ഹമാസ് നേതാവിന്റെ വീട് ചാരമാക്കി ഇസ്രയേല് സേന;ഹമാസ് നേതാക്കള്ക്കായ് വട്ടമിട്ട് പറന്ന് മൊസാദ്,ഇസ്രയേല് സേന കര, വ്യോമ ആക്രമണം ശക്തമാക്കി,ഇസ്രയേല്-ഹമാസ് യുദ്ധം നാലാം ആഴ്ചയിലേക്കു കടന്നു,ഭീകരരെ തീര്ത്തുകെട്ടാതെ ഈ യുദ്ധം അവസാനിക്കില്ലെന്ന് നെതന്യാഹു
ഹമാസിനെതിരായ പോരാട്ടത്തിന്റെ ഭാഗമായി ഗാസ വളഞ്ഞും ഗാസയ്ക്കുള്ളില് കടന്നും ആക്രമണം നടത്തുന്ന ഇസ്രയേല് സൈന്യം, ഹമാസിന്റെ ഉന്നത നേതൃത്വത്തിലുള്ളവരെ ലക്ഷ്യമിട്ട് ആക്രമണം കടുപ്പിക്കുന്നു. ഹമാസ് കമാന്ഡറായ സാല അല് അരൗറിയുടെ വെസ്റ്റ് ബാങ്കിലെ കുടുംബ വീട് തകര്ത്ത ഇസ്രയേല് സൈന്യം, കൂടുതല് ഹമാസ് നേതാക്കള്ക്കായി തിരച്ചില് തുടരുകയാണ്. ഹമാസിന്റെ അധികാര കേന്ദ്രങ്ങളിലുള്ളവരെ തകര്ത്ത് ഹമാസിനെ വേരോടെ പിഴുതെറിയുകയാണ് ഇസ്രയേല് സൈന്യത്തിന്റെ ലക്ഷ്യം. ഒക്ടോബര് ഏഴിന് ഹമാസ് സായുധ സംഘം ഇസ്രയേലില് കടന്നു നടത്തിയ ആക്രമണത്തിനു പിന്നാലെ ആരംഭിച്ച ഇസ്രയേലിന്റെ പ്രത്യാക്രമണം, നാലാം ആഴ്ചയിലേക്കു കടന്നു.
ഹമാസ് നേതാവായ ഇസ്മയില് ഹനിയേഹിന്റെ പ്രധാന സഹായിയായ സാല അല് അരൗറി, നിലവില് ദക്ഷിണ ലബനനില് ഒളിവില് കഴിയുകയാണെന്നാണ് വിവരം. മുന്പ് 17 വര്ഷത്തോളം ഇസ്രയേലില് ജയില്വാസം അനുഭവിച്ചിട്ടുള്ള ഹമാസ് നേതാവു കൂടിയാണ് അരൗറി. വെസ്റ്റ് ബാങ്കിനു സമീപത്തുനിന്നും മൂന്ന് ഇസ്രയേല് കൗമാരക്കാരെ തട്ടിയെടുത്തു കൊലപ്പെടുത്തിയതായി 2014ല് വെളിപ്പെടുത്തിയതോടെയാണ് അരൗറി വീണ്ടും ഇസ്രയേലിന്റെ നോട്ടപ്പുള്ളിയായത്. അതിനു ശേഷം വെസ്റ്റ് ബാങ്കില് ഹമാസിന്റെ വ്യാപനത്തിനും വളര്ച്ചയ്ക്കുമായി അക്ഷീണം പ്രയത്നിക്കുന്ന വ്യക്തി കൂടിയാണ് അരൗറി.
അതിനിടെ, ഗാസയില് ഇസ്രയേലിന്റെ പ്രത്യാക്രമണത്തെ നേരിടാന് ഹമാസിനു കരുത്തേകുന്ന തുരങ്കങ്ങള് തിരഞ്ഞുപിടിച്ച് തകര്ക്കാനും ശ്രമം വ്യാപകമാണ്. ഗാസയില് ഇന്നലെ നടത്തിയ ആക്രമണത്തിനിടെ ഹമാസിന്റെ നേതൃസ്ഥാനങ്ങളിലുള്ളവരെ കൊലപ്പെടുത്തിയതായും ഒട്ടേറെ തുരങ്കങ്ങള് തകര്ത്തതായും സൈന്യം വെളിപ്പെടുത്തി. ഈ ഘട്ടത്തില് ഒരു തരത്തിലുമുള്ള വെടിനിര്ത്തലിനു തയാറല്ലെന്ന് ഇസ്രയേല് ഭരണകൂടം വ്യക്തമാക്കിയിരുന്നു.
'കഴിഞ്ഞ ദിവസം ഗാസയില് കടന്ന് സൈന്യം നടത്തിയ കരയുദ്ധത്തില് നിരവധി ഹമാസ് ഭീകരരെ കൊലപ്പെടുത്തി. ഇസ്രയേലി വ്യോമസേന വിവിധ തീവ്രവാദ ലക്ഷ്യങ്ങള് തകര്ത്തു. ആന്റി–ടാങ്ക് മിസൈല് പോസ്റ്റുകള്, റോക്കറ്റ് ലോഞ്ച് പോസ്റ്റുകള്, ഭൂഗര്ഭ തുരങ്കങ്ങള്ക്കുള്ളിലെ തീവ്രവാദ കേന്ദ്രങ്ങള് എന്നിവയുള്പ്പെടെ ഏകദേശം 300 കേന്ദ്രങ്ങളിലാണ് ഇന്നലെ ഇസ്രയേല് സൈന്യം നടത്തിയ ആക്രമണത്തില് തകര്ത്തത്' -എക്സ് പ്ലാറ്റ്ഫോമില് (ട്വിറ്റര്) പങ്കുവച്ച കുറിപ്പില് ഇസ്രയേല് സൈന്യം വ്യക്തമാക്കി.
സംഘര്ഷം നാലാം ആഴ്ചയിലേക്കു പ്രവേശിച്ചിരിക്കെ, ഗാസ സിറ്റിക്കുനേരെ കിഴക്കുനിന്നും പടിഞ്ഞാറുനിന്നുമായി ഇസ്രയേല് സേന കര, വ്യോമ ആക്രമണം ശക്തമാക്കിയിരുന്നു. വൈദ്യുതിയും ഭക്ഷണവും ശുദ്ധജലവുമില്ലാതെ ഗാസ നിവാസികളുടെ ദുരിതം തുടരുമ്പോള്, വടക്കന് നഗരമായ ഗാസ സിറ്റിയിലെ ജനങ്ങള് തെക്കോട്ടു ഒഴിഞ്ഞുപോകണമെന്ന ആവശ്യം ഇസ്രയേല് ആവര്ത്തിച്ചു. മെഡിറ്ററേനിയന് തീരത്തും ഗാസ സിറ്റി പ്രധാന തെരുവിലും നിരന്ന സൈനിക കവചിത വാഹനങ്ങളുടെ ദൃശ്യം ഇസ്രയേല് പുറത്തുവിട്ടു.
https://www.facebook.com/Malayalivartha
