മഹായുദ്ധപ്രതീതിയില് ഇസ്രായേലിലും ജോര്ദാനിലും ഇറാഖിലും വിമാനത്താവളങ്ങള് അടച്ചുപൂട്ടി; ഇന്ത്യയിലും ആശങ്ക...
മഹായുദ്ധപ്രതീതിയില് ഇസ്രായേലിലും ജോര്ദാനിലും ഇറാഖിലും വിമാനത്താവളങ്ങള് അടച്ചുപൂട്ടി. ഏതു നിമിഷവും ആകാശത്തുകൂടി മിസൈലുകളും യുദ്ധവിമാനങ്ങളും കടന്നുവരാനുള്ള സാധ്യത കണക്കിലെടുത്താണ് വിവിധ രാജ്യങ്ങള് ആകാശം അടച്ചിരിക്കുന്നത്. ഇസ്രായേല് അവരുടെ ആകാശപാത പൂര്ണമായി അടച്ചു ബന്ധവസിലാക്കിയതിനു പിന്നാലെയാണ് വിവിധ രാജ്യങ്ങള് സര്വീസ് നിറുത്തിവച്ചിരിക്കുന്നത്. ഈ സാഹചര്യത്തില് ഒരു ലക്ഷത്തോളം യാത്രക്കാരാണ് വിവിധ വിമാനത്താവളങ്ങളിലും സമീപത്തെ ഹോട്ടലുകളിലുമായി കുരുങ്ങിയിരിക്കുന്നത്.
ഇസ്രായേലിനു മുകളിലൂടെ ഒരു രാജ്യത്തിന്റെയും വിമാനം പറത്തേണ്ടെന്ന തീരുമാനം കടുത്ത പോരാട്ടത്തിനുള്ള ഒരുക്കത്തിന്റെ ഭാഗമാണെന്ന് വ്യക്തമാണ്. ടെല് അവൈവിലേക്കും ജറുസലേമിലേക്കും ഇറാന് ഇരുന്നൂറോളം ബാലിസ്റ്റിക് മിസൈലുകള് ഇന്നലെ തൊടുത്തുവിട്ട സാഹചര്യത്തിലാണ് യുദ്ധത്തിനുള്ള കാഹളമെന്നോണം വിമാനത്താവളങ്ങളിലും കനത്ത ജാഗ്രതാ നിര്ദേശം ഏര്പ്പെടുത്തിയിരിക്കുന്നത്.
ഇസ്രായേലിനെ ഏറ്റവും വലിയ വിമാനത്താവളമായ ടെല് അവൈവിലെ ബെന് ഗുറിയോന് അന്താരാഷ്ട്ര എയര്പോര്ട്ട് ഇന്നലെ രാത്രിതന്നെ അടിച്ചിരുന്നു. ദിവസം ആയിരത്തോളം വിമാനങ്ങളാണ് ഇവിടേക്ക് സര്വീസ് നടത്തിവരുന്നത്. ഒരു വര്ഷം രണ്ടു കോടി യാത്രക്കാര് വന്നുപോകുന്ന വിമാനത്താവളമാണിത്. വിമാനത്താവളം അടച്ചതോടെ എയര് ഇന്ത്യയുടേത് ഉള്പ്പെടെ ഇരുന്നൂറ് വിമാനങ്ങള് ഇവിടെ നിലവില് പാര്ക്ക് ചെയ്യുന്നുണ്ട്. ഇസ്രായേലിന്റെ എല്ലാ വിമാനവളങ്ങളിലും വേണ്ടിവന്നാല് യുദ്ധ വിമാനങ്ങള് നിറയ്ക്കാനുള്ള നീക്കം ഇസ്രായേല് നടത്തിവരികയാണ്. ഇസ്രായേല് ആകാശ അതിര്ത്തിയിലൂടെ പറക്കേണ്ട വിമാനങ്ങള് മറ്റ് രാജ്യാതിര്ത്തിയിലൂടെ പറത്താന് മറ്റു രാജ്യങ്ങളുടെ അനുവാദം തേടാനാണ് ഇസ്രായേല് നിര്ദേശിച്ചിരിക്കുന്നത്.
ഫ്രാന്സും ബ്രിട്ടണും ഉള്പ്പെടെ വിവിധ രാജ്യങ്ങള് ഇസ്രായേലിലെയും ഇറിനിലെയും വിമാനത്താവളങ്ങളിലേക്കുള്ള എല്ലാ വിമാനങ്ങളും റദ്ദാക്കി. എയര് ഇന്ത്യയും നിലവിലെ സാഹചര്യത്തില് യുദ്ധം നടക്കുന്ന രാജ്യങ്ങളിലേക്കുള്ള വിമാനസര്വീസുകള് നിറുത്തിവയ്ക്കുന്ന കാര്യം ആലോചിക്കുകയാണ്. ഇസ്രായേലില് ഇപ്പോള് സന്ദര്ശനം നടത്തുന്ന സംഘങ്ങളോട് ഹോട്ടലുകളിലേക്കും സുരക്ഷിത ഇടങ്ങളിലേക്കും മാറാനും യാത്ര ഒഴിവാക്കാനും നിര്ദേശമുണ്ട്. ഫ്രാന്സിന്റെ ലുഫ്താന്സ ഉള്പ്പെടെ യൂറോപ്യന് രാജ്യങ്ങള് പശ്ചിമേഷ്യയിലേക്കുള്ള സര്വീസ് നിറുത്തിവച്ചിരിക്കുകയാണ്.
കെഎല്എം, സ്വിസ്റ്റസര്ലണ്ട് വിമാനസര്വീസുകളും റദ്ദാക്കിയതില്പ്പെടുന്നു. അബുദാബിയില്നിന്നുള്ള ഇത്തിഹാദിന്റെ സര്വീസുകള് വ്യോമാതിര്ത്തിയില് മാറ്റം വരുത്തിയാണ് സര്വീസ് നടത്തുന്നത്. സംഘര്ഷം രൂക്ഷമാകുന്ന സാഹചര്യമുണ്ടായാല് ഇത്തിഹാദ് അവിടേക്കുള്ള പശ്ചിമേഷ്യന് ആകാശങ്ങളിലൂടെയുള്ള പറക്കല് ഒഴിവാക്കാന് ആലോചിക്കുകയാണ്. എമിറേറ്റ്, ഖത്തര് വിമാനകമ്പനികളും ഇറാക്കിലേക്കുള്ള എല്ലാ വിമാന സര്വീസുകളും പൂര്ണമായി റദ്ദാക്കിയിരിക്കുന്നു. ഫ്ളൈ ദുബായിയുടെ വിമാനങ്ങള് ജോര്ദാന്, ഇറാഖ്, ഇസ്രായേല്, ഇറാന് എന്നിവിടങ്ങളേക്ക് വിമാനങ്ങളൊന്നും പറത്തുന്നില്ല.
ലബനോനില് ഇസ്രായേല് കരയുദ്ധം ആരംഭിച്ചതിനു പിന്നാലെ ഇറാന് ഇനിയും ആക്രമണം അഴിച്ചുവിടുമെന്നാണ് സൂചന. ആണവ നിലയങ്ങള് ഉള്പ്പെടെ ലക്ഷ്യമിട്ടാണ് ഇസ്രായേല് തിരിച്ചടിക്കാന് പദ്ധതി ആസൂത്രണം ചെയ്യുന്നു. ഇന്ത്യയില് ഡല്ഹിയിലെ ഇസ്രായേല് എംബസിയിലും സുരക്ഷ വര്ധിപ്പിച്ചിരിക്കുകയാണ്.എംബസി മന്ദിരത്തിനു മുന്നില് പോലീസ് നിലയുറപ്പിച്ചിട്ടുണ്ട്. പോലീസ് പ്രദേശത്തുകൂടി സദാ റോന്ത് ചുറ്റുന്നുമുണ്ട്. മുന്പ് രണ്ടു തവണ എംബസി മന്ദിരത്തിനു സമീപം സ്ഫോടനമുണ്ടായ സാഹചര്യത്തില് എംബസി മന്ദിരം കാമറ നിരീക്ഷണത്തിലാണ്.
ഇറാനില് ഇസ്രായേല് ആണവായുധം പ്രയോഗിച്ചേക്കാം എന്ന തരത്തില് വരെയാണ് വാര്ത്തകള് പ്രചരിക്കുന്നത്. ഇസ്രായേലിന് അമേരിക്ക ഏറ്റവും നൂതനമായ മിസൈലുകളും മറ്റ് ആയുധങ്ങളും എത്തിച്ചുവരികയാണ്. കരയിലും ആകാശത്തും പാലിക്കുന്ന അതേ ജാഗ്രത കടലിലും പാലിക്കുകയാണ് ഇസ്രായേല്. ഹമാസ്, ഹിസ്ബുല്ല നേതാക്കള്ക്കെതിരായ ആക്രമണത്തിലുള്ള ഇറാന് പ്രതികാരം ലക്ഷ്യം വച്ചത് ഇസ്രയേല് സൈനികപോസ്റ്റുകളും വിമാനത്താവളുമാണെന്ന് വ്യക്തമാണ്. ഇസ്രയേല് ആക്രമണത്തിന് തക്കതായ മറുപടി നല്കിയെന്ന് ഇറാന് പരമോന്നത നേതാവ് ആയത്തുള്ള അല് ഖൊമേനി പ്രതികരിച്ചു. പക്ഷെ, ആക്രമണം പരാജയപ്പെട്ടുവെന്നാണ് ഇസ്രയേല് പ്രധാനമന്ത്രി ബെന്യാമിന് നെതന്യാഹു പറയുന്നത്. ഇസ്രയേലിന് എല്ലാ സഹായവും വാഗ്ദാനം ചെയ്തിരിക്കുകയാണ് അമേരിക്ക.
https://www.facebook.com/Malayalivartha
