ഓസ്കര് രാവില് തിളങ്ങി ഇന്ത്യന് ബാലന്
താരങ്ങള് മണ്ണിലിറങ്ങിയ ഓസ്കര് രാവില് തിളങ്ങിയത് ഇന്ത്യയില് നിന്നുള്ള എട്ടു വയസുകാരന്. ഇന്ത്യന് പശ്ചാത്തലത്തില് ഒരുക്കിയ 'ലയണ്' എന്ന ചിത്രത്തില് ദേവ് പട്ടേലിന്റെ കുട്ടിക്കാലം അവതരിപ്പിച്ച താരമാണ് സണ്ണി. നിറഞ്ഞ ചിരിയുമായി റെഡ് കാര്പ്പറ്റില് എത്തിയ കൊച്ചു സണ്ണിയുടെ നിഷ്കളങ്കത തുളുമ്പുന്ന ചിരി എല്ലാവരെയും കയ്യിലെടുത്തു. കോട്ടും സ്യൂട്ടും അണിഞ്ഞെത്തിയ ഈ കൊച്ചു സുന്ദരനെ നിറഞ്ഞ വാത്സല്യത്തോടെയാണ് ഓസ്കര് വേദി ഏറ്റെടുത്തത്. തികച്ചും സാധാരണക്കാരനായ മുംബൈ ബാലനാണ് ഒരൊറ്റ സിനിമ കൊണ്ട് ലോകപ്രശസ്തിയിലേക്ക് ഉയര്ന്നത്
സാരു ബ്രയര്ലി എന്ന കഥാപാത്രത്തിന്റെ ബാല്യകാലം അവതരിപ്പിക്കാന് ഒരു ഇന്ത്യന് ബാലനെ തേടിയാണ് സംവിധായകന് ഗാരത് ഡേവിസ് മുംബൈയില് എത്തിയത്. 2000 കുട്ടികളെ ഓഡിഷന് നടത്തിയാണ് മുംബൈയിലെ ഒരു സാധാരണ കുടുംബത്തിലെ അംഗമായ സണ്ണിയെ തിരഞ്ഞെടുത്തത്. അവന്റെ കണ്ണിലെ തിളക്കം തന്റെ കഥാപാത്രത്തിന് സമാനമായിരുന്നുവെന്നാണ് സണ്ണിയെക്കുറിച്ച് സംവിധായകന് പറഞ്ഞത്.
ഏറെ പ്രതിസന്ധികള് ഉണ്ടായിട്ടും തന്റെ കഥാപാത്രം ചെയ്യാന് സണ്ണി തന്നെ മതിയെന്ന് സംവിധായകന് തീരുമാനിക്കുകയായിരുന്നു. ഇംഗ്ലീഷ് സംസാരിക്കാന് സണ്ണിയ്ക്ക് അറിഞ്ഞു കൂടായിരുന്നു. ഒരു ദ്വിഭാഷിയുടെ സഹായത്തോടെയാണ് സംവിധായകന് സണ്ണിയോട് സംസാരിച്ചത്. സണ്ണിയുമായി താന് കടുത്ത ആത്മബന്ധത്തിലായി കഴിഞ്ഞുവന്നും അവന് തനിക്ക് മകനെപ്പോലെയാണെന്നുമാണ് ചിത്രത്തില് സാരുലിന്റെ വളര്ത്തമ്മയുടെ കഥാപാത്രത്തെ അവതരിപ്പിച്ച നിക്കോള് കിഡ്മാന് പറഞ്ഞത്.
https://www.facebook.com/Malayalivartha
