ചൈനയുടെ ചാന്ദ്ര ദൗത്യമായ ചേയ്‌ഞ്ച്‌-3യുടെ വിക്ഷേപണം വിജയകരം. ഇന്ന്‌ രാവിലെ 1.30 നാണ്‌ തെക്കു പടിഞ്ഞാറന്‍ ചൈനയിലെ സിചാങ്ങ്‌ ബഹീരാകാശ വിക്ഷേപണ കേന്ദ്രത്തില്‍ നിന്ന്‌ മാര്‍ച്ച്‌-3ബി റോക്കറ്റില്‍ ചേയ്‌ഞ്ച്‌-3 ചന്ദ്രോപരിതലം ലക്ഷ്യമാക്കി പുറപ്പെട്ടത്‌. വിക്ഷേപണം വിജയകരമാണെന്നും ഈ മാസം പകുതിയൊടെ ചേയ്‌ഞ്ച്‌-3ക്ക്‌ ചന്ദ്രനില്‍ ഇറങ്ങാന്‍ സാധിക്കുമെന്നാണ്‌ പ്രതീക്ഷിക്കുന്നതെന്നും സിചാങ്ങ്‌ ബഹീരാകാശ ഗവേഷണ കേന്ദ്രം അറിയിച്ചു.

ചന്ദ്രന്റെ ഉപരിതലത്തിലൂടെ സഞ്ചരിച്ച്‌ പഠനം നടത്താന്‍ കഴിയുന്ന ഉപഗ്രഹമാണിത്‌. ഇത്തരത്തിലൊരു ഉപകരണം ആദ്യമായാണ്‌ ചൈന ചന്ദ്രനിലേക്ക്‌ അയക്കുന്നത്‌. മണിക്കൂറില്‍ 200 മീറ്റര്‍ വേഗത്തിലാണ് ഉപഗ്രഹം സഞ്ചരിക്കുക. 30 ഡിഗ്രി വരെ ചരിഞ്ഞ ഉപരിതലത്തിലൂടെ അനായാസം കയറിയിറങ്ങാന്‍ കെല്‍പ്പുള്ള പേടകത്തിന് 120 കിലോയാണ് ഭാരം