സാധാരണ റെസ്റ്റോറന്റില്‍ ഭക്ഷണം കഴിക്കാന്‍ പോയാല്‍ ഭക്ഷണം നല്ലതാണോയെന്ന് ചോദിക്കുന്ന പതിവുണ്ട്. അങ്ങനെ അഭിപ്രായം കേട്ടതിനുശേഷം ഭക്ഷണം മോശമാണെന്നാണ് പറയുന്നതെങ്കില്‍ അത് അവര്‍ നല്ലതാക്കാന്‍ ശ്രമിക്കുകയാണ് ചെയ്യുക. എന്നാല്‍ സൗത്ത് വെയില്‍സിലെ ഒരു റെസ്‌റ്റോറെന്റില്‍ നടന്നത് മറ്റൊന്നാണ്.

ഭക്ഷഭക്ഷണം ശരിയായില്ലെന്ന് പറഞ്ഞ ദമ്പതികള്‍ക്ക് നേരെ റെസ്‌റ്റോറെന്റിലെ ഷെഫിന്റെ ആക്രമണം അല്പം കടന്നു പോയി. മുളക് പൊടിയെറിഞ്ഞാണ് ഷെഫ് പ്രതികരിച്ചത്. ഡേവിഡ് ഇവാന്‍സ് (46), ഭാര്യ മിഷെല്ലെ (47) എന്നിവര്‍ക്ക് നേരെയാണ് ആക്രമണം ഉണ്ടായത്. റെസ്‌റ്റോറെന്റിലെ വെയിറ്റര്‍ ഭക്ഷണം എങ്ങിനെയുണ്ടെന്ന് ചോദിച്ചപ്പോള്‍ ഇവര്‍ അത്ര നന്നായില്ലെന്ന് പറഞ്ഞിരുന്നു. ഇക്കാര്യം വെയിറ്റര്‍ ചീഫ് ഷെഫ് കമറുല്‍ ഇസ്ലാമിനെ അറിയിച്ചു. തുടര്‍ന്ന് ഇവാന്‍സിന്റെ മുഖത്തേക്ക് ഷെഫ് മുളകുപൊടി എറിയുകയായിരുന്നു.