വിരമിക്കുന്നതിന് മുമ്പ് പാക്സൈനിക മേധാവി ഇന്ത്യയെ ഇന്ത്യയെ ആക്രമിക്കാന് തയ്യാറെടുക്കുന്നുവെന്ന് സുരക്ഷാ ഏജന്സികള്,സജ്ജരായിരിക്കാന് ഇന്ത്യന് സൈന്യത്തിന് നിര്ദേശം
പാക് സൈനിക മേധാവി റഹീല് ഷെരീഫ് വിരമിക്കുന്നതിന് മുമ്പ് ഇന്ത്യയെ കടന്നാക്രമിക്കാന് സാധ്യതയെന്ന് സുരക്ഷാ ഏജന്സികളുടെ റിപ്പോര്ട്ട്. ഇന്ത്യാ വിരുദ്ധ ചിന്താഗതിക്കാരനായ റഹീല് ഷെരീഫ് പാക് അധീന കശ്മീരില് ഇന്ത്യ നടത്തിയ മിന്നലാക്രണത്തിന് പ്രതികാരം ചെയ്യാന് സൈനികരോട് ആഹ്വാനം ചെയ്തേക്കുമെന്നാണ് റിപ്പോര്ട്ടുകള്.പാക് പ്രധാനമന്ത്രി നവാസ് ഷെരീഫിന്റെ നിര്ദേശങ്ങള് മറികടന്ന് റഹീല് ഇന്ത്യക്കെതിരെ കടുത്തനിലപാടുകള് സ്വീകരിക്കാന് സാധ്യതയുണ്ടെന്നും സുരക്ഷാ ഏജന്സികള് റിപ്പോര്ട്ട് ചെയ്യുന്നു. നവംബറിലാണ് റഹീല് ഷെരീഫ് സര്വീസില് നിന്ന് വിരമിക്കുന്നത്.
അതിര്ത്തിയില് വെടിനിര്ത്തല് കരാര് ലംഘിച്ച് പാകിസ്താന് തുടര്ച്ചയായി വെടിവെപ്പ് തുടരുന്നതിനാല് ഏതാക്രണവും നേരിടാന് സജ്ജരായിരിക്കാന് ഇന്ത്യന് സൈന്യത്തിന് നിര്ദേശം നല്കിയിട്ടുണ്ട്. ഇന്നലെ നടന്ന ഉന്നതതല സുരക്ഷാ അവലോകന യോഗത്തില് മെട്രോ നഗരങ്ങളിലടക്കം സംസ്ഥാനങ്ങള്ക്ക് കനത്ത ജാഗ്രതാ നിര്ദേശം നല്കിയിരുന്നു. അതിര്ത്തി സംസ്ഥാനങ്ങള്ക്ക് പ്രത്യേക സുരക്ഷ നല്കാനും ആഭ്യന്തരമന്ത്രാലയം ആവശ്യപ്പെട്ടിരുന്നു.
എന്നാല് എന്താണ് എന്താണു 'സര്ജിക്കല് സ്ട്രൈക്ക്' എന്നു ഞങ്ങള് ഇന്ത്യയെ കാണിച്ചു തരാമെന്ന് ലശ്കര് നേതാവ് ഹാഫിസ് സഈദി ഭീഷണി മുഴക്കി. അമേരിക്ക വിചാരിച്ചാല് പോലും അതു തടയാനാവില്ലെന്നും സഈദ് പറഞ്ഞു. ഇന്ത്യയിലെ ജനങ്ങളെ ശാന്തരാക്കാന് വേണ്ടിയാണ് ആക്രമണം നടത്തിയതെന്ന് സയീദി അഭിപ്രായപ്പെട്ടു. അതേസമയം, ഉസാമ ബിന്ലാദിനെ അമേരിക്ക വധിച്ചതുപോലെ സഈദിയെ ഇന്ത്യന് സൈന്യം പാക്കിസ്ഥാനില് കടന്ന് വധിക്കണമെന്ന് ഉറി ഭീകരാക്രമണത്തില് കൊല്ലപ്പെട്ട ജവാന്റെ വിധവ പ്രധാനമന്ത്രി നരേന്ദ്ര മോദിയോട് ആവശ്യമുന്നയിച്ചിരുന്നു.
https://www.facebook.com/Malayalivartha
