ഫിലിപ്പീന്സില് കനത്ത നാശം വിതച്ച് ഹയാന് ചുഴലിക്കാറ്റ്, 1200ലേറെ മരണം
ഫിലിപ്പീന്സില് കനത്ത നാശം വിതച്ച് ഹയാന് ചുഴലിക്കാറ്റില് 1200ലേറെ പേര് മരിച്ചതായി റെഡ്ക്രോസ് സ്ഥിരീകരിച്ചു. മധ്യ ഫിലിപ്പീന്സിലെ ഇരുപത് പ്രവിശ്യകളിലാണ് ഹയാന് ചുഴലിക്കൊടുങ്കാറ്റ് വ്യാപക നാശം വിതച്ചത്. തീരദേശപ്രദേശമായ ടാക്ലോബാനില് മാത്രം 1000ലേറ പേര് കൊല്ലപ്പെട്ടെന്നും മറ്റിടങ്ങളില് 200ലേറെ പേര് കൊല്ലപ്പെട്ടുമെന്നുമാണ് റിപ്പോര്ട്ടുകള്. ആയിരക്കണക്കിന് പേര്ക്കാണ് പരിക്കേറ്റിട്ടുള്ളത്. 8 ലക്ഷത്തിലധികം പേരെ മാറ്റിപ്പാര്പ്പിച്ചതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു.
കൊടുങ്കാറ്റിന്റെ ശക്തിയില് ബഹുനിലക്കെട്ടിടങ്ങള് പലതും നിലംപൊത്തി. വൈദ്യുതിവിതരണം, വാര്ത്താവിനിമയ സംവിധാനം എന്നിവ തടസ്സപ്പെട്ടു. വൈദ്യുതി വിതരണ സംവിധാനം പൂര്ണമായും തകരാറിലായതിനെത്തുടര്ന്ന് രാജ്യം ഇരുട്ടിലായിരിക്കുകയാണ്. ടാക്ലോബാന് വിമാനത്താവളത്തിലെ റണ്വേ തകര്ന്നതിനെത്തുടര്ന്ന് സഹായമെത്തിക്കാനുള്ള രക്ഷാപ്രവര്ത്തകരുടെ ശ്രമം ഇതുവരെ വിജയം കണ്ടിട്ടില്ല.
കനത്ത മഴയെത്തുടര്ന്ന് പലയിടങ്ങലിലും വെള്ളപ്പൊക്കവും മണ്ണിടിച്ചിലുമുണ്ടായി. റോഡുകള് മുഴുവന് വെള്ളത്തിനടിയിലാണ്. കൊടുങ്കാറ്റിനെ തുടര്ന്ന് രാജ്യത്തെ വിമാനത്താവളങ്ങള് അടച്ചിട്ടിരിക്കുകയാണ്. മണിക്കൂറില് 275 കിലോമീറ്റര് വേഗതയില് വീശിയടിച്ച കൊടുങ്കാറ്റ് സമര്, ലെയ്റ്റ്, ബൊഹോള്, സെബു, ഇലോയ്ലോ എന്നിവിടങ്ങളിലാണ് കൂടുതല് നാശം വിതച്ചത്. 2011ല് 1200 പേര് മരിക്കാനിടയായ ബൊഫാ ചുഴലിക്കൊടുങ്കാറ്റിനു ശേഷമുണ്ടായ ശക്തിയേറിയ കൊടുങ്കാറ്റാണ് ഹായാന്.
https://www.facebook.com/Malayalivartha
