ട്രംപിനെ തളക്കാനാകില്ല തിരിച്ചടി താത്ക്കാലികം: അഭയാര്ഥികളെ വിലക്കിയ ഡോണള്ഡ് ട്രംപിന്റെ ഉത്തരവിന് സ്റ്റേ
വാക്കുപാലിച്ച് ട്രംപ് പണി തുടങ്ങി. രോഷം അണപൊട്ടുന്നു. മുസ്ലിം ഭൂരിപക്ഷമുള്ള ഏഴു രാജ്യങ്ങളില് നിന്നുള്ള സന്ദര്ശകര്ക്ക് വിലക്കേര്പ്പെടുത്തിയ അമേരിക്കന് പ്രസിഡന്റിന്റെ ഉത്തരവിന് കോടതിയുടെ സ്റ്റേ. നിയമപരമയ വീസയുമായി ഈ രാജ്യങ്ങളില് നിന്നും അമേരിക്കയിലെത്തുന്നവരെ തിരിച്ചയ്ക്കുന്ന നടപടിക്കാണ് ന്യൂയോര്ക്ക് ജില്ലാ കോടതി സ്റ്റേ അനുവദിച്ചത്. നിലവില് അമേരിക്കയില് കഴിയുന്ന അഭയാര്ഥികളെ മടക്കി അയയ്ക്കുന്ന നടപടികള്ക്കും ജില്ലാ ജഡ്ജി ആന് ഡോനെല് സ്റ്റേ അനുവദിച്ചു. അമേരിക്കന് സിവില് ലിബര്ട്ടീസ് യൂണിയന് നല്കിയ ഹര്ജി പരിഗണിച്ചാണ് ഉത്തരവ്. പ്രസിഡന്റ് ഡോണള്ഡ് ട്രംപിന്റെ ഉത്തരവിനെ തുടര്ന്ന് ഇരുന്നൂറോളം സന്ദര്ശകര് വിമാനത്താവളങ്ങളില് കുടുങ്ങിയെന്നാണ് കണക്ക്.
ട്രംപിന്റെ നടപടിക്കെതിരെ വന് പ്രതിഷേധം
ഇസ്ലാമിക രാജ്യങ്ങളില് നിന്നുള്ളവര്ക്ക് നിരോധനം ഏര്പ്പെടുത്തിയ അമേരിക്കന് പ്രസിഡന്റ് ഡോണള്ഡ് ട്രംപിന്റെ നടപടിക്കെതിരെ വ്യാപക പ്രതിഷേധം. നടപടി ശരിയായില്ലെന്ന് ബ്രിട്ടീഷ് പ്രധാനമന്ത്രി തെരേസ മേ കുറ്റപ്പെടുത്തി. ഫ്രാന്സും ജര്മനിയുമടക്കം ലോകരാജ്യങ്ങള് നടപടിയെ എതിര്ത്ത് രംഗത്തെത്തി.
അഭയാര്ഥികളെ നിയന്ത്രിക്കാനുളള അമേരിക്കന് പ്രസിഡന്റ് ഡോണാള്ഡ് ട്രംപിന്റെ നീക്കത്തെ കടുത്ത ഭാഷയില് വിമര്ശിച്ചാണ് ഫ്രാന്സ് വിദേശ്യകാര്യ മന്ത്രി ജീന് മാര്ക് രംഗത്തെത്തിയത്. ജര്മന് വിദേശകാര്യ മന്ത്രി സിഗ്മാര് ഗബ്രിയേലിനെ സന്ദര്ശിച്ച ശേഷം നടത്തിയ സംയുക്ത പത്ര സമ്മേളനത്തിലാണ് കുടിയേറ്റ നിയന്ത്രണത്തില് ഇരുവരും ആശങ്കയറിയിച്ചത്. അടുത്തിടെ അമേരിക്കയില് നിന്നുണ്ടാകുന്ന പല നീക്കങ്ങളും മറ്റു രാജ്യങ്ങളില് ആശങ്കനിറക്കുന്നതണെന്ന പറഞ്ഞ ജീന് മാര്ക് കുടിയേറ്റക്കാരെ തങ്ങളുടെ രാജ്യത്തേക്ക് സ്വാഗതം ചെയ്തു. ട്രംപിനെ നടപടി ശരിയല്ലെന്ന് വിമര്ശിച്ച് ബ്രിട്ടീഷ് പ്രധാനമന്ത്രി തെരേസ മേയും രംഗത്തെത്തി. നടപടി അമേരിക്കയുടെ ആഭ്യന്തരകാര്യമാണെന്നും എന്നാല് ഇത്തരം നിയമങ്ങള് അംഗീകരിക്കുന്നില്ലെന്നും മേ അറിയിച്ചു. രാജ്യങ്ങള്ക്കിടയില് മതില് നില്മ്മിക്കാനുളള സമയമല്ലിതെന്ന് പറഞ്ഞ് ഇറാന് പ്രസിഡന്റ് ഹസന് റുഹാനിയും പ്രതിഷേധം പരസ്യമാക്കി. ബര്ലിന് മതില് തകര്ന്നുപോയ കാര്യം മറക്കരുതെന്നും രാജ്യങ്ങള്ക്കിടയിലെ മതിലുകള് നീക്കേണ്ട സമയമാണിതെന്നും അദ്ദേഹം ട്രംപിനെ ഓര്മിപ്പിച്ചു. അതേസമയം ട്രംപിന്റെ ഉത്തരവിനെ അനുകൂലിച്ച് റിപ്പബ്ളിക്കന് പാര്ട്ടിയിലെ കുടുതല് അംഗങ്ങള് രംഗത്തെത്തിയിട്ടുണ്ട്.
https://www.facebook.com/Malayalivartha
