ബാലിസ്റ്റിക് മിസൈലുമായി വീണ്ടും ഉത്തരകൊറിയ. ഒരാഴ്ചയ്ക്കുള്ളിലാണ് വീണ്ടും പ്രകാപനം ഉയര്‍ത്തി ഉത്തരകൊറിയന്‍ ഏകാധിപതി കിം ജോങ് ഉന്‍ പുതിയ ബാലീസ്റ്റിക് മിസൈല്‍ പരീക്ഷിച്ചത്. തീരനഗരമായ വോംഗ്‌സാനില്‍ നിന്ന് വിക്ഷേപിച്ച ഹ്രസ്വദൂര മിശെസല്‍ 450 കിലോമീറ്റര്‍ സഞ്ചരിച്ചതായി ദക്ഷിണ കൊറിയ അറിയിച്ചു.

ജപ്പാന്‍ കടലില്‍ പതിച്ച മിസൈല്‍ കപ്പലുകള്‍ക്കും വിമാനങ്ങള്‍ക്കും കേടുപാട് ഉണ്ടാക്കിയിട്ടില്ലെന്നും ജപ്പാന്‍ അറിയിച്ചു. ദക്ഷിണകൊറിയയും യുഎസും ഉത്തരകൊറിയയുടെ നീക്കങ്ങളെ നിരീക്ഷിച്ചു വരുകയാണ്. പുതിയ മിസൈല്‍ ആു മിനിറ്റോളം ആകാശത്തിലൂടെ സഞ്ചരിച്ചതായി ദക്ഷിണകൊറിയ വ്യക്തമാക്കി.

യുഎന്‍ രക്ഷാസമിതി വിലക്ക് ലംഘിച്ച് ഒരാഴ്ച മുമ്പും ഉത്തരകൊറിയ മിസൈല്‍ പരീക്ഷണം നടത്തിയിരുന്നു. ഇരുരാജ്യങ്ങളും യുദ്ധസന്നാഹങ്ങള്‍ വികസിപ്പിക്കുന്നതും യുദ്ധഭീതി വിതയ്ക്കുന്നു. പരീക്ഷണം വിജയകരമായി നടത്തിയെന്നും വന്‍തോതില്‍ ആയുധം ഉത്പാദിപ്പിക്കാന്‍ കിം നിര്‍ദേശിച്ചെന്നും കെസിഎന്‍എ വാര്‍ത്ത ഏജന്‍സി അറിയിച്ചിരുന്നു.