മലേഷ്യന് വിമാനം റാഞ്ചിയത് വേള്ഡ് ട്രേഡ് സെന്റര് മാതൃകയില് ഇന്ത്യയെ തകര്ക്കാനെന്ന് സംശയം
മലേഷ്യന് വിമാനം റാഞ്ചിയത് വേള്ഡ് ട്രേഡ് സെന്റെര് ആക്രമത്തിന് സമാനമായ ഭീകരാക്രമണം ഇന്ത്യന് നഗരത്തില് നടത്താനുള്ള ആസൂത്രണത്തിന്റെ ഭാഗമായാണെന്ന് സംശയം. അതേസമയം വിമാനം റാഞ്ചിയത് തന്നെയാണെന്ന് മലേഷ്യന് അധികൃതര് ഔദ്യോഗികമായി സ്ഥിരീകരിച്ചു.
മലേഷ്യന് വിമാനത്തിന്റെ ദിശ, ഇന്ധന ക്ഷമത, പരിധി തുടങ്ങിയ വസ്തുതകള് ഇന്ത്യയില് 9/11 മാതൃകയില് അക്രമം നടത്താനുള്ള ശ്രമത്തിലേഘക്കാണ് വിരല് ചൂണ്ടുന്നതെന്ന് യുഎസ് ഡെപ്യൂട്ടി സെക്രട്ടറിയായിരുന്ന സ്ട്രാബ് ടാബ്ലോട്ട് ട്വിറ്ററില് പോസ്റ്റു ചെയ്തിരുന്നു. അമേരിക്കന് മാധ്യമങ്ങളും ഇതിന് സമാനമായ റിപ്പോര്ട്ടുകളുമായി രംഗത്തെത്തിയിട്ടുണ്ട്. അതേസമയം വിമാനം കാണാതായ ശേഷം ഏഴുമണിക്കൂറോളം പറന്നിട്ടുണ്ടെന്നും സ്ഥിരീകരിക്കപ്പെട്ടിട്ടുണ്ട്.
മാര്ച്ച് എട്ട് ശനിയാഴ്ച അര്ധരാത്രിയ്ക്ക് ശേഷം കാണാതായ വിമാനത്തില് നിന്നുള്ള സിഗ്നല് രാവിലെ 8.11ന് ഇന്ത്യന് മഹാസമുദ്രത്തിന് മുകളിലുള്ള ഒരു ഉപഗ്രഹത്തിന് ലഭിച്ചിട്ടുണ്ട്. വിമാനത്തിലെ ഇന്ധനം തീരുന്നതു സംബന്ധിച്ച സന്ദേശമാണ് ഇതെന്നാണ് നിഗമനം. പ്രത്യേക ലക്ഷ്യത്തോടെ വഴിതിരിച്ചുവിട്ട വിമാനം ഒടുവില് ഇന്ധനം തീര്ന്ന് കടലില് പതിച്ചിരിക്കാനാണ് സാധ്യതയെന്നാണ് വിശ്വസിക്കപ്പെടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
