ആയത്തുള്ള അലി ഖമനയിയുടെ ഖബറടക്കം ജൂലൈയില്‍ നടക്കും. സംസ്‌കാര ചടങ്ങുകള്‍ പ്രഖ്യാപിച്ച് ഇറാന്‍. ചടങ്ങുകള്‍ ജൂലൈ നാലിന് തുടങ്ങും. ജൂലൈ 9ന് ആണ് ഖബറക്കം. വടക്കുകിഴക്കന്‍ നഗരമായ മഷ്ഹദിലാണ് സംസ്‌കാരം. അമേരിക്കന്‍ - ഇസ്രയേല്‍ സംയുക്ത വ്യോമാക്രമണത്തില്‍ പരമോന്നത നേതാവ് അലി ഖമനയ് ഫ്രെബുവരിയിലാണ് കൊല്ലപ്പെട്ടത്. സംസ്‌കാര ചടങ്ങുകളുടെ ഭാഗമായി രാജ്യത്തുടനീളം മൂന്ന് ദിവസം നീണ്ടുനില്‍ക്കുന്ന വിലാപയാത്ര സംഘടിപ്പിക്കാനും തീരുമാനിച്ചിട്ടുണ്ട്.

അമേരിക്കയുമായുള്ള സമാധാന ചര്‍ച്ചകള്‍ അന്തിമ ധാരണയിലേക്ക് എത്തുന്നുവെന്ന റിപ്പോര്‍ട്ടുകള്‍ക്കിടയിലാണ് ഇറാന്റെ പ്രഖ്യാപനം. ആയത്തുള്ള അലി ഖമനയി കൊല്ലപ്പെട്ട ശേഷം അദ്ദേഹത്തിന്റെ മകന്‍ മുജ്തബ ഖമേനിയെ മാര്‍ച്ച് എട്ടിന് പുതിയ പരമോന്നത നേതാവായി തെരഞ്ഞെടുത്തിരുന്നു. ഖമനയി കൊല്ലപ്പെട്ട് 106 ാം ദിവസത്തിലാണ് ഇറാന്‍ അദ്ദേഹത്തിന്റെ സംസ്‌കാരം പ്രഖ്യാപിച്ചിരിക്കുന്നത്.

ജൂലൈ ഒന്‍പതിന് സംസ്‌കാരം നടത്താനാണ് ഇറാന്‍ ഭരണകൂടത്തിന്റെ തീരുമാനം. ഫെബ്രുവരി 28 നാണ് അദ്ദേഹം കൊല്ലപ്പെട്ടത്. സംസ്‌കാര ചടങ്ങുകള്‍ക്കിടയിലേക്ക് ആക്രമണം ഉണ്ടാകാന്‍ സാധ്യതയുണ്ടെന്ന വിലയിരുത്തലിലാണ് പരമോന്നത നേതാവിന്റെ സംസ്‌കാരം ഇത്രയും നാള്‍ വൈകാന്‍ കാരണമായത്. ഖമനയിയുടെ സംസ്‌കാര ചടങ്ങില്‍ ലക്ഷങ്ങള്‍ പങ്കെടുക്കുമെന്നാണ് പ്രതീക്ഷ. അത്തരമൊരു സാഹചര്യത്തില്‍ സുരക്ഷാ വെല്ലുവിളിയാകുമെന്നായിരുന്നു ആശങ്ക.