ബെയ്റൂട്ടില് ഇസ്രയേല് ആക്രമണം : യു.എസിനെതിരെ രൂക്ഷവിമര്ശനവുമായി ഇറാന്
ബെയ്റൂട്ടില് ഇസ്രയേല് നടത്തിയ വ്യോമാക്രമണത്തിന് പിന്നാലെ യു.എസിനെതിരെ രൂക്ഷവിമര്ശനവുമായി ഇറാന്. ഇസ്രയേലിന്റെ ക്രൂരതയ്ക്ക് മറുപടി നല്കുമെന്ന് ബ്രിഗേഡിയര് ജനറല് മുഹമ്മദ് ജാഫര് അസദി പറഞ്ഞു. യു.എസുമായി സമാധാന ചര്ച്ചകള് തുടരുന്നതില് അര്ത്ഥമില്ലെന്ന് ഇറാന് പാര്ലമെന്റ് സ്പീക്കര് ബാഖിര് ഖാലിബാഫും വ്യക്തമാക്കി. യു.എസിന് തങ്ങളുടെ വാഗ്ദാനങ്ങള് നടപ്പിലാക്കാന് കഴിവില്ലെന്നും ഇതാണ് സയണിസ്റ്റുകളുടെ ആക്രമണം തെളിയിക്കുന്നതെന്നും ഖാലിബാഫ് എക്സില് കുറിച്ചു.
ഹിസ്ബുള്ളയുടെ സ്വാധീന മേഖലയായ ദാഹിയയിലെ അപ്പാര്ട്ട്മെന്റിന് നേരെയാണ് ഇസ്രയേല് ആക്രമണം ഉണ്ടായത്.ആക്രമണത്തിന്റെ ദൃശ്യങ്ങള് ഇസ്രയേല് വ്യോമസേന എക്സിലൂടെ പുറത്തുവിടുകയും ചെയ്തു. ആക്രമണത്തെ തുടര്ന്ന് തകര്ന്ന കെട്ടിടത്തിനുള്ളില് പെട്ടവര്ക്കായി തെരച്ചില് തുടരുകയാണെന്ന് വാര്ത്താ ഏജന്സികള് റിപ്പോര്ട്ട് ചെയ്യുന്നു. അതേസമയം ഹിസ്ബുള്ളയുടെ ആസ്ഥാനമായാണ് കെട്ടിടം പ്രവര്ത്തിച്ചിരുന്നതെന്നും ഭീകരാക്രമണങ്ങള് ആസൂത്രണം ചെയ്യാനാണ് ഈ കേന്ദ്രം ഉപയോഗിച്ചിരുന്നതെന്നും ഇസ്രയേല് വ്യോമസേന അവകാശപ്പെട്ടു.
https://www.facebook.com/Malayalivartha
