അമേരിക്കയില്‍ പ്രവേശിക്കുന്നതിന് വിലക്കേര്‍പ്പെടുത്തിയ ഉത്തരവ് പുതുക്കി അടുത്തയാഴ്ച പുറത്തിറക്കുമെന്ന് ഡോണള്‍ഡ് ട്രംപ്. വൈറ്റ് ഹൗസില്‍ വിളിച്ചുചേര്‍ത്ത പ്രത്യേക വാര്‍ത്തസമ്മേളനത്തിലാണ് ട്രംപ് ഇത് വ്യക്തമാക്കിയത്. ഉത്തരവ് കോടതി മരവിപ്പിച്ചതിന്റെ പശ്ചാത്തലത്തിലാണ് ഇങ്ങനൊരു തീരുമാനം എടുക്കാന്‍ ട്രംപ് തയ്യാറായത്. രാജ്യത്തെ പ്രതിരോധിക്കാനാണ് താന്‍ തിരഞ്ഞെടുക്കപ്പെട്ടതെന്നും തെരഞ്ഞെടുപ്പ് വാഗ്ദാനങ്ങളില്‍നിന്ന് പിന്നോട്ടുപോകാന്‍ ആഗ്രഹിക്കുന്നില്ലെന്നും ട്രംപ് പറഞ്ഞു. രജ്യത്തെ സംരക്ഷിക്കുന്ന തരത്തിലുളള ഉത്തരവാണ് അടുത്താഴ്ച പുറടത്തിറക്കുന്നത്, ഈ ഉത്തരവില്‍ പൗരന്‍മാര്‍ സന്തുഷ്ടരായിരിക്കുമെന്നാണ് പ്രതീക്ഷിക്കുന്നതെന്നും ട്രംപ് കൂട്ടിചേര്‍ത്തു. 

പ്രസിഡന്റ് മാത്രം പങ്കെടുത്ത അപ്രതീക്ഷിത വാര്‍ത്തസമ്മേളനത്തില്‍ റഷ്യന്‍ ബന്ധമടക്കമുള്ള വിവിധ വിഷയങ്ങളെക്കുറിച്ചും അദ്ദേഹം പ്രതികരിച്ചു. തന്റെ തെരഞ്ഞെടുപ്പ് പ്രചാരണ വിഭാഗത്തിന് റഷ്യയുമായി ഒരു ബന്ധവുമില്‌ളെന്ന് അദ്ദേഹം പറഞ്ഞു. വൈറ്റ് ഹൗസ് പ്രവര്‍ത്തനങ്ങള്‍ അലങ്കോലമായതായ റിപ്പോര്‍ട്ടുകള്‍ ശരിയല്‌ളെന്നും മാധ്യമങ്ങള്‍ വ്യാജവാര്‍ത്തകള്‍ സൃഷ്ടിക്കുകയാണെന്നും അദ്ദേഹം ചോദ്യത്തിന് മറുപടിയായി പറഞ്ഞു. 77 മിനിറ്റ് നീണ്ട വാര്‍ത്തസമ്മേളനത്തില്‍ 17 മാധ്യമപ്രവര്‍ത്തകരുടെ ചോദ്യങ്ങള്‍ക്ക് അദ്ദേഹം മറുപടി നല്‍കി.