കറുത്ത വര്‍ഗ്ഗക്കാരുടെ പ്രതിനിധികള്‍ക്കായി പ്രസിഡന്റ് ഡൊണാള്‍ഡ് ട്രംപ് ഒരുക്കിയ കൂടികാഴ്ചയില്‍ അപമര്യാദയായി പെരുമാറി ട്രംപിന്റെ ഉപദേശക കെല്ലയിന്‍ കോണ്‍വേ എല്ലാവരുടേയും ശ്രദ്ധനേടി.ട്രംപിന്റെ അതിഥികള്‍ കറുത്ത വര്‍ഗ്ഗക്കാരുടെ പുരോഗതിക്കായി സ്ഥാപിച്ച സ്‌കൂളുകളുടെ പ്രതിനിധികളായിരുന്നു . ഇതിനിടെ സോഫയില്‍ മുട്ടുകുത്തി ഇരിക്കുകയായിരുന്നു ഉപദേശക. ഇവരുടെ ചിത്രം വന്‍ വിവാദമായിട്ടുണ്ട്.
മുട്ടുകുത്തിയിരുന്നു തന്നെ ട്രംപിന്റെയും അതിഥികളുടെയും ചിത്രങ്ങള്‍ പകര്‍ത്തുകയും ചെയ്തു ഉപദേശക. ഇതു ട്രംപിന്റെ ജീവനക്കാരുടെ മര്യാദയില്ലാത്ത പെരുമാറ്റ രീതിയാണെന്ന് ആരോപിച്ച് വന്‍ പ്രതിഷേധങ്ങള്‍ ഉയരുന്നുണ്ട്.
മുന്‍ പ്രസിഡന്റ് ഒബാമയുടെ ഉപദേശക വലേറി ജാരറ്റായിരുന്നു ഇത്തരത്തില്‍ പെരുമാറിയിരുന്നതെങ്കില്‍ യാഥാസ്ഥിതികര്‍ ആഴ്ചകളോളം ബഹളം ഉണ്ടാക്കുമായിരുന്നെന്ന് പ്രധാന മാധ്യമങ്ങളെല്ലാം വിമര്‍ശിച്ചു.