മുഖ്യമന്ത്രിയുടെ വാഹനവ്യൂഹം കടന്നുപോകവേ പന്തളത്ത് സംഘര്ഷം
മുഖ്യമന്ത്രിക്ക് നേരെ കരിങ്കൊടി കാണിക്കുമെന്ന മുന്നറിയിപ്പിനെത്തുടര്ന്ന് പൊലീസ് പരിശോധനയ്ക്കിടെ മുഖ്യമന്ത്രി പിണറായി വിജയന്റെ വാഹനവ്യൂഹം കടന്നുപോകുന്നതിനിടെ പന്തളം കുളനടയില് പൊലീസും ആര് എസ് എസ് ബി ജെ പി പ്രവര്ത്തകരും തമ്മില് സംഘര്ഷം. മുഖ്യമന്ത്രിക്ക് നേരെ കരിങ്കൊടി ഉയര്ത്തുന്നതിന്റെ പശ്ചാത്തലത്തില് നടന്ന പരിശോധനയുടെ പേരില് പൊലീസ് അതിക്രമം കാട്ടിയെന്ന പരാതിയുമായി ബി ജെ പി പ്രവര്ത്തകര് രംഗത്തെത്തിയതോടെയാണ് സംഘര്ഷാവസ്ഥ ഉടലെടുത്തത്.
ആര് എസ് എസ് നേതാവിന്റെ മുണ്ട് വലിച്ചൂരാന് ശ്രമിച്ചുവെന്നടക്കമുള്ള ആരോപണവുമായി പ്രവര്ത്തകര് പ്രതിഷേധിച്ചു. കൊടുമണ് സി ഐ അടക്കമുള്ളവര്ക്കെതിരെയാണ് ആര് എസ് എസ് പ്രവര്ത്തകര് ആരോപണം ഉയര്ത്തിയത്. സംഭവത്തില് പ്രകോപിതരായ ആര് എസ് എസ് പ്രവര്ത്തകര് റോഡ് ഉപരോധിച്ചതോടെ സ്ഥലത്ത് സംഘര്ഷാവസ്ഥ ശക്തമായി.
മുഖ്യമന്ത്രിക്ക് നേരെ കരിങ്കൊടി കാണിക്കുമെന്ന മുന്നറിയിപ്പിനെത്തുടര്ന്ന് പ്രദേശത്ത് കനത്ത പൊലീസ് സുരക്ഷ ഏര്പ്പെടുത്തിയിരുന്നു. പൊലീസിന്റെ ഭാഗത്തുനിന്നുണ്ടായ അതിക്രമത്തിനെതിരെ കര്ശന നടപടി വേണമെന്നാവശ്യപ്പെട്ട് ബി ജെ പി ആര് എസ് എസ് പ്രവര്ത്തകര് പ്രതിഷേധം ശക്തമാക്കിയിട്ടുണ്ട്.
https://www.facebook.com/Malayalivartha
