'ഓപ്പറേഷൻ മഹാദേവ്'..പാര്ലമെന്റില് ചര്ച്ച നടക്കവേ പുറത്ത് ഇന്ത്യൻ ആർമിയുടെ വെടിക്കെട്ട്..മൂന്ന് ഭീകരര് കൊല്ലപ്പെട്ടു..മേഖലയിൽ ഏറ്റുമുട്ടൽ തുടരുന്നു..പഹല്ഗാം ഭീകരക്രമണം നടന്നു 97 ആം ദിവസമാണ് ഓപ്പറേഷന് മഹാദേവ്..
ഒാപ്പറേഷന് സിന്ദൂറില് പാര്ലമെന്റില് ചര്ച്ച നടക്കവേ പുറത്ത് ഇന്ത്യൻ ആർമിയുടെ വെടിക്കെട്ട് . അപ്രതീക്ഷിത അടിയിൽ ഭീകരർ ചിതറി .
ശ്രീനഗറില് നിര്ണായകമായ സൈനിക ഓപ്പറേഷന്. ജമ്മു കാശ്മീരില് ഏറ്റുമുട്ടലില് മൂന്ന് ഭീകരരെ വധിച്ച് സൈന്യം. പഹല്ഗാം ആക്രമണം നടത്തിയ ഭീകര് കൊല്ലപ്പെട്ടുവെന്ന് സ്ഥിരീകരിക്കാത്ത റിപ്പോര്ട്ടുകളുണ്ട്. ജമ്മു കശ്മീരിലെ ശ്രീനഗറിനടുത്തുള്ള ലിഡ്വാസില് സുരക്ഷാ സേനയും ഭീകരരും തമ്മില് ഉണ്ടായ ഏറ്റുമുട്ടലില് മൂന്ന് ഭീകരര് കൊല്ലപ്പെട്ടുവെന്ന് സൈനിക വൃത്തങ്ങള് അറിയിച്ചു.
ഇന്ത്യന് സൈന്യത്തിന്റെ ചിനാര് കോര്പ്സിന്റെ ഔദ്യോഗിക എക്സ് അക്കൗണ്ടില് നേരത്തെ ലിഡ്വാസില് സുരക്ഷാ സേന ഓപ്പറേഷന് മഹാദേവ് ആരംഭിച്ചതായി പോസ്റ്റ് ചെയ്തിരുന്നു. ശ്രീനഗര് ജില്ലയിലെ ദാരയിലെ ലിഡ്വാസ് മേഖലയില് ആണ് ഏറ്റുമുട്ടല് നടന്നത്. ''ഓപ്പറേഷന് മഹാദേവ് ' ന്റെ ഭാഗമായുള്ള തെരചിലിനിടെയാണ് ഏറ്റുമുട്ടല് ഉണ്ടായത്. ലഷ്കര് ഇ തോയ്ബ ഭീകരര്റാണ് കൊല്ലപ്പെട്ടതെന്ന് സൈന്യം അറിയിച്ചു.മൂന്ന് ഭീകരര് പ്രദേശത്ത് ഒളിച്ചിരിക്കുന്നതായി വിവരം ലഭിച്ചതിനെ തുടര്ന്നായിരുന്നു ഏറ്റുമുട്ടല്. ഭീകരരെ കുറിച്ച് ആട്ടിടയര് നല്കിയ വിവരത്തിന്റെ അടിസ്ഥാനത്തിലായിരുന്നു തെരച്ചില്.
തുടര്ന്ന് സാങ്കേതിക സഹായത്തോടെ സൈന്യം ഭീകര സാന്നിധ്യം സ്ഥിരീകരിച്ചു. മൂന്ന് മൃതദേഹങ്ങളുടെ ഡ്രോണ് ദൃശ്യങ്ങള് ലഭിച്ചതായി സൈനിക വൃത്തങ്ങള് അറിയിച്ചു. പഹല്ഗാം ഭീകരക്രമണം നടന്നു 97 ആം ദിവസമാണ് ഓപ്പറേഷന് മഹാദേവ് നടക്കുന്നത്.കരസേന, സി.ആര്.പി.എഫ്, ജമ്മു കശ്മീര് പൊലീസ് എന്നിവയുടെ സംയുക്ത നീക്കത്തിലാണ് ഭീകരരെ വധിച്ചത്. ഭീകരര് ഒളിച്ചിരുന്നയിടത്തുനിന്ന് ഗ്രനേഡുകള് ഉള്പ്പെടെ കണ്ടെടുത്തിട്ടുണ്ട്. അതേസമയം പഹല്ഗാം ഭീകരാക്രമണവും ഓപ്പറേഷന് സിന്ദൂറും സംബന്ധിച്ച വിശദമായ ചര്ച്ച ഇന്ന് പാര്ലമെന്റില് നടക്കുന്നുണ്ട്. ലോക്സഭയിലാണ് ചര്ച്ചയാരംഭിക്കുക.
പ്രതിരോധ മന്ത്രി രാജ്നാഥ് സിംഗ് സര്ക്കാരിനെ പ്രതിനിധീകരിച്ച് ചര്ച്ചയ്ക്ക് തുടക്കം കുറിച്ചു. സര്ക്കാരിനെതിരെ രൂക്ഷവിമര്ശനമുയര്ത്താനാണ് പ്രതിപക്ഷത്തിന്റെ തീരുമാനം. സുരക്ഷാ വീഴ്ചയാണ് പഹല്ഗാം ഭീകരാക്രമണത്തിന് ഇടയാക്കിയതെന്ന ജമ്മുകശ്മീര് ലെഫ്റ്റ്നറ്റ് ഗവര്ണര് മനോജ് സിന്ഹയുടെ വെളിപ്പെടുത്തലും, ഇന്ത്യ പാക്ക് സംഘര്ഷം അവസാനിപ്പിക്കാന് ഇടപെട്ടെന്ന അമേരിക്കന് പ്രസിഡണ്ട് ഡോണാള്ഡ് ട്രംപിന്റെ അവകാശവാദവും പ്രതിപക്ഷം ചര്ച്ചയാക്കും.
ഡച്ചിഗാം ദേശീയോദ്യാനത്തിന് സമീപമുള്ള ഹർവാൻ പ്രദേശത്താണ് ഏറ്റുമുട്ടൽ നടന്നതെന്ന് അധികൃതർ വ്യക്തമാക്കി. ഇന്റലിജൻസ് വിവരത്തിന്റെ അടിസ്ഥാനത്തിൽ സുരക്ഷാ സേന ഹർവാനിലെ മുൾനാർ പ്രദേശത്ത് തീവ്രവാദ വിരുദ്ധ ഓപ്പറേഷൻ ആരംഭിച്ചിരുന്നു. സുരക്ഷാ ഉദ്യോഗസ്ഥർ തിരച്ചിൽ നടത്തുന്നതിനിടെ ദൂരെ നിന്ന് രണ്ട് റൗണ്ട് വെടിയൊച്ചകൾ കേട്ടതായി ഉദ്യോഗസ്ഥർ പറഞ്ഞു. പ്രദേശത്തേക്ക് കൂടുതൽ സേനയെ അയച്ചതായും തീവ്രവാദികളെ കണ്ടെത്തുന്നതിനായി കോമ്പിംഗ് പ്രവർത്തനങ്ങൾ ശക്തമാക്കിയതായും അധികൃതർ അറിയിച്ചു. മറ്റൊരു ആക്രമണത്തിന് പദ്ധതിയിട്ട ഭീകരരാണ് വധിക്കപ്പെട്ടതെന്ന് സേന വൃത്തങ്ങൾ അറിയിച്ചു.
https://www.facebook.com/Malayalivartha
