സൊമാലിയന്‍ പ്രധാനമന്ത്രി അബ്ദി ഫറാ ഷിര്‍ദോണിനെ അവിശ്വാസ പ്രമേയത്തിലൂടെ പുറത്താക്കി. 65നെതിരെ 185 വോട്ടുകള്‍ക്കായിരുന്നു അവിശ്വാസ പ്രമേയം പാസ്സാക്കിയത്. ഇതോടെ അബ്ദി ഫറാ ഷിര്‍ദോണിന്റെ നേതൃ്വത്തിലുള്ള 10 അംഗ മന്ത്രിസഭയ്ക്ക് ഭരണം നഷ്ടമായി. പ്രസിഡന്റ് ഹസന്‍ ഷെയ്ഖ് മഹ്മൂദുമായി ഇടഞ്ഞതാണ് ഷിര്‍ദോണിന് വിനയായത്. മഹ്മൂദിന്റെ അനുയായികളില്‍ ചിലരെ മന്ത്രിസഭയില്‍ നിന്നും നീക്കാന്‍ ശ്രമിച്ചതാണ് അവിശ്വാസ വോട്ടെടുപ്പിലെത്തിച്ചത്.

2012 ഒക്ടോബറിലാണ് ഷിര്‍ദോണിന്റെ നേതൃത്വ്ത്തിലുളള മന്ത്രിസഭ അധികാരമേറ്റത്. 30 ദിവസങ്ങള്‍ക്കുള്ളില്‍ പുതിയ പ്രധാനമന്ത്രിയെ നിയോഗിക്കേണ്ടത് പ്രസിഡന്റാണ്. അതുവരെ ഷിര്‍ദോണ്‍ പ്രധാനമന്ത്രിയായി തുടരുമെന്ന്  സ്പീക്കര്‍ ഷെയ്ഖ് ഉസ്മാന്‍ ജാവരി അറിയിച്ചു.