ഇന്ത്യക്കാരന്റെ കൊലപാതകം ട്രംപിന്റെ കണ്ണ് തുറപ്പിച്ചു... കൊല്ലപ്പെട്ടതിനെ അപലപിച്ച് പ്രസിഡന്റ്; വംശീയ അതിക്രമങ്ങള്ക്കെതിരെ ഒരുമിച്ചു നില്ക്കണം
യുഎസില് ഇന്ത്യന് വംശജന് കൊല്ലപ്പെട്ടത് വ്യാപകമായ പ്രതിഷേധം ഉണ്ടായി. തുടര്ന്ന് തന്റെ നിലപാടുമായി പ്രസിഡന്റ് ഡോണള്ഡ് ട്രംപ് തന്നെ രംഗത്തെത്തി. ആദ്യമേതന്നെ കൊലപാതകത്തെ അപലപിച്ചു. യുഎസ് കോണ്ഗ്രസിനെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം. വംശീയ അതിക്രമങ്ങള്ക്കെതിരെ ഒരുമിച്ചു നില്ക്കണമെന്ന് ട്രംപ് പറഞ്ഞു. വംശീയ വിദ്വേഷം അമേരിക്കയുടെ നയമല്ല. പൗരാവകാശ സംരക്ഷണത്തിന് ഇനിയും ഒരുപാട് കാര്യങ്ങള് ചെയ്യാനുണ്ട്. അമേരിക്കയെ മികച്ചതാക്കുമെന്ന വാക്കുപാലിക്കുമെന്നും ട്രംപ് പറഞ്ഞു.
തന്റെ നയങ്ങള് കൂടുതല് വ്യക്തമാക്കുകയും ചെയ്തു. പരിശോധന അസാധ്യമായ നാടുകളില് നിന്നുള്ളവരെ ഇവിടെ പ്രവേശിപ്പിക്കില്ല. കുടിയേറ്റ നിയമം ശക്തിപ്പെടുത്തുകയും ശമ്പളം വര്ധിപ്പിക്കുകയും തൊഴില് ഇല്ലാത്തവരെ സഹായിക്കുകയും ചെയ്യുന്നത് നമ്മുടെ സമൂഹത്തെ സുരക്ഷിതമാക്കുന്നതിനാണ്. അമേരിക്കയിലെത്തുന്നവര് അമേരിക്കയെ ശക്തിപ്പെടുത്താന് പ്രവര്ത്തിക്കണം ന്മ യുഎസിനെ ഇസ്ലാമിക ഭീകരതയില്നിന്നു രക്ഷിക്കാന് കര്ശന നടപടിയെടുക്കും. വീസ നിരോധനം സാധ്യമാക്കാന് നിയമപോരാട്ടം നടത്തും. അമേരിക്കക്കാര്ക്കു ജോലിയില്ലാതാക്കുന്ന കരാറുകളില്നിന്ന് പിന്മാറും.
കഴിഞ്ഞ ദശാബ്ദത്തിലുണ്ടായ തെറ്റുകള് ആവര്ത്തിക്കാന് അനുവദിക്കില്ല. നമ്മുടെ പൗരന്മാരെ സംരക്ഷിക്കുന്നതിനായി ക്രിമിനല് കുറ്റകൃത്യങ്ങള് കുറയ്ക്കുന്നത് ടാസ്ക് ഫോഴ്സ് രൂപീകരിക്കാന് ജസ്റ്റിസ് ഡിപ്പാര്ട്മെന്റിന് നിര്ദേശം നല്കിയിട്ടുണ്ട് കുടിയേറ്റം തടയുന്നതിനായി നമ്മുടെ ദക്ഷിണ അതിര്ത്തിയില് അധികം താമസിക്കാതെ തന്നെ വലിയ മതില് പണിയും സമഗ്ര ആരോഗ്യ ഇന്ഷുറന്സ് പദ്ധതിയായ ഒബാമ കെയര് റദ്ദാക്കി.
കുറഞ്ഞ ചെലവില് പുതിയ ഇന്ഷുറന്സ് പദ്ധതി നടപ്പാക്കുംം. മുസ്ലിംകളെയും ക്രിസ്ത്യാനികളെയുമടക്കം എല്ലാ മതവിശ്വാസമുള്ളവരെയും ഐഎസ് കൊലപ്പെടുത്തി. മുസ്ലിം രാജ്യങ്ങളുടെ ഉള്പ്പടെ എല്ലാവരുടെയും സഹായത്തോടെ അവരെ നശിപ്പിക്കും. അമേരിക്കയുടെ പുനര്നിര്മാണത്തിനുള്ള സമയമായി. പശ്ചിമേഷ്യയില് ഇതുവരെ ചിലവഴിച്ച പണം അമേരിക്കയുടെ പുനര്നിര്മാണത്തിനായി ഉപയോഗിക്കാമായിരുന്നു.
അതേസമയം അമേരിക്കയില് അക്രമിയുടെ വെടിയേറ്റു മരിച്ചതില് നിന്നും ഇന്ത്യക്കാര് മുക്തി നേടിയിട്ടില്ല. കാന്സസ് നഗരത്തിലെ ബാറില് ബുധനാഴ്ച രാത്രി നടന്ന വെടിവയ്പിലാണ് ഹൈദരാബാദ് സ്വദേശിയും യുവ എഞ്ചിനീയറുമായ ശ്രീനിവാസ് കുച്ചിബോത്ല (32) കൊല്ലപ്പെട്ടത്. ശ്രീനിവാസിന്റെ സഹപ്രവര്ത്തകന് അലോക് മദസാനിക്കും അക്രമിയെ തടയാന് ശ്രമിച്ച അമേരിക്കക്കാരന് ഇയാന് ഗ്രില്ലോട്ടിനും വെടിവയ്പ്പില് ഗുരുതരമായി പരിക്കേറ്റിരുന്നു.
എന്റെ രാജ്യത്തുനിന്നു പുറത്തുപോകു എന്ന് ആക്രോശിച്ചു കൊണ്ടായിരുന്നു ആക്രമി നിറയൊഴിച്ചതെന്നു ദൃക്സാക്ഷികള് പറഞ്ഞു. ട്രംപിന്റെ കുടിയേറ്റക്കാര്ക്കെതിരെയുള്ള നടപടിയില് പ്രചോദനം ഉള്ക്കൊണ്ടാണ് ആക്രമി വെടിവച്ചതെന്നാണ് ആരോപണം.
https://www.facebook.com/Malayalivartha
