ഇന്ത്യന്‍ വ്യോമസേനയുടെ പഴയ പടക്കുതിരയായ മിഗ് 21 യുദ്ധവിമാനങ്ങളുടെ വിരമിക്കല്‍ പ്രഖ്യാപിച്ചിരിക്കുകയാണ് ഇന്ത്. ഇന്ത്യയുടെ അഭിമാന പോരാളിയായ അഭിനന്ദന്‍ വര്‍ത്തമാന്‍ ഈ പഴയ പടക്കുതിരയെ ഉപയോഗിച്ചാണ് പാകിസ്ഥാന്റെ അമേരിക്കന്‍ നിര്‍മിത എഫ് 16നെ തുരത്തിയടിച്ചത്. ഇന്ത്യ ഈ പുലിക്കുട്ടികളുടെ വിരമിക്കല്‍ പ്രഖ്യാപിക്കുന്ന സമയത്തു തന്നെയാണ് ചൈന അവരുടെ കട്ടപ്പുറത്തായ ആയുധങ്ങള്‍ വീണ്ടും കളത്തിലേയ്ക്കിറക്കുന്നത്. അമേരിക്കയുടെ സാമ്പത്തീക ടെക്‌നിക്കല്‍ സഹായങ്ങളും ഇതിന്റെ ഭാഗമായി പാകിസ്ഥാന് ലഭിക്കും. ഇക്കാര്യത്തില്‍ ഇന്ത്യ ശക്തമായ പ്രതിഷേധം അറിയിക്കുകയും ചെയ്തു.

പാക്കിസ്ഥാന്റെ ഭീകരവിരുദ്ധ പോരാട്ടത്തിന് ഇതു സഹായകമാണെന്നാണ് അമേരിക്ക പറയുന്നത്. എന്നാല്‍ ഇത് പാക്കിസ്ഥാന്റെ അയല്‍ രാജ്യങ്ങള്‍ക്ക് ഭീഷണിയാണെന്നാണ് ഇന്ത്യയുടെ വാദം. ഇക്കാര്യം പ്രതിരോധ മന്ത്രി രാജ്‌നാഥ് സിങ് യുഎസ് പ്രതിരോധ സെക്രട്ടറി ലിയോഡ് ഓസ്റ്റിനെ ഫോണില്‍ അറിയിക്കുകയും ചെയ്തു. എന്നാല്‍ പഴഞ്ചന്‍ സാങ്കേതിക വിദ്യകളും ഡിസൈനും പിന്തുടരുന്ന പാക്കിസ്ഥാന്റെ എഫ്16 നെ അത്യാധുനിക പോര്‍വിമാനങ്ങളും ടെക്‌നോളജിയും കൈവശമുള്ള ഇന്ത്യ ഭയക്കുന്നില്ലെന്നതാണ് വാസ്തവം? പാക്ക് പോര്‍വിമാനങ്ങള്‍ അതിര്‍ത്തി ലംഘിച്ചാല്‍ നിമിഷനേരത്തിനുള്ളില്‍ വെടിവച്ചിടാന്‍ ഇന്ത്യയ്ക്കും സാധിക്കും. അതിനുള്ള സാങ്കേതിക വിദ്യ ഇന്ത്യയുടെ കൈവശമുണ്ട്. അതാണ് എഷ്യയുടെ എസ് 400. ഇതിന് പുറമേ റഫേലുകളും ആ കരുത്ത് കൂട്ടുന്നു.

നിലവില്‍ കട്ടപ്പുറത്ത് കിടക്കുന്ന പാക്കിസ്ഥാന്റെ എഫ്16 പോര്‍വിമാനങ്ങള്‍ നവീകരിക്കാനാണ് 45 കോടി ഡോളറിന്റെ സഹായം നല്‍കാന്‍ അമേരിക്ക മുന്നോട്ടുവന്നിട്ടുള്ളത്. അതായത് പുതിയ പോര്‍വിമാനങ്ങള്‍ നല്‍കുകയോ നവ സാങ്കേതിക വിദ്യകള്‍ ചേര്‍ക്കുകയോ ചെയ്യുന്നില്ല. പ്രവര്‍ത്തിക്കാതെ കിടക്കുന്ന പോര്‍വിമാനങ്ങള്‍ പറന്നുയരാന്‍ വേണ്ട സഹായം മാത്രമാണ് അമേരിക്ക നല്‍കുന്നത്. പോര്‍വിമാനങ്ങള്‍ക്ക് ആവശ്യമായ നട്ടും ബോള്‍ട്ടും ഉള്‍പ്പെടെയുള്ള പാര്‍ട്‌സുകളാണ് ലഭിക്കുക. ഇതുകൊണ്ട് പാക്ക് വ്യോമസേനയ്ക്ക് കാര്യമായി നേട്ടമുണ്ടാകാനും പോകുന്നില്ലെന്നുള്ളയാണ് യാധാര്‍ത്ഥ്യം. സെപ്റ്റംബര്‍ 8 നാണ് ജോ ബൈഡന്‍ ഭരണകൂടം സഹായ പദ്ധതിക്ക് അംഗീകാരം നല്‍കിയത്. നാല് വര്‍ഷത്തിനിടെ ഇസ്‌ലാമാബാദിന് വാഷിങ്ടന്‍ നല്‍കുന്ന പ്രതിരോധ മേഖലയ്ക്കുള്ള പ്രധാന സഹായം കൂടിയാണിത്.

അമേരിക്കയില്‍നിന്നു പാക്കിസ്ഥാന്‍ വാങ്ങിയ പോര്‍വിമാനങ്ങളുടെ തുടര്‍ന്നുള്ള അറ്റകുറ്റപ്പണികളും സോഫ്റ്റ്‌വെയര്‍ അപ്‌ഡേഷനും ഇപ്പോള്‍ പ്രതിസന്ധിയിലാണ്. പാക്കിസ്ഥാന്റെ കൈവശം ഇപ്പോള്‍ ശേഷിക്കുന്നത് 75 എഫ്16 പോര്‍വിമാനങ്ങളാണ്. ഈ വിമാനങ്ങളെല്ലാം 1983ല്‍ വാങ്ങിയതാണ്. ഇത്രയും പഴക്കം ചെന്ന വിമാനങ്ങളുടെ സോഫ്റ്റ്‌വെയര്‍ അപ്‌ഡേഷന്‍ നടന്നില്ലെങ്കില്‍ കാര്യമായ ഉപയോഗമില്ലാതാകും. പോര്‍വിമാന നിര്‍മാണ മേഖലയില്‍ ദിവസവും വന്‍ മാറ്റങ്ങളാണ് വന്നുകൊണ്ടിരിക്കുന്നത് എന്നിരിക്കെ ഈ പഴയ പോര്‍വിമാനങ്ങള്‍ ഉപയോഗിച്ച് പരീക്ഷണപ്പറക്കല്‍ നടത്താന്‍ പോലും ഭയക്കേണ്ടതുണ്ട്. പഴഞ്ചന്‍ എഫ്–16 പോര്‍വിമാനങ്ങള്‍ പറത്താന്‍ ശ്രമിച്ച പാക്ക് വ്യോമസേനയ്ക്ക് നിരവധി അപകടങ്ങളും സംഭവിച്ചിട്ടുണ്ട്. 1980 മുതല്‍ 2020 വരെയുള്ള കാലയളവില്‍ പത്തോളം എഫ്–16 പോര്‍വിമാനങ്ങളാണ് തകര്‍ന്നു വീണത്.

അമേരിക്കന്‍ കമ്പനികള്‍ നിര്‍മിക്കുന്ന പോര്‍വിമാനങ്ങളുടെ ടെക്‌നോളജി ഒരിക്കലും കൈമാറ്റം ചെയ്യാറില്ല. അമേരിക്ക കൈമാറിയ പോര്‍വിമാനങ്ങളുടെ സോഫ്റ്റ്‌വെയറിലും മറ്റു ടെക്‌നോളജിയിലും മാറ്റം വരുത്തി ഉപയോഗിച്ച രണ്ടു രാജ്യങ്ങള്‍ ഇന്ത്യയും ഇസ്രയേലും മാത്രമാണ്. അമേരിക്കയില്‍നിന്നു വാങ്ങിയ ബോയിങ് പി8 പോസിഡോണ്‍ വിമാനത്തില്‍ ഇന്ത്യയുടെ സോഫ്റ്റ്‌വെയറും ടെക്‌നോളജിയുമാണ് ഉപയോഗിച്ചിരിക്കുന്നത്. അതേസമയം, ഇസ്രയേല്‍ വാങ്ങിയ പുതിയ പോര്‍വിമാനങ്ങളിലെല്ലാം സ്വന്തം സോഫ്റ്റ്‌വെയറുകളും ടെക്‌നോളജിയുമാണ് ഉപയോഗിച്ചിരിക്കുന്നത്. ഇവിടെയാണ് പാക്കിസ്ഥാന്‍ പ്രതിസന്ധിയിലാകുന്നത്. നിലവില്‍ പാക്കിസ്ഥാന്റെ കൈവശമുള്ള പോര്‍വിമാനങ്ങള്‍ പറന്നു പൊങ്ങണമെങ്കില്‍ പെന്റഗണില്‍നിന്ന് അനുമതി വേണ്ടതുണ്ട്. കാര്യങ്ങള്‍ അമേരിക്ക തീരുമാനിക്കും. പാര്‍ട്‌സുകള്‍ പോലും അമേരിക്ക നല്‍കിയില്ലെങ്കില്‍ ഉപയോഗിക്കാന്‍ സാധിക്കില്ല. വന്‍ സാമ്പത്തിക പ്രതിസന്ധി നേരിടുന്ന പാക്കിസ്ഥാനെ സംബന്ധിച്ചിടത്തോളം കോടികള്‍ നല്‍കി പുതിയ പോര്‍വിമാനങ്ങള്‍ വാങ്ങുക എന്നത് അത്ര എളുപ്പവുമല്ല.

അമേരിക്കന്‍! നിര്‍മിത എഫ്–16 പോര്‍വിമാനങ്ങള്‍ വെടിവെച്ചിടാന്‍ ഇന്ത്യ വാങ്ങിയ റഷ്യന്‍ വ്യോമ പ്രതിരോധ ടെക്‌നോളജി എസ്–400 ന് സാധിക്കുമെന്നാണു റിപ്പോര്‍ട്ട്. പാക്കിസ്ഥാന്റെ കൈവശമുള്ള പോര്‍വിമാനങ്ങള്‍ അതിര്‍ത്തി ലംഘിച്ചാല്‍ നിമിഷനേരത്തിനുള്ളില്‍ വെടിവച്ചിടാന്‍ ഇന്ത്യയ്ക്കും സാധിക്കും. തുര്‍ക്കിയും ചൈനയുമൊക്കെ വാങ്ങിയ എസ്–400 ഇന്ത്യയിലും വിന്യസിച്ച് തുടങ്ങിയിട്ടുണ്ട്. 2019 നവംബറില്‍ത്തന്നെ എഫ് 16 യുദ്ധവിമാനങ്ങള്‍ക്കു നേരെ എസ് 400 പ്രതിരോധ സംവിധാനങ്ങള്‍ പരീക്ഷിച്ചതായി തുര്‍ക്കി വ്യോമസേന വൃത്തങ്ങള്‍ വെളിപ്പെടുത്തിയിരുന്നു. എസ് 400 പരീക്ഷിക്കുന്നതിനായി എഫ് 16 യുദ്ധവിമാനങ്ങള്‍ ഉള്‍പ്പെടെ വിവിധ പോര്‍വിമാനങ്ങള്‍ അങ്കാറയ്ക്ക് സമീപം വിന്യസിച്ചിരുന്നതായി 2019 നവംബര്‍ 25 ന് സിഎന്‍എന്‍ റിപ്പോര്‍ട്ട് ചെയ്തിരുന്നു.

ന്മ പാക്ക് എഫ്16 ഇന്ത്യ തകര്‍ത്തിട്ടുണ്ട്: വ്യോമസേന

2019 ഫെബ്രുവരി 27ന് അതിര്‍ത്തിയിലെ ഡോഗ്‌ഫൈറ്റില്‍ പാക്കിസ്ഥാന്റെ എഫ്16 പോര്‍വിമാനം തകര്‍ത്തതിന് തെളിവുകളുമായി ഇന്ത്യന്‍ വ്യോമസേനയും രംഗത്തുവന്നിരുന്നു. വ്യോമസേന വിങ് കമാന്‍ഡര്‍ അഭിനന്ദന്‍ വര്‍ധമാന്‍ മിഗ്–21 ബൈസണ്‍ ഉപയോഗിച്ച് എഫ്16 തകര്‍ക്കുന്നതിന്റെ റഡാര്‍ ചിത്രങ്ങള്‍ വ്യോമസേന പുറത്തുവിടുകയും ചെയ്തു. നിയന്ത്രണ രേഖയ്ക്ക് സമീപമാണ് എഫ് 16 തകര്‍ന്നു വീണത്. അന്നത്തെ ദൗത്യത്തിനിടെ ഇന്ത്യയുടെ മിഗ്21 വിമാനവും തകര്‍ന്നു വീണിരുന്നു. പാക്ക് അധിനിവേശ കശ്മീരിലെ (പിഒകെ) നൗഷേര മേഖലയിലാണ് എഫ്16നെ വീഴ്ത്തിയതെന്നു വ്യേമസേന നേരത്തേ അറിയിച്ചിരുന്നു. വ്യോമാക്രമണം നടന്ന ഫെബ്രുവരി 27ന് അവരുടെ വിമാനം തിരിച്ചെത്തിയില്ലെന്ന കാര്യം പാക്ക് വ്യോമസേനയുടെ റേഡിയോ ആശയവിനിമയത്തിലും വ്യക്തമായിരുന്നു. വിമാനങ്ങളില്‍ നിന്നുള്ള 'ഇജക്ഷന്‍' സംബന്ധിച്ച ഇലക്ട്രോണിക് സിഗ്‌നേച്ചറുകളിലും പാക്കിസ്ഥാന്റേത് എഫ്16 ആണെന്ന സൂചനയുണ്ടായിരുന്നു.