നെതന്യാഹു തോറ്റോടിയെന്ന് ഹിസ്ബുള്ള തലവന്‍; തെക്കന്‍ ലബനന്‍ കത്തിച്ച് ഐ ഡി എഫ് മറുപടി
ഇസ്രയേല്‍ മുട്ടുകുത്തി നെതന്യാഹുവിന്റെ ചിറകരിഞ്ഞുവെന്ന് ഹിസ്ബുള്ള തലവന്റെ പ്രഖ്യാപനം. വെടിനിര്‍ത്തല്‍ പ്രഖ്യാപനത്തെ മഹത്തായ വിജയം എന്ന് വിശേഷിപ്പിച്ച് നയിം ഖാസിം. 2006 ജൂലൈയിലെ വിജയത്തെ മറികടക്കുന്ന ഒരു വലിയ വിജയമാണിതെന്നും നയിം ഖാസിം വ്യക്തമാക്കി. 2006 ജൂലൈ 12ന്, തുടങ്ങി ഓഗസ്റ്റ് 14 ന് അവസാനിച്ചു..അന്ന് ഹിസ്ബുള്ള ഇസ്രായേല്‍ സൈനികരെ അതിര്‍ത്തിയില്‍ പതിയിരുന്ന് ആക്രമിച്ച് മൂന്ന് പേരെ വധിച്ചു.. രണ്ട് പേരെ പിടികൂടുകയും ചെയ്തു; ഇസ്രായേലിന്റെ രക്ഷാപ്രവര്‍ത്തനം പരാജയപ്പെട്ടു .. അഞ്ച് പേര്‍ കൂടി കൊല്ലപ്പെട്ടു. ഇസ്രായേലുമായി തടവുകാരെ കൈമാറണമെന്ന് ഹിസ്ബുള്ള ആവശ്യപ്പെട്ടു. ഇതിനേക്കാള്‍ വലിയ ജയമാണ് 2024 ലേത് എന്നാണു നയീം ഖാസിം വകാശപ്പെട്ടത്
എന്നാല്‍ ഇറാനില്‍ ശ്രദ്ധ കേന്ദ്രീകരിക്കുക, ഹമാസിനെ ഒറ്റപ്പെടുത്തുക, സൈന്യത്തിന് വിശ്രമം നല്‍കുന്നതിനൊപ്പം കുറവുവന്ന ആയുധങ്ങള്‍ സംഭരിക്കുക എന്നീ ലക്ഷ്യങ്ങളാണ് വെടിനിര്‍ത്തലിന് പിന്നിലെന്ന് നെതന്യാഹു പറഞ്ഞു. വെടിനിര്‍ത്തല്‍ കരാര്‍ നടപ്പാക്കുന്നതിന് ലെബനന്‍ സൈന്യവുമായി ചേര്‍ന്ന് ആവശ്യമായ നടപടികള്‍ സ്വീകരിക്കുമെന്ന് നയിം കാസിം പഞ്ഞു. ഇസ്രായേലിനെതിരെ 'ദൈവിക വിജയം' നേടിയെന്നും ശത്രുക്കള്‍ക്ക് മുന്നില്‍ തല ഉയര്‍ത്തിയാണ് നില്‍ക്കുന്നതെന്നും നയീം കാസിം പറയുന്നു . വെടിനിര്‍ത്തല്‍ പ്രാബല്യത്തില്‍ വന്നതിന് ശേഷം ആദ്യമായാണ് ഹിസ്ബുല്ല തലവന്‍ പ്രതികരിക്കുന്നത്.
വെടിനിര്‍ത്തല്‍ നിലവില്‍ വന്നു മണിക്കൂറുകള്‍ക്കകം തെക്കന്‍ ലബനന്‍ അതിര്‍ത്തിയിലെ 6 സ്ഥലങ്ങളില്‍ ജനങ്ങള്‍ക്കുനേരെ ഇസ്രയേല്‍ സൈന്യം കഴിഞ്ഞദിവസം വെടിയുതിര്‍ത്തിരുന്നു. വീടുകളിലേക്കു മടങ്ങിയെത്തുന്ന ഗ്രാമീണര്‍ക്കൊപ്പം വാഹനങ്ങളില്‍ ഹിസ്ബുല്ല സംഘവും എത്തിയെന്ന് ആരോപിച്ചായിരുന്നു വെടിയുതിര്‍ത്തത്. ബെയ്‌സാരിയേയിലെ ഹിസ്ബുള്ള റോക്കറ്റ് സംഭരണ കേന്ദ്രം ഇസ്രയേലി യുദ്ധവിമാനങ്ങള്‍ തകര്‍ത്തു. വെടിനിറുത്തലിന് പിന്നാലെ സാധാരണക്കാര്‍ തെക്കന്‍ ലെബനനിലേക്ക് മടങ്ങിയെത്തിയിരുന്നു.. കര്‍ഫ്യൂ പുനഃസ്ഥാപിച്ച ഇസ്രയേല്‍ സൈന്യം, ജനങ്ങളോടു വീടുകളിലേക്ക് ഉടന്‍ തിരിച്ചെത്തരുതെന്നു മുന്നറിയിപ്പു നല്‍കി.
മര്‍കബ, വസാനി, കഫര്‍ചൗബ, ഖിയം, ടയ്ബി, മര്‍ജയൂന്‍ എന്നീ പ്രദേശങ്ങളിലാണ് ആക്രമണമുണ്ടായത്. ഈ സ്ഥലങ്ങള്‍ ഇസ്രയേല്‍ലബനന്‍ അതിര്‍ത്തിയില്‍ ബഫര്‍സോണായ 2 കിലോമീറ്റര്‍ പരിധിക്ക് അകത്താണ്. ഇവിടെ ഹിസ്ബുല്ലയുടെയോ ഇസ്രയേലിന്റെയോ സൈനിക സാന്നിധ്യം പാടില്ലെന്നാണു കരാര്‍. പകരം യുഎന്‍ സമാധാന സേനയും ലബനന്‍ സേനയും കാവല്‍ നില്‍ക്കണം. ഹിസ്ബുള്ള തെക്കന്‍ ലെബനീസ് അതിര്‍ത്തിയില്‍ നിന്ന് 30 കിലോമീറ്റര്‍ പിന്മാറി ലിറ്റാനി നദിയുടെ വടക്കോട്ട് പോകണമെന്നാണ് നിബന്ധന. 60 ദിവസത്തിനുള്ളില്‍ ഇസ്രയേല്‍ സൈന്യം തെക്കന്‍ ലെബനനില്‍ നിന്ന് പിന്മാറും.
https://www.facebook.com/Malayalivartha
