10 മാസം കാത്തിരുന്നതാണ് തന്റെ കണ്‍മണിയൊന്ന് കാണുവാനായി. കുഞ്ഞ് ജനിച്ചപ്പോഴോ അമ്മ കുഞ്ഞിനെ കണ്ടു പക്ഷേ കുഞ്ഞിന് അമ്മയെ കാണാനാവുന്നില്ല. കാരണം കുഞ്ഞിന് ജനിച്ചപ്പോഴെ രണ്ടു കണ്ണുകളുമില്ല. താന്‍ ഏറെ നാള്‍ കാത്തിരുന്ന കണ്‍മണിക്ക് ഈ അവസ്ഥ വന്നല്ലോയെന്നാലോചിച്ച് അമ്മ നെഞ്ചുപ്പൊട്ടി കരയുകയാണ്. ചൈനയിലെ ഗ്വാങ്ഷുവിലെ ലിയു പിഹുവ എന്ന സ്ത്രീയാണ് കണ്ണുകള്‍ ഇല്ലാത്ത ആണ്‍കുഞ്ഞിനു ജന്മം നല്‍കിയത്.

കണ്‍മണിയുടെ കണ്ണുകളുടെ സ്ഥാനത്ത് ശൂന്യത കണ്ട് ആ അമ്മ നെഞ്ചുരികിക്കരഞ്ഞു. രണ്ടു കണ്ണും ഇല്ലാതെയാണ് കുഞ്ഞു ജനിച്ചതെന്ന സത്യം ഉള്‍ക്കൊള്ളാന്‍ അവര്‍ ഏറെ സമയമെടുത്തു.സെപ്റ്റംബര്‍ 20 നായിരുന്നു ആണ്‍കുഞ്ഞിന്റെ ജനനം.

ലക്ഷത്തില്‍ ഒരാള്‍ക്കു മാത്രം വരുന്ന അപൂര്‍വരോഗമായ കുഞ്ഞിന് അനൊഫ്ത്താല്‍മിയ എന്ന രോഗമാണ് കുഞ്ഞിന്റെ ഈ അവസ്ഥയ്ക്ക് കാരണം. ഗര്‍ഭകാലത്തു നടത്തിയ പരിശോധനയിലൊന്നും കുഞ്ഞിന്റെ ഈ വൈകല്യം തിരിച്ചറിയാന്‍ കഴിഞ്ഞില്ല. അത് ഈ രോഗത്തിന്റെ പ്രത്യേകതയാണ്.

സാമ്പത്തികമായി വളരെ പിന്നോക്കം നില്‍ക്കുന്ന തങ്ങള്‍ക്കു മകന്റെ ഇരുളടഞ്ഞ ജീവിതത്തില്‍ പ്രകാശം പരത്താന്‍ കഴിയുമെന്ന പ്രതീക്ഷയില്ലെന്നും അതിനുവേണ്ടി സുമനസുകളുടെ സഹായം ആവശ്യമാണെന്നും കുഞ്ഞിന്റെ കുടുംബം മാധ്യമങ്ങളോട് പറഞ്ഞു. വാര്‍ത്തയറിഞ്ഞ് ഏതെങ്കിലും നന്മയുള്ള ആളുകള്‍ കുഞ്ഞിന്റെ ഭാവി ചികില്‍സയ്ക്കായി സാമ്പത്തിക സഹായം നല്‍കുമെന്നാണു കുടുംബത്തിന്റെ പ്രതീക്ഷ.