ആഴക്കടലില് നിന്നും മുഖമില്ലാത്ത ജീവിയെ കണ്ടെത്തി
മെല്ബണില് കടലിന്റെ അറിയപ്പെടാത്ത ആഴങ്ങളില്നിന്ന് പുതിയ ജീവിവര്ഗ്ഗങ്ങളെ ഗവേഷകര് കണ്ടെത്തി. മുഖമില്ലാത്ത വിചിത്ര രൂപസവിശേഷതകളുള്ള ജീവിയെയടക്കം ഇതുവരെ അറിയപ്പെടാത്ത നിരവധി ജീവികളെയാണ് ആസ്ട്രേലിയ കടലിനടിയില് നിന്ന് കണ്ടെത്തിയിരിക്കുന്നത്.മ്യൂസിയം വിക്ടോറിയയിലെ ടിം ഒഹാരയുടെ നേതൃത്വത്തിലാണ് ഗവേഷണം നടത്തിയത്.
ഉപരിതലത്തില് നിന്ന് നാല് കിലോമീറ്റര് ആഴത്തില് നിന്നാണ് കണ്ണോ മൂക്കോ ഇല്ലാത്ത ജീവിയെ കണ്ടെത്തിയത്. ഇതിന്റെ വായ് പുറമെ കാണാനാവില്ല. കടലിന്റെ ഇരുണ്ട ആഴങ്ങളില് ജീവിക്കുന്ന ജീവിയാണിതെന്ന് ഗവേഷണത്തിന് നേതൃത്വം നല് കിയ ടിം ഒഹാര വ്യക്തമാക്കി. സ്വയം വെളിച്ചം പുറപ്പെടുവിക്കാന് കഴിയുന്നവയാണ് ഈ ജീവികള് 1873ല് ഇത്തരമൊരു കടല് ജീവിയെ ആദ്യമായി കണ്ടെത്തിയതായി രേഖപ്പെടുത്തപ്പെട്ടിട്ടുണ്ട്.
മാംസഭോജികളായ പ്രത്യേകയിനം കടല് പഞ്ഞികളെയും ഈ മേഖലയില് നിന്നും ഗവേഷകര് കണ്ടെത്തിയിട്ടുണ്ട്. സിലിക്കോണ് നിര്മിതവും സ്ഫടികംപോലെ ബലമേറിയതും മൂര് ച്ചയുള്ളതുമായ ശരീരഭാഗമാണ് ഇതിന്റെ സവിശേഷത. ചെമ്മീന് വര്ഗ്ഗത്തില് പെട്ട ചെറിയ ജീവികളെ പിടികൂടി ആഹാരമാക്കാന് ഇതുപയോഗിച്ച് ഇവയ്ക്ക് സാധ്യമാകും.
ഭൂമിയിലെ തീരെ തിരിച്ചറിയപ്പെടാത്ത ജീവവ്യവസ്ഥയാണ് ഈ മേഖലയില് നിലനില്ക്കുന്നതെന്ന് ടിം ഒഹാര പറഞ്ഞു. ചുവപ്പുനിറമുള്ള പ്രത്യേകയിനം ഞണ്ടുകള്, ഉരുണ്ട ആകൃതിയുള്ള കോഫിന്ഫിഷ്, പ്രത്യേകയിനം കടല്ചിലന്തിള് എന്നിവയെയും ഇവിടെനിന്ന് ഗവേഷകര് കണ്ടെത്തി. ചെറിയ വലകളും ജലത്തിനടിയില് ഉപയോഗിക്കുന്ന കാമറകളും മറ്റും ഉപയോഗിച്ചാണ് ഗവേഷണം നടത്തിയത്.
അഗാധമായതും കൊടുംതണുപ്പും തീവ്രമര്ദ്ധവുമുള്ള കടലിന്റെ ഈ ഭാഗങ്ങളില് വെളിച്ചമോ ആവശ്യത്തിന് ഭക്ഷണമോ ലഭ്യമല്ല. ഇത്തരം സാഹചര്യങ്ങളില് ജീവിക്കുന്ന ജീവികള് അതിജീവനത്തിനായി സവിശേഷമായ മാര്ഗങ്ങളാണ് കണ്ടെത്തുന്നത്. ഭക്ഷണം കുറവായതിനാല് വലിപ്പം കുറഞ്ഞതും വളരെ സാവധാനം മാത്രം ചലിക്കുന്നതുമായിരിക്കും ഇത്തരം ജീവികള്. പലതിനും ജല്ലിപോലുള്ള ശരീരമായിരിക്കും.
https://www.facebook.com/Malayalivartha
