കാനഡയിലേക്ക് കുടിയേറാന്‍ തയ്യാറാണോ? ജോലിയും ഒപ്പം രണ്ട് ഏക്കര്‍ ഭൂമിയും സൗജന്യം, അതും ഈ സ്വപ്‌നഭൂമിയില്‍
കാനഡ ക്ഷണിക്കുന്നുഅ അതും കാര്യമായിത്തന്നെ. 'മലയാളികളെന്നും കുടിയേറ്റത്തെ വല്ലാതെ മോഹിക്കുകയും സ്‌നേഹിക്കുകയും ചെയ്തവരാണ്. അമേരിക്കയും ഇംഗ്ലണ്ടുമെല്ലാമുണ്ടെങ്കിലും കാനഡയാണ് മലയാളികളുടെ സ്വപ്‌നഭൂമി. ആരോഗ്യമേഖലയ്ക്കായും പഠനത്തിനായുമെല്ലാം ഈ അമേരിക്കന്‍ ഭൂഖണ്ഡത്തിലെ രാജ്യത്തിലേക്ക് മലയാളി കുടിയേറ്റമാരംഭിച്ചിട്ട് വര്‍ഷങ്ങളായി. കാനഡ മോഹവുമായി നടക്കുന്നവരുടെ എണ്ണവും ചില്ലറയല്ല. എന്നാല്‍ അത്തരക്കാരുടെ മനംകുളിര്‍പ്പിക്കുന്ന ഒരു ഓഫറുമായാണ് ഇതാ കാനഡിലെ ഒരു സ്ഥാപനമെത്തിയിരിക്കുന്നത്. സ്ഥാപനത്തിലെ ജോലിയോടൊപ്പം രണ്ട് ഏക്കര്‍ സ്ഥലവും സൗജന്യമായി നല്‍കും. ശമ്പളമൊന്നും കാര്യമായി ഉണ്ടാകില്ലെങ്കിലും സ്ഥലം കിട്ടുമല്ലോ എന്ന് വല്ലാതെയങ്ങ് ആശിക്കണ്ട, ഇനിയുമുണ്ട് ചില നിബന്ധനകള്‍.' 
കഴിഞ്ഞയാഴ്ചയാണ് കാനഡയിലെ കേപ്പ് ബ്രെറ്റണ്‍ ദ്വീപിലെ ഒരു സ്ഥാപനമാണ് തങ്ങളുടെ സ്ഥാപനത്തിലെക്ക് ജോലിക്കാരെ എടുക്കാനായി ഇങ്ങനെയൊരു പരസ്യം ഫെയ്‌സ്ബുക്കിലിട്ടത്. മലയാളികളുള്‍പ്പെടെ ആയിരക്കണക്കിനാളുകള്‍, കാനഡയിലെ സ്ഥലം സ്വപ്‌നം കണ്ട് അപേക്ഷ അയയ്ക്കുകയും ചെയ്തു. വൈക്കോക്കോമാഗ് ഗ്രാമത്തിലെ ഫാര്‍മേഴ്‌സ് ഡോട്ടര്‍ കണ്ട്രി മാര്‍ക്കറ്റ് എന്ന സ്ഥാപനമാണ് ലോകപ്രശസ്തമായ ഈ പരസ്യം നല്‍കിയത്. ശമ്പളമായി നല്‍കാന്‍ അധികം പണമില്ലെങ്കിലും, കയ്യിലുള്ള ഒരുപാട് സ്ഥലത്തില്‍ കുറച്ച് നിങ്ങള്‍ക്ക് തരാമെന്നായിരുന്നു ആ പരസ്യം. അഞ്ച് വര്‍ഷം ജോലി ചെയ്താല്‍ രണ്ട് ഏക്കര്‍ സ്ഥലം തരാമെന്ന് പറഞ്ഞ്, മനോഹരമായ ദ്വീപിന്റെ ചിത്രങ്ങളും പോസ്റ്റ് ചെയ്തിരുന്നു
ഇപ്പോളും ആയിരക്കണക്കിന് അപേക്ഷകളെത്തുന്നുണ്ട്, പക്ഷെ ജോലിക്കായി മൂന്നു സ്ത്രീകളെ ഇതിനകം തന്നെ എടുത്തുകഴിഞ്ഞു. അവരുടന്‍ ജോലിക്ക് ചേരുമെന്ന് സിടിവി റിപ്പോര്‍ട്ട് ചെയ്തു. എന്നാല്‍ അങ്ങനെയങ്ങ് വിഷമിക്കണ്ട, ഉടന്‍ തന്നെ വീണ്ടും ജോലിക്ക് ആളുകളെ ക്ഷണിക്കുമെന്നും കമ്പനി അധികൃതര്‍ വ്യക്തമാക്കുന്നുണ്ട്. അതുകൊണ്ട് ആരും വിഷമിക്കേണ്ടെന്നും മാധ്യമറിപ്പോര്‍ട്ടുകള്‍ പറയുന്നു.
135000ഓളം ആളുകളാണ് ദ്വീപില്‍ താമസിക്കുന്നത്. മുന്‍പും ഇത്തരം രസകരമായ ഓഫറുകളിലൂടെ വാര്‍ത്തയില്‍ ഇടം പിടിച്ച ദ്വീപാണിത്. മുന്‍പ് അമേരിക്കക്കാരോട് ഡൊണാള്‍ഡ് ട്രംപ് പ്രസിഡന്റാകുമെന്ന പേടി നിങ്ങള്‍ക്കുണ്ടെങ്കില്‍, തങ്ങളുടെ ദ്വീപിലേക്ക് പോന്നോള്ളൂവെന്ന പരസ്യവും ഇവര്‍ നല്‍കിയിരുന്നു. ട്രംപ് ജയിക്കുംവരെ കാത്തിരിക്കേണ്ടെന്നും തങ്ങളുടെ സ്വര്‍ഗഭൂമിയിലേക്ക് സ്വാഗതമെന്നുമായിരുന്നു പരസ്യം. കേപ്പ് ബ്രെറ്റണില്‍, സ്ത്രീകള്‍ക്ക് ഗര്‍ഭഛിദ്രം നടത്താമെന്നും മുസ്ലീങ്ങള്‍ക്ക് സ്വതന്ത്രമായി സഞ്ചരിക്കാമെന്നും മനുഷ്യര്‍ക്കിടയില്‍ മതിലുകളില്ലെന്നുമാണ് ഇവരുടെ ട്രംപ് വിരുദ്ധ പരസ്യത്തിലെ പ്രധാനപരാമര്‍ശങ്ങള്‍. എന്തായാലും കേപ്പ് ബ്രറ്റണില്‍ നിന്നുള്ള പുതിയ ഓഫറുകള്‍ക്കായി കാത്തിരിക്കുകയാണ് ലോകം.
'
https://www.facebook.com/Malayalivartha
