബ്രിട്ടനെയും പ്രതിരോധിക്കാനായി റഷ്യചൈനഇറാന് അച്ചുതണ്ടാണ് ഉയര്ന്നുവരുന്നത്. ഉസ്ബെക്കിസ്ഥാനിലെ സമര്ഖണ്ഡില് നടന്ന ഷാങ്ഹായ് സഹകരണ സംഘടന യോഗത്തില് ഈ അച്യുതണ്ടിന് കൂടുതല് കരുത്ത് രൂപപ്പെട്ടതായാണ് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്. ഈ പുതിയ പ്രതിരോധ അച്ചുതണ്ട് അമേരിക്കയ്ക്ക് വലിയ വെല്ലുവിളിയാണ് മുന്നോട്ട് വയ്ക്കുന്നത്. ഇവിടെ ഇന്ത്യയെ അടക്കം രംഗത്തിറക്കാനുള്ള യുഎസിന്റെ സാധ്യത അടയുകയാണ്. റഷ്യയ്ക്കെതിരെ കൂടുതല് പ്രകോപനകരമായ നിലപാടുകള് ഇന്ത്യ എടുക്കാനുള്ള സാധ്യത വളരെ കുറവാണ്. കാരണം അമേരിക്കയെക്കാളും വിശ്വസിക്കാവുന്നൊരു സുഹൃത്തായിട്ടാണ് റഷ്യയെ ഇന്ത്യ കണക്കാക്കുന്നത്. എന്നാല് സ്വന്തം സുരക്ഷയ്ക്കായി ചൈനയെ ഇന്ത്യ പ്രതിരോധിക്കുക തന്നെ ചെയ്യും. ഈ ഉച്ചകോടിയില് ചൈനയുമായുള്ള പ്രശ്നങ്ങള്ക്ക് ആശ്വാസമുണ്ടാകും എന്ന് പ്രതീക്ഷിച്ചു എങ്കിലും അങ്ങനെയൊന്നും സംഭവിക്കാത്തുകൊണ്ടു തന്നെ അതിര്ത്തി പ്രശ്നങ്ങള് നീണ്ടുപോകാന് തന്നെയാണ് സാധ്യത.
അതേസമയം എസ്സിഒ യില് ഇറാനെ കൂടി പൂര്ണ്ണ അംഗമായി ചേര്ത്തതോടെ ആകെ അംഗബലം ഒമ്പതായി. ഇതുവരെ ചൈന, റഷ്യ, ഇന്ത്യ, കസാഖിസ്ഥാന്, കിര്ഗിസ്ഥാന്, പാകിസ്ഥാന്, താജികിസ്ഥാന്, ഉസ്ബെകിസ്ഥാന് എന്നീ രാജ്യങ്ങളായിരുന്നു സ്ഥിരാംഗങ്ങള്. ഇറാന് പ്രസിഡന്റ് ഇബ്രാഹിം റെയ് സി റഷ്യന് പ്രസിഡന്റ് വ്ളാഡിമിര് പുടിനുമായി പ്രത്യേകം കൂടിക്കാഴ്ചയും നടത്തിയിരുന്നു. ഇത് അമേരിക്കയെ പ്രതിരോധിക്കാനുള്ള നീക്കങ്ങള് ചര്ച്ച ചെയ്യാനായിരുന്നു എസ് സിഒയില് പൂര്ണ്ണ അംഗമായതോടെ സാമ്പത്തിക, വാണിജ്യ, ഗതാഗത, ഊര്ജ്ജ സഹകരണത്തിന്റെ പുതിയ ഘട്ടത്തിലേക്ക് കടന്നതായി ഇറാന് പറഞ്ഞു.
യുഎസ് ഉള്പ്പെടെയുള്ള പടിഞ്ഞാറന് രാജ്യങ്ങളുടെ കടുത്ത ഉപരോധം മറികടക്കാന് കൂടിയാണ് ഇറാന് എസ് സിഒയില് സ്ഥിരാംഗത്വം നേടിയത്. യുഎസ് ഉപരോധിച്ച ഇറാന്, റഷ്യ, ചൈന എന്നിവര് ഒന്നിച്ച് നിന്നാല് ധാരാളം പ്രശ്നങ്ങള് പരിഹരിക്കാനാകുമെന്ന് ഇറാന് പ്രസിഡന്റ് ഇബ്രാഹിം റെയ് സി പുടിനോട് പറഞ്ഞു. എസ് സിഒ സമ്മേളനത്തില് ഇതാദ്യമായി ഇറാന് പ്രസിഡന്റ് ഇബ്രാഹിം റെയ്സി ചൈനീസ് പ്രസിഡന്റ് ഷീ ജിന്പിങ്ങുമായി കൂടിക്കാഴ്ച നടത്തിയെന്ന പ്രത്യേകത കൂടിയുണ്ട്. ഇറാന്റെ അവകാശങ്ങള് സംരക്ഷിക്കാന് എല്ലാ വിധ പിന്തുണയും നല്കുമെന്ന് ചൈനീസ് പ്രസിഡന്റ് ഷീ ജിന്പിങ്ങ് പറഞ്ഞു.
https://www.facebook.com/Malayalivartha
