ഉത്തരകൊറിയന്‍ സൈന്യത്തിന്റെ വാര്‍ഷികത്തോടനുബന്ധിച്ച് ആണവ പരീക്ഷണം വരെയുണ്ടായേക്കുമെന്ന അഭ്യൂഹങ്ങള്‍ക്കിടെയാണ് ധാരണ. ഉത്തരകൊറിയക്കെതിരെ യോജിച്ച് നീങ്ങാന്‍ അമേരിക്കയും ജപ്പാനും ദക്ഷിണ കൊറിയയും ധാരണയിലെത്തി. ഉത്തരകൊറിയന്‍ സൈന്യത്തിന്റെ വാര്‍ഷികത്തോടനുബന്ധിച്ച് ആണവ പരീക്ഷണം വരെയുണ്ടായേക്കുമെന്ന അഭ്യൂഹങ്ങള്‍ക്കിടെയാണ് ധാരണ. 
ഉത്തരകൊറിയയെ നിലയ്ക്ക് നിര്‍ത്താന്‍ റഷ്യയുടെയും ചൈനയുടെയും സഹകരണവും ആവശ്യമാണെന്ന് മൂന്ന് രാജ്യങ്ങളും വിലയിരുത്തി. ആഘോഷങ്ങളുടെ ഭാഗമായി ഉത്തരകൊറിയ നടത്തിയ സൈനികാഭ്യാസം ശക്തിപ്രകടനമായി മാറി സൈന്യത്തിന്റെ വാര്‍ഷികാഘോഷവേളകളില്‍ മിസൈല്‍ പരീക്ഷണങ്ങള്‍ നടത്തുക ഉത്തരകൊറിയയുടെ പതിവാണ്. 
അമേരിക്കയുമായി തര്‍ക്കം നിലനില്‍ക്കുന്ന 85ആംവാര്‍ഷികാഘോഷത്തോടനുബന്ധിച്ച് ആണവ പരീക്ഷണം വരെ ഉണ്ടായേക്കുമെന്ന ആശങ്ക നിലനില്‍ക്കുന്നു.ഇതിനിടെയാണ് യോജിച്ച് മുന്നേറാന്‍ അമേരിക്കയും ദക്ഷിണ കൊറിയയും ജപ്പാനും തീരുമാനിച്ചത്. മൂന്ന് രാജ്യങ്ങളുടെയും പ്രതിനിധികള്‍ ദക്ഷിണ കൊറിയയില്‍ യോഗം ചേര്‍ന്നു. 
ഉത്തരകൊറിയക്കെതിരെ നയതന്ത്ര, സൈനിക, സാമ്പത്തിക തലത്തിലുള്ള നീക്കങ്ങളില്‍ സഹകരിച്ച് നീങ്ങുമെന്ന് മൂന്ന് രാജ്യങ്ങളും അറിയിച്ചു. ഉത്തരകൊറിയയെ നിലയ്ക്ക് നിര്‍ത്താന്‍ റഷ്യയുടെയും ചൈനയുടെയും സഹകരണവും ആവശ്യമാണെന്ന് മൂന്ന് രാജ്യങ്ങളും വിലയിരുത്തി. 
അണ്വായുധാക്രമണം നടത്താന്‍ വരെ ശേഷിയുള്ള അമേരിക്കന്‍ അന്തര്‍വാഹിനി യുഎസ്എസ് മിഷിഗണ്‍ കൊറിയന്‍ തീരത്ത് എത്തിയിട്ടുണ്ട്. വിമാനവാഹിനി യുഎസ്എസ് കാള്‍ വിന്‍സനടക്കമുള്ള പടക്കപ്പലുകള്‍ നേരത്തെ തന്നെ മേഖലയിലെത്തിയിരുന്നു. പടക്കപ്പലുകളെ കടലില്‍ മുക്കിക്കളയുമെന്നും ആവശ്യമെങ്കില്‍ ആദ്യം ആക്രമണം നടത്തുമെന്നും ഉത്തരകൊറിയ പറഞ്ഞതിന് പിന്നാലെയാണ് അന്തര്‍വാഹിനി കൂടി കൊറിയന്‍ തീരത്തെത്തിയത്. 
നാളെ വൈറ്റ്ഹൗസില്‍ വിളിച്ചിരിക്കുന്ന അമേരിക്കന്‍ സെനറ്റര്‍മാരുടെ അടിയന്തര യോഗത്തിന് ശേഷം എന്തെങ്കിലും തന്ത്രപ്രധാനമായ നീക്കത്തിന് അമേരിക്ക കോപ്പുകൂട്ടുന്നുണ്ടെയെന്നും വ്യക്തമല്ല. ഉത്തരകൊറിയയുടെയും അമേരിക്കയുടെയും നീക്കങ്ങളെ ആശങ്കയോടെയാണ് ലോകം ഉറ്റുനോക്കുന്നത്. അതേ സമയം ഖത്തറിലെ ആസങ്കകള്‍ക്കും കുറവില്ല. ഒരേ സമയം ഇരക്കും വേട്ടക്കാരനുമൊപ്പമാണ് അമേരിക്കയും ട്രമ്പും.