യെമനില് വിമതരും സര്ക്കാര് അനുകൂലികളും തമ്മിലുണ്ടായ ഏറ്റുമുട്ടലിലും ചാവേര് ആക്രമണത്തിലും 43 മരണം
യെമനില് വിമതരും സര്ക്കാര് അനുകൂലികളും തമ്മിലുണ്ടായ ഏറ്റുമുട്ടലിലും ചാവേര്സ്ഫോടനത്തിലും 43 പേര് മരിച്ചു. യെമനിലെ സൈനിക താവളത്തിനു സമീപമുണ്ടായ ചാവേര് സ്ഫോടനത്തില് എട്ട് പേരും സര്ക്കാര് അനുകൂലികളും ഹൂതികളും തമ്മിലുണ്ടായ ഏറ്റുമുട്ടലില് 35 പേരും കൊല്ലപ്പെട്ടതായി സുരക്ഷാ ഉദ്യോഗസ്ഥര് അറിയിച്ചു. വെള്ളിയാഴ്ചയായിരുന്നു സംഭവം. അബിയാന് പ്രവിശ്യയിലെ നാജ്ഡാ സൈനികതാവളത്തിനുള്ളില് പ്രവേശിക്കാനായിരുന്നു ചാവേറിന്റെ ശ്രമം.
എന്നാല് സൈനികതാവളത്തിനുള്ളില് നുഴഞ്ഞു കയറാനുള്ള ശ്രമം പരാജയപ്പെട്ടതോടെ താവളത്തിനു സമീപം സ്ഫോടക വസ്തുകള് നിറച്ച പിക്ക്അപ് വാനുമായി ചാവേര് പൊട്ടിത്തെറിക്കുകയായിരുന്നു. ആക്രണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. എന്നാല് ഇത്തരത്തിലുള്ള ആക്രമണങ്ങളുടെ പിന്നില് അല്ക്വയ്ദയാണെന്നു സൈനിക വൃത്തങ്ങള് പറഞ്ഞു.
ബൈഡാ പ്രവിശ്യയില് സര്ക്കാര് അനുകൂല ഗോത്രവര്ഗവിഭാഗവും ഹൂതി വിമതരും തമ്മിലുണ്ടായ ഏറ്റുമുട്ടലില് 20 വിമതരും ആറ് ഗോത്രവര്ഗക്കാരും കൊല്ലപ്പെട്ടു. ഗോത്രമേഖലകള് ഹൂതികള് പിടിച്ചെടുക്കാന് ശ്രമിച്ചത്തിനെ തുടര്ന്നാണു ഇവര് തമ്മില് ഏറ്റുമുട്ടലുണ്ടായത്. സ്വാമയില് വിമതരും പ്രദേശിക ഗോത്രവര്ഗവിഭാഗവും തമ്മിലുണ്ടായ മറ്റൊരു ഏറ്റുമുട്ടലില് ഒന്പത് വിമതര് കൊല്ലപ്പെട്ടു.
https://www.facebook.com/Malayalivartha
