പാരിസിലെ ഓര്ലി എയര്പോര്ട്ടില് സുരക്ഷാസൈനികന്റെ തോക്ക് തട്ടിയെടുത്തയാളെ വെടിവച്ചുകൊന്നു
ഫ്രാന്സില് പാരീസിലെ ഓര്ലി വിമാനത്താവളത്തില് സുരക്ഷാസൈനികന്റെ തോക്ക് തട്ടിയെടുക്കാന് ശ്രമിച്ചയാളെ സുരക്ഷാസൈനികര് വെടിവച്ചുകൊന്നു. ഇന്നു രാവിലെ പ്രാദേശിക സമയം എട്ടരയോടെ വിമാനത്താവളത്തിന്റെ തെക്കന് ടെര്മിനലിലാണ് സംഭവം നടന്നത്. മറ്റാര്ക്കും പരുക്കില്ല. സംഭവത്തെ തുടര്ന്ന് യാത്രക്കാരെ ഒഴിപ്പിക്കുകയും വിമാനത്താവളം താല്ക്കാലികമായി അടച്ചിടുകയും ചെയ്തു.
സ്ഫോടകവസ്തു വിദഗ്ധര് അടക്കമുള്ള സംഘം വിമാനത്താവളത്തില് വിശദ പരിശോധന നടത്തി. കൊല്ലപ്പെട്ടയാളിന്റെ പേരോ മറ്റു വിവരങ്ങളോ ലഭ്യമായിട്ടില്ല. ഇസ്ലാമിക് സ്റ്റേറ്റിന്റെ ആക്രമണ ഭീഷണിയുള്ളതിനാല് ഫ്രാന്സിലെ പ്രധാന സ്ഥലങ്ങളിലെല്ലാം വിന്യസിച്ചിട്ടുള്ള പ്രത്യേക സുരക്ഷാസംഘത്തില്പ്പെട്ട സൈനികന്റെ തോക്കാണ്
അജ്ഞാതന് തട്ടിയെടുക്കാന് ശ്രമിച്ചത്.
ഒരു സംഘം സെനികരുടെ അടുത്തെത്തിയ ഇയാള് തോക്ക് തട്ടിയെടുത്ത് ഒരു കടയ്ക്കുള്ളിലേക്ക് ഓടിക്കയറി. പിന്തുടര്ന്ന സൈനികര് ഇയാളെ വെടിവച്ചു വീഴ്ത്തുകയായിരുന്നു.
https://www.facebook.com/Malayalivartha
