കഴിഞ്ഞ 20 ദിവസമായി ഇസ്രായേലും ഹമാസും തമ്മില് തുടരുന്ന യുദ്ധം...ഗാസയുടെ ചിത്രം ആകെ മാറ്റിയതിന്റെ തെളിവ് പുറത്ത്.... സാറ്റലൈറ്റ് ചിത്രങ്ങളാണ് പുറത്തുവന്നത്... പല കെട്ടിടങ്ങളും അവശിഷ്ടങ്ങളായി മാറി.... റോക്കറ്റ് ആക്രമണത്തില് ഗാസയിലെ മുഴുവന് നഗരങ്ങളും തകര്ന്നു....
കഴിഞ്ഞ 20 ദിവസമായി ഇസ്രായേലും ഹമാസും തമ്മില് തുടരുന്ന യുദ്ധം ഗാസയുടെ ചിത്രം ആകെ മാറ്റിയതിന്റെ തെളിവ് പുറത്ത്. ഇസ്രയേല് ആക്രമണങ്ങള് ഗാസയില് എങ്ങനെ നാശം വിതച്ചെന്ന് തെളിയിക്കുന്ന സാറ്റലൈറ്റ് ചിത്രങ്ങളാണ് പുറത്തുവന്നത്. ഇതില് ഇസ്രായേല് ആക്രമണത്തിന് മുമ്പും ശേഷവുമുള്ള ഗാസയുടെ ചിത്രങ്ങള് താരതമ്യം ചെയ്തിട്ടുണ്ട്. പല കെട്ടിടങ്ങളും അവശിഷ്ടങ്ങളായി മാറി. റോക്കറ്റ് ആക്രമണത്തില് ഗാസയിലെ മുഴുവന് നഗരങ്ങളും തകര്ന്നു.കരയുന്ന കുട്ടികള്, വീടുകളില് നിന്ന് ഉയരുന്ന പുക, ഭക്ഷണസാധനങ്ങള്ക്കായുള്ള നീണ്ട ക്യൂ, ആശുപത്രികളില് ചികിത്സയ്ക്കായി മണിക്കൂറുകളോളം കാത്തുനില്ക്കല്... ഇതാണ് ഗാസയുടെ നിലവിലെ നേര്ചിത്രം. മാക്സര് ടെക്നോളജിയാണ് സാറ്റലൈറ്റ് ചിത്രം പുറത്തുവിട്ടത്.വ്യോമാക്രമണത്തിലൂടെ ഇസ്രായേല് പ്രതിരോധ സേന തകര്ത്ത ഗാസ മുനമ്പിലെ അല്-കാര്മെന്, അറ്റാട്ര പ്രദേശങ്ങളാണ് സാറ്റലൈറ്റ് ചിത്രങ്ങളിലുള്ളത്.
ഗാസയില് താമസിക്കുന്നവര് തന്നെ നാശനഷ്ടങ്ങള് കാണിക്കുന്ന വീഡിയോകളും ഫോട്ടോകളും സോഷ്യല് മീഡിയയില് പോസ്റ്റ് ചെയ്യുന്നുണ്ട്. ഒക്ടോബര് ഏഴിന് ഹമാസുമായുള്ള യുദ്ധം ആരംഭിച്ചത് മുതല് ഇസ്രായേല് വ്യോമസേന തുടര്ച്ചയായി ആക്രമണം നടത്തുകയാണ്. ഇവയില് നിരവധി ആയുധ ഡിപ്പോകളും ഹമാസ് തുരങ്കങ്ങളും ഉള്പ്പെടെ നശിപ്പിക്കപ്പെട്ടു.തന്റെ സൈന്യം രാവും പകലും വ്യത്യാസമില്ലാതെ ഹമാസ് തീവ്രവാദികള്ക്കെതിരെ ആയിരക്കണക്കിന് ബോംബുകള് വീതംവര്ഷിക്കുകയാണെന്ന് ഒക്ടോബര് 11-ന് ഇസ്രായേല് വ്യോമസേനാ മേധാവി ഒമര് ടിഷ്ലര് പറഞ്ഞിരുന്നു. ഇത് ശരിവെക്കുന്ന ചിത്രങ്ങളാണ് പുതിയ ചിത്രങ്ങള്. ഹമാസിന്റെയും പലസ്തീന് ഇസ്ലാമിക് ജിഹാദിന്റെയും ഭീകരര് ഒളിച്ചിരിക്കുന്നിടങ്ങള് ലക്ഷ്യമിട്ടാണ് ആക്രമണം.
അക്രമികള്, ഗാസയില് നിന്ന് പുറത്തുകടക്കുന്നവര്,ഒളിച്ചിരിക്കുന്ന തീവ്രവാദികള് വരെയുള്ളവരെ വരെ വ്യോമസേന വേട്ടയാടുമെന്നും ടിഷ്ലര് പറഞ്ഞു.തിങ്കളാഴ്ച ഇസ്രായേല് ബോംബാക്രമണം നടത്തിയ ഗാസയിലെ ഒരു നഗരത്തില് സ്ഥിതി ശോചനീയമാണ്. ഇപ്പോള് ഭക്ഷണം കഴിക്കാന് പോലും ആളുകള് ബുദ്ധിമുട്ടുന്ന തരത്തില് സ്ഥിതിഗതികള് മാറി.പെട്രോള് പമ്പുകളിലും ഗ്യാസ് സ്റ്റേഷനുകളിലും മണിക്കൂറുകളോളം ആളുകള് ക്യൂവില് നില്ക്കുന്നു. ഗ്യാസും മണ്ണെണ്ണയും കിട്ടാത്തതിനാല് വിറക് തീയില് ഭക്ഷണം പാകം ചെയ്യേണ്ട അവസ്ഥയാണ് ജനങ്ങള്ക്ക്.ഇസ്രയേലിന്റെ തിരിച്ചടിയില് 6,500-ലധികം പേര് കൊല്ലപ്പെട്ടതായി ഗാസ മുനമ്പിലെ ആരോഗ്യ മന്ത്രാലയം അറിയിച്ചിട്ടുണ്ട്. പലസ്തീന് തീവ്രവാദ സംഘടനയായ ഹമാസിനെ തകര്ക്കാന് ലക്ഷ്യമിട്ടാണ് ഗാസ മുനമ്പില് ബോംബെറിയുന്നതെന്ന് ഇസ്രായേല് പറയുന്നു. ഇതിനിടെ സംഘര്ഷം മിഡില് ഈസ്റ്റിനും അപ്പുറത്തേക്ക് വ്യാപിക്കുമെന്നാണ് റഷ്യ മുന്നറിയിപ്പ് നല്കുന്നത്. ഇതിനിടെ ഹമാസിന്റെയും ഇസ്ലാമിക് ജിഹാദിന്റെയും ഉന്നത കമാന്ഡര്മാരുമായി ലെബനന് സംഘടനയായ ഹിസ്ബുള്ളയുടെ തലവന് കൂടിക്കാഴ്ച നടത്തി.
ഈ യോഗത്തില് ഗാസയില് ഇസ്രയേലിനെതിരെ വിജയം നേടാന് സ്വീകരിക്കേണ്ട തന്ത്രം ഇരുവിഭാഗവും ചര്ച്ച ചെയ്തു. മറ്റ് രാജ്യങ്ങള് സ്വീകരിച്ച നടപടികളും യോഗത്തില് ചര്ച്ചയായി. ഹിസ്ബുള്ള മേധാവി സയ്യിദ് ഹസന് നസ്റല്ല, ഹമാസ് ഡെപ്യൂട്ടി ചീഫ് സലേഹ് അല്-അറൂരി, ഇസ്ലാമിക് ജിഹാദ് മേധാവി അല്-നഖ്ല എന്നിവര് യോഗത്തില് പങ്കെടുത്തു.ഒക്ടോബര് 7 ന് ഹമാസും ഇസ്ലാമിക് ജിഹാദും ചേര്ന്നാണ് ഗാസ മുനമ്പില് നിന്ന് ഇസ്രായേലിനെ ആക്രമിച്ചത്. ഈ കാലയളവില് ആയിരക്കണക്കിന് റോക്കറ്റുകള് ഗാസ മുനമ്പില് നിന്ന് തൊടുത്തുവിട്ടു. ഇത് മാത്രമല്ല ഹമാസിന്റെയും ഇസ്ലാമിക് ജിഹാദിന്റെയും പോരാളികള് ഇസ്രയേലിന്റെ അതിര്ത്തി പ്രദേശങ്ങളില് കടന്ന് കൂട്ടക്കൊല നടത്തി. ഈ ആക്രമണങ്ങളില് 1400 സാധാരണക്കാര് കൊല്ലപ്പെട്ടു. ഇരുവിഭാഗത്തിന്റെയും ഭീകരര് നൂറുകണക്കിന് ആളുകളെ ബന്ദികളാക്കിയിരുന്നു. ഇതുവരെ ഇസ്രായേലിലും പാലസ്തീനിലുമായി 6000 പേര് കൊല്ലപ്പെട്ടു.
https://www.facebook.com/Malayalivartha
