പുട്ടിന് പണിവെച്ച് ബൈഡന്‍;ലാത്വിയക്കും റഷ്യയെ വെല്ലുവിളിക്കാന്‍ വജ്രായുധം നല്‍കി അമേരിക്ക,യുക്രൈനോട് അടിപതറി നില്‍ക്കുന്ന റഷ്യയ്ക്ക് അടുത്ത പണി,ഇറാനും ചൈനയും റഷ്യയും യുഎസ്സിനെക്കൊണ്ട് പൊറുതിമുട്ടി
വ്‌ളാഡമിര്‍ പുട്ടിന് ചെക്കുവെച്ച് ജോ ബൈഡന്‍. യൂറോപ്പില്‍ റഷ്യയുടെ പദ്ധതികള്‍ക്ക് മുട്ടന്‍ പണിവെച്ച് ബൈഡന്‍. ലാത്വിയ എന്ന കുഞ്ഞന്‍ രാജ്യത്തിനും റഷ്യയെ വെല്ലുവിളിക്കാന്‍ വജ്രായുധം നല്‍കി അമേരിക്ക. യുഎസിന്റെ അത്യാധുനിക ഹിമാര്‍സ് മിസൈല്‍ സംവിധാനം യൂറോപ്യന്‍ രാജ്യമായ ലാത്വിയയ്ക്കു നല്‍കാന്‍ തീരുമാനമായി. അമേരിക്കയുടെ ഫോറിന്‍ മിലിട്ടറി സെയില്‍സ് പ്രോഗ്രാമിന്റെ ഭാഗമായിട്ടാണ് ഇതിന്റെ വില്‍പന. 22 കോടി യുഎസ് ഡോളറാണു കരാര്‍ മൂല്യം. യുക്രൈന് പിടിക്കാനിറങ്ങിയ റഷ്യ അടിപതറി നില്‍ക്കുകയാണ്. യുക്രൈന് പിന്നില്‍ പത്തുതല രാവണനെ പോലെ നില്‍ക്കുന്നത് അമേരിക്കയാണ്. യുക്രൈന്റെ ആയുധപ്പുര നിറച്ച് റഷ്യയെ നേരിടാന്‍ ഇറക്കിവിട്ടിരിക്കുന്നതും അമേരിക്ക. യൂറോപ്പിന് മേല്‍ കണ്ണുവെക്കുന്ന റഷ്യയുടെ സകല അടവും പിഴയ്ക്കുകയാണ്. അതിന് ഒരേയൊരു കാരണക്കാരന്‍ അമേരിക്ക. ബൈഡനോട് കലിയിളകി നില്‍ക്കുകയാണ് വ്‌ളാഡമിര്‍ പുട്ടിന്.
എസ്‌തോണിയ, ലിത്വാനിയ എന്നീ രാജ്യങ്ങള്‍ക്കുശേഷം ഹിമാര്‍സ് ലഭിക്കുന്ന മൂന്നാമത്തെ ബാള്‍ട്ടിക് രാജ്യമായി ഇതോടെ ലാത്വിയ മാറി. റഷ്യ യുക്രെയ്‌നില്‍ യുദ്ധം പ്രഖ്യാപിച്ച ശേഷം മേഖലയിലെ പല രാജ്യങ്ങളും ഹിമാര്‍സ് മിസൈല്‍ വാങ്ങാന്‍ താല്‍പര്യപ്പെടുന്നുണ്ട്. റഷ്യയുടെ സാമ്രാജ്യത്വ മോഹങ്ങള്‍ തടയുകയെന്നതാണ് ഇതിന്റെ പിന്നിലെ ലക്ഷ്യം. റഷ്യയുമായി അതിര്‍ത്തി പങ്കിടുന്ന രാജ്യമാണ് ലാത്വിയ. പോളണ്ടും അഞ്ഞൂറോളം ഹിമാര്‍സ് മിസൈലുകള്‍ വാങ്ങാന്‍ കഴിഞ്ഞമാസം തീരുമാനിച്ചിരുന്നു. കഴിഞ്ഞ വര്‍ഷം യുഎസ് പ്രസിഡന്റ് ജോ ബൈഡന്‍ യുഎസിനായി പ്രഖ്യാപിച്ച 70 കോടി യുഎസ് ഡോളറിന്‌റെ ആയുധസഹായത്തില്‍ ഹിമാര്‍സ് മിസൈലുകളും ഉള്‍പ്പെട്ടിരുന്നു. എം 142 ഹൈ മൊബിലിറ്റി ആര്‍ട്ടിലറി മൊബിലിറ്റി റോക്കറ്റ് സിസ്റ്റം എന്നതാണു ഹിമാര്‍സ് മിസൈലുകളുടെ പൂര്‍ണരൂപം.
വലിയ ലോകശ്രദ്ധ അന്ന് ഹിമാര്‍സ് മിസൈലുകള്‍ നേടി. യുക്രെയ്‌നിനായി അമേരിക്ക നല്‍കുന്ന ഏറ്റവും നവീനമായ ആയുധം എന്ന നിലയ്ക്കാണ് ഈ ശ്രദ്ധ വന്നു പെട്ടത്. ഒരു സ്ഥലത്തു നിന്നു മറ്റൊരു സ്ഥലത്തേക്കു നീക്കാവുന്ന മൊബൈല്‍ ലോഞ്ചറുകളില്‍ വിക്ഷേപിക്കാവുന്ന മിസൈലുകളാണു ഹിമാര്‍സ്. ഒറ്റ ലോഞ്ചറില്‍ തന്നെ അനേകം മിസൈലുകള്‍ വഹിക്കാം. 6 ജിപിഎസ് നിയന്ത്രിത ക്ലസ്റ്റര്‍ റോക്കറ്റുകളെയോ, ഒരൊറ്റ പോഡ് ആര്‍മി ടാക്റ്റിക്കല്‍ മിസൈല്‍ സംവിധാനത്തെയോ ഇതിനു വഹിക്കാം. ലോഞ്ചറില്‍ നിന്നു വിക്ഷേപിക്കുന്ന മിസൈലുകള്‍ക്ക് 75 കിലോമീറ്റര്‍ വരെ റേഞ്ചുണ്ട്.
മിനിറ്റുകള്‍ക്കുള്ളില്‍ ഓട്ടമാറ്റിക്കായി ലോഡ് ചെയ്യാവുന്ന സംവിധാനമാണ് ഈ മിസൈലുകള്‍ക്ക് വലിയ പ്രഹരശേഷി നല്‍കുന്നത്. താരതമ്യേന നോക്കുമ്പോള്‍ റഷ്യന്‍ ലോഞ്ചറുകള്‍ മാനുവലായി ലോഡ് ചെയ്യണം. ഇത് യുക്രെയ്ന് ചെറുതല്ലാത്ത മേല്‍ക്കൈ ചില മേഖലകളിലെങ്കിലും നല്‍കി. ഹിമാര്‍സ് മിസൈലുകള്‍ തങ്ങള്‍ക്ക് നല്‍കണമെന്ന് യുക്രെയ്ന് ആവശ്യപ്പെട്ടിരുന്നു. റഷ്യയുടെ റേഞ്ച് ആര്‍ട്ടിലറി പ്രതിരോധ സംവിധാനങ്ങളെ ഭേദിച്ച് ലക്ഷ്യങ്ങള്‍ നേടാന്‍ ഇതു തങ്ങളെ അനുവദിക്കുമെന്നായിരുന്നു യുക്രെയ്ന്റെ പ്രതീക്ഷ. അതിനുമുന്‍പ് യുക്രെയ്ന്റെ കൈയിലുള്ള ഹൊവിറ്റ്‌സര്‍ പീരങ്കികള്‍ക്ക് 40 കിലോമീറ്റര്‍ വരെ മാത്രമായിരുന്നു റേഞ്ച്. ഹിമാര്‍സിനു ശേഷം യുഎസ് നിര്‍മിതമായ എം270 എന്ന മള്‍ട്ടിപ്പിള്‍ ലോഞ്ച് റോക്കറ്റ് സിസ്റ്റവും യുക്രെയ്ന് ലഭിച്ചിരുന്നു. ഹിമാര്‍സില്‍ ഉപയോഗിക്കുന്ന അതേ റോക്കറ്റുകള്‍ തന്നെയാണ് എം270യും ഉപയോഗിക്കുന്നത്. എന്നാല്‍ ഒരു വ്യത്യാസം. ഹിമാര്‍സില്‍ നിന്നു ലോഞ്ച് ചെയ്യുന്നതിനേക്കാള്‍ ഇരട്ടി റോക്കറ്റുകള്‍ എം270യില്‍ നിന്നു ലോഞ്ച് ചെയ്യാം.
ചെറു രാജ്യങ്ങള്‍ക്ക് നേരെ അധിനിവേശം നടത്തുക എന്നത് റഷ്യ,ചൈന രാജ്യങ്ങളുടെ കാലങ്ങളായുള്ള പദ്ധതിയാണ്. എന്നാല്‍ ഈ കുഞ്ഞന്‍ രാജ്യങ്ങള്‍ ആള്‍ബലവും ആയുധബലവും നല്‍കുന്നത് അമേരിക്കയാണ്. തായ്‌വാനുമേലെ ചൈനയുടെ കണ്ണ് പതിഞ്ഞിട്ട് പറഷ്യ നടത്തുന്ന അധിനിവേശങ്ങളെ ചെറുക്കാന്‍ യുക്രൈനെ പ്രാപ്തമാക്കുന്നത് അമേരിക്ക. ഇങ്ങനെ റഷ്യയ്ക്കും ചൈനയ്ക്കുമൊക്കെ പണികൊടുത്ത് കൊണ്ടിരിക്കുകയാണ് അമേരിക്ക. 2022 ഫെബ്രുവരിയില്‍ അയല്‍രാജ്യമായ യുക്രൈനില്‍ റഷ്യ നടത്തിയ അധിനിവേശവും തുടര്‍ന്ന് ഇരു രാജ്യങ്ങള്‍ക്കുമിടയിലാരംഭിച്ച സംഘര്‍ഷവും പതിനെട്ടുമാസത്തിനിപ്പുറവും രൂക്ഷമായിത്തുടരുകയാണ്. യുക്രൈന് പ്രസിഡന്റ് വൊളോദിമിര്‍ സെലന്‍സ്‌കിയെ പുറത്താക്കി തങ്ങള്‍ക്കനുകൂലമായ ഒരു ഭരണകൂടത്തെ പ്രതിഷ്ഠിക്കാനും അതുവഴി യുക്രൈനെ പൂര്‍ണമായും തങ്ങളുടെ വരുതിയിലാക്കാനുമായിരുന്നു കീവ് ലക്ഷ്യമാക്കി മുന്നേറിയ റഷ്യന്‍ സൈന്യത്തിന്റെ ആത്യന്തികലക്ഷ്യം. എന്നാല്‍, യുക്രൈന് സൈന്യവും അവരോടൊപ്പം ചേര്‍ന്ന് ജനങ്ങളും നടത്തിയ അതിശക്തമായ പ്രതിരോധത്തില്‍, ശക്തരെന്ന് പൊതുവേ കരുതപ്പെട്ടിരുന്ന റഷ്യന്‍ സൈന്യം പകച്ചുപോകുന്നതാണ് പിന്നീട് കണ്ടത്. ആയുധശേഷികൊണ്ടും സൈനികശേഷികൊണ്ടും ഇപ്പോഴും ലോകത്ത് ഏറ്റവും ശക്തമായ രാജ്യങ്ങളിലൊന്നുതന്നെയാണ് റഷ്യയെന്ന വിലയിരുത്തലുകളെല്ലാം സംശയത്തിലാക്കുകയാണ്, പൊതുവേ ദുര്‍ബലമായ യുക്രൈന് സൈന്യത്തിന് മുന്നില്‍ റഷ്യന്‍ സൈന്യത്തിന് നേരിടേണ്ടിവന്ന തിരിച്ചടികള്‍.
https://www.facebook.com/Malayalivartha
