ഇറാന് ആണവ കരാര് സ്വാഗതാര്ഹം
ഇറാനും അമേരിക്കയടക്കമുള്ള ആറ് രാജ്യങ്ങളും തമ്മിലുള്ള ആണവകരാര് സ്വാഗതാര്ഹമെന്ന് ലോകരാജ്യങ്ങള്. അമേരിക്ക, റഷ്യ, ചൈന, ബ്രിട്ടണ്, പാക്കിസ്ഥാന് തുടങ്ങിയ രാജ്യങ്ങള് കരാറിനെ സ്വാഗതം ചെയ്തു. ഇറാനുമായി നടത്തിയ നയതന്ത്ര നീക്കങ്ങളുടെ ആദ്യ ചുവടുവെപ്പാണ് കരാറെന്ന് അമേരിക്കന് പ്രസിഡന്റ് ബരാക് ഒബാമ വ്യക്തമാക്കി.
ഇറാന്റെ ആണവ പദ്ധതികള് നിരീക്ഷിക്കാനും കരാര് സഹായിക്കുമെന്ന് ഒബാമ പറഞ്ഞു. ജനീവയില് നടന്ന ദീര്ഘമായ ചര്ച്ചകള്ക്കൊടുവില് ഇറാനും ആറ് വന്ശക്തികളും ഞായറാഴ്ച രാവിലെയാണ് കരാറുമായി ബന്ധപ്പെട്ട ധാരണയിലെത്തിയത്. ഇതോടെ, ഇറാനും പാശ്ചാത്യശക്തികളും തമ്മിലുള്ള ദശാബ്ദങ്ങള് നീണ്ട സംഘര്ഷത്തിന് താത്കാലിക വിരാമമായി. അമേരിക്ക, ഫ്രാന്സ്, ജര്മനി, ബ്രിട്ടന്, ചൈന, റഷ്യ എന്നീ രാജ്യങ്ങളാണ് ഇറാനുമായുള്ള ഉടമ്പടിയില് പങ്കാളികളായത്.
കരാര്പ്രകാരം ഇറാന് തങ്ങളുടെ ആണവപദ്ധതികള് ഭാഗികമായി നിര്ത്തിവെക്കും. ഈ രംഗത്ത് കൂടുതല് പ്രവര്ത്തനങ്ങള് നടത്തില്ല. ഇറാനെതിരെയുള്ള ഉപരോധങ്ങള് ഭാഗികമായി പിന്വലിക്കും.
https://www.facebook.com/Malayalivartha
