ഇന്ത്യ-അമേരിക്ക സൈനീക സഹകരണ കരാറില് ഒപ്പുവച്ചു, ഇന്ത്യയും അമേരിക്കയുമായുള്ള പ്രതിരോധ വ്യാപാരം വിപുലമാകും
കര-നാവിക-വ്യോമ താവളങ്ങള് പരസ്?പരം ഉപയോഗിക്കാനുള്ള ഇന്ത്യയും അമേരിക്കയും തമ്മിലുള്ള കരാര് പെന്റഗണില് പ്രതിരോധമന്ത്രി മനോഹര് പരീക്കറും യു.എസ്. പ്രതിരോധസെക്രട്ടറി ആഷ്ടണ് കാര്ട്ടറും ഒപ്പുവച്ചു. ദക്ഷിണചൈനക്കടലില് ചൈനയുടെ സൈനികസാന്നിധ്യം വര്ധിച്ചുവരുന്ന സാഹചര്യത്തിലാണ് കരാറെന്നത് ഏറെ പ്രാധാന്യമര്ഹിക്കുന്നു.
മറ്റു രാജ്യങ്ങളില് ഇന്ത്യ സൈനികമായി അധികം ഇടപെടലുകള് നടത്താറില്ലെന്നതിനാല് അമേരിക്കയുടെ താവളങ്ങള് ഇന്ത്യക്ക് അധികമായി ഉപയോഗിക്കേണ്ടിവരില്ല. എന്നാല്,‚ അമേരിക്കയുടെ സൈനികസാങ്കേതികവിദ്യാസഹകരണം ഇന്ത്യക്ക് ഏറെ നേട്ടമാകും.
സംയുക്തസൈനികനടപടികളിലും ദുരന്തനിവാരണപ്രവര്ത്തനങ്ങളിലും ഇരുസൈന്യങ്ങള്ക്കും കൂടുതല് പ്രവര്ത്തനശേഷി നല്കുന്ന കരാറിലാണ് ഒപ്പു വച്ചിരിക്കുന്നത്. സംയുക്തമായി നാല് കരാറിലാണ് ഒപ്പു വക്കുന്നതിനുള്ള ചര്ച്ചകള് നടന്നത്. 'ലോജിസ്റ്റിക്സ് എക്സ്ചേഞ്ച് മെമോറാണ്ടം ഓഫ് എഗ്രിമെന്റിലാണ് ഇന്നലെ എയര് രാജ്യങ്ങളും ഒപ്പു വച്ചത്. ഇതുപ്രകാരം ഇരുരാജ്യങ്ങള്ക്കും പരസ്?പരം സൈനികതാവളങ്ങള് ഉപയോഗിക്കാം. സംയുക്തസൈനികനടപടികളിലും ദുരിതാശ്വാസപ്രവര്ത്തനങ്ങളിലും ഇതു പ്രയോജനപ്പെടുത്താം.
വിവരങ്ങള് കൈമാറുകയും അവ ഉപയോഗിച്ചു സുരക്ഷാനടപടികള് സ്വീകരിക്കുകയും ചെയ്യുന്നത് സുഗമമാക്കുന്നതിനുള്ള കമ്യൂണിക്കേഷന് ഇന്റര്ഓപറബിലിറ്റി ആന്ഡ് സെക്യൂരിറ്റി മെമോറാണ്ടം എഗ്രിമെന്റ്, സാങ്കേതികവിദ്യാ കൈമാറ്റം സുഗമമാക്കുന്നതിനുള്ള, ബേസിക് എക്സ്ചേഞ്ച് ആന്ഡ് കോഓപറേഷന് എഗ്രിമെന്റ്, : വിവരങ്ങള് പങ്കുവയ്ക്കുന്നതിനുള്ള ജനറല് സെക്യൂരിറ്റി ഓഫ് മിലിട്ടറി ഇന്ഫര്മേഷന് എഗ്രിമെന്റ് എന്നീ കരാറുകളിലാണ് ഒപ്പു വാക്കുന്നതിനുള്ള ചര്ച്ചകള് നടന്നു വന്നിരുന്നത്.
സൈനിക സൗകര്യ കരാര് ഒപ്പുവച്ചതു കൊണ്ട് ഇന്ത്യ, യുഎസിന്റെ സൈനികകേന്ദ്രമാകില്ലെന്നു പ്രതിരോധമന്ത്രി മനോഹര് പരീക്കര് അറിയിച്ചു. ഇന്ത്യയില് യുഎസ് സൈനികതാവളം സ്ഥാപിക്കുന്നതു സംബന്ധിച്ച ഒരു വ്യവസ്ഥയും കരാറില് ഇല്ലെന്നു കരാര് ഒപ്പുവച്ചശേഷം ആഷ്ടണ് കാര്ട്ടറുമായി ചേര്ന്നു നടത്തിയ സംയുക്ത പത്രസമ്മേളനത്തില് പരീക്കര് പറഞ്ഞു.
ചൈനയുടെ സൈനിക, സാമ്പത്തിക വളര്ച്ചയും ഏഷ്യയില് ആധിപത്യം നേടാനുള്ള അവരുടെ ശ്രമവും പുതിയ രാജ്യാന്തര ശാക്തികസമവാക്യങ്ങള് സൃഷ്ടിച്ചിട്ടുണ്ടെന്നു യുഎസ് വിലയിരുത്തുന്നു. അതുകൊണ്ടുതന്നെ, ഏഷ്യയില് പ്രധാന സഖ്യരാജ്യമായി ഇന്ത്യ ഒപ്പമുണ്ടാകണമെന്നത് യുഎസിന്റെ ആവശ്യമാണ്. അതുകൊണ്ടാണ് ഇന്ത്യയുമായി സൈനീക സഹകരണ കരാറില് യുഎസ് ഒപ്പു വച്ചത്.ഏഷ്യ പസഫിക് മേഖലയില് ചൈനയുടെ സാന്നിധ്യം വര്ധിച്ചുവരുന്നതിനു തടയിടാനുള്ള മാര്ഗമാണ് കരാറിലൂടെ അമേരിക്ക ലക്ഷ്യമിടുന്നത്. ഓസ്ട്രേലിയ, ജപ്പാന് തുടങ്ങിയ രാജ്യങ്ങളുമായുള്ള ബന്ധം ഇന്ത്യ ശക്തിപ്പെടുത്തിവരുന്നു. മേഖലയില് അമേരിക്കയുടെ സഖ്യശക്തികളാണ് ഈ രാജ്യങ്ങളെന്നതും ശ്രദ്ധേയമാണ്.
https://www.facebook.com/Malayalivartha
