ബ്രിട്ടീഷ് മാധ്യമമായ ഡെയ്ലി മെയിലിനെതിര്‍വെ മാന നഷ്ടക്കേസുമായി അമേരിക്കന്‍ പ്രൈസിഡന്റ് സ്ഥാനാര്‍ഥി ഡൊണാള്‍ഡ് ട്രംപിന്റെ ഭാര്യ മെലാനിയാ ട്രംപ്. ട്രംപിന്റെ ഭാര്യയും മുന്‍ മോഡലുമായ മെലാനിയ തന്നെ ലൈംഗീക തൊഴിലാളിയായി ചിത്രീകരിച്ചെന്ന് ആരോപിച്ചാണ് യുഎസ് ബ്ലോഗര്‍ വെബ്സ്റ്റര്‍ ടാര്‍പ്ലെയ്ക്കെതിരെയും ഡെയ്ലി മെയ്ലിനെതിരെയും 150 ഡോളര്‍ നഷ്ടപരിഹാരം ആവശ്യപ്പെട്ടുകൊണ്ട് കേസ് നല്‍കിയിരിക്കുന്നത്.

1995 ല്‍ മോഡലായിരുന്ന മെലാനിയയുടെ നഗ്‌ന ചിത്രങ്ങള്‍ ചില മാധ്യമങ്ങള്‍ പുറത്ത് വിട്ടിരുന്നു. 1990 കളില്‍ മെലാനിയാ ലൈംഗീക തൊഴിലാളിയായിരുന്നുവെന്ന് ആരോപിച്ചതിനെതിരെയാണ് കേസ്. തന്റെ പൂര്‍വ്വകാലം പുറം ലോകമറിയുമെന്നു മെലാനിയ ഭയപ്പെട്ടിരുന്നതായി വെബ്സ്റ്റര്‍ ആരോപിച്ചിരുന്നു. മാന്‍ഹട്ടണില്‍ നടന്ന ഫാഷന്‍ സെക്ഷന്റെ ഭാഗമായി എടുത്ത ചിത്രങ്ങളാണ് മാധ്യമങ്ങള്‍ പുറത്തു വിട്ടത്. ഇത് ന്യൂയോര്‍ക്ക് പോസ്റ്റ് വീണ്ടും പ്രസിദ്ധീകരിച്ചതാണ് വിവാദങ്ങള്‍ക്കു തിരി കൊളുത്തിയത്.

എന്നാല്‍ ആരോപണങ്ങള്‍ വ്യാജമാണെന്നും മെലാനിയയുടെ വ്യക്തി ജീവിതത്തെ തകര്‍ക്കുന്നതുമാണെന്നും മെലാനിയയുടെ അഭിഭാഷകന്‍ ചാള്‍സ് ഹാര്‍ഡര്‍ അറിയിച്ചു.