അമ്മയ്ക്ക് തന്നേക്കാള്‍ അനുജത്തിയോടാണു സ്‌നേഹക്കൂടുതല്‍ ആരോപിച്ച് പതിനാലാം വയസില്‍ അമ്മയേയും സഹോദരിയേയും കാമുകന്റെ സഹായത്തോടെ വെട്ടിക്കൊലപ്പെടുത്തി. ബ്രിട്ടണിലെ ഏറ്റവും പ്രായം കുറഞ്ഞ ഇരട്ടകൊലപാതകിയാണ് കിം എഡ്വേര്‍ഡ് എന്ന പെണ്‍കുട്ടി. ഇപ്പോള്‍ 16 വയസുള്ള എഡ്വേര്‍ഡ് രണ്ടു വര്‍ഷം മുമ്പായിരുന്നു സ്വന്തം അമ്മയേയും അനുജത്തിയേയും കൊലപ്പെടുത്തിയത്. 2015 ഏപ്രില്‍ ആയിരുന്നു ബ്രിട്ടനെ നടുക്കിയ സംഭവം നടന്നത്. ഒരു സ്വകാര്യ സ്‌കൂളിലെ പാചകക്കാരിയായ എലിസബത്ത് (49) അവരുടെ ഇളയമകള്‍ കെയിറ്റ് (13) എന്നിവരെ കിടപ്പു മുറികളില്‍ കൊല്ലപ്പെട്ട നിലയില്‍ കണ്ടെത്തുകയായിരുന്നു.

ചോരയില്‍ കുളിച്ച നിലയിലായിരുന്നു മൃതദേഹങ്ങള്‍. പോസ്റ്റ്‌മോര്‍ട്ടം റിപ്പോര്‍ട്ടില്‍ എലിസബത്തിന്റെ ശരീരത്തില്‍ എട്ടുതവണ കത്തികൊണ്ടു കുത്തേറ്റിരുന്നു എന്നു കണ്ടെത്തി. ഇരുവരുടേയും തലയും ഉടലും വേര്‍പെട്ട നിലയിലായിരുന്നു. പോലീസ് അന്വേഷണം നടക്കുന്നതിനിടയിലാണ് എലീസബത്തിന്റെ മൂത്തമകള്‍ കിമ്മിനേയും കാമുകനേയും സ്‌കൂളില്‍ നിന്നു കാണാതാകുന്നത്.

പോലീസ് നടത്തിയ വിശദമായ ചോദ്യം ചെയ്യലില്‍ അമ്മയേയും സഹോദരിയേയും കൊന്നത് താനും കാമുകനുമാണ് എന്ന കിം സമ്മതിച്ചു. ഉറങ്ങി കിടന്ന അനുജത്തിയെ കത്തികൊണ്ട് കുത്തി കൊലപ്പെടുത്തുകയായിരുന്നു എന്നും അമ്മയുടെ മുറിയില്‍ കടന്ന് തലയിണ കൊണ്ട് ശ്വാസമുട്ടിച്ചു കൊലപ്പെടുത്തി എന്നും കിം സമ്മതിച്ചു. കൊലപാതകത്തിനു ശേഷം ഇരുവരും കുളിച്ച് വസ്ത്രം മാറി ഭക്ഷണം കഴിച്ചു രക്തരഷസുകളുടെ കഥ പറയുന്ന ടൊല്‍വ്‌നൈറ്റ് എന്ന സിനിമ കണ്ടു.

ശേഷം മുകളിലത്തെ നിലയില്‍ അമ്മയും സഹോദരിയും മരിച്ചു കിടക്കുമ്പോള്‍ കിം താഴത്തെ നിലയില്‍ കാമുനൊപ്പം കിടന്നുറങ്ങി. ഇത്ര ക്രൂരമായ കൊലപാതകം നടത്തിട്ടും അതിന്റെ ഒരു കുറ്റബോധവും കിമ്മിന് ഇല്ലായിരുന്നു എന്നു പറയുന്നു. അനിയത്തിയുടെ മരണത്തില്‍ അല്‍പ്പം സങ്കടം ഉണ്ടെന്നും അമ്മ മരിച്ചതില്‍ തീരെ വിഷമം ഇല്ലെന്നും ഈ പെണ്‍കുട്ടി പറയുന്നു.

20 വര്‍ഷം തടവാണ് ഈ കുട്ടികൊലപാതകികള്‍ക്കു കോടതി വിധിച്ച ശിക്ഷ. എന്നാല്‍ ഇവര്‍ നല്‍കിയ അപ്പീല്‍ പരിഗണിച്ച് കോടതി കഴിഞ്ഞ ദിവസം ഇവരുടെ ശിക്ഷ പതിനേഴര വര്‍ഷമയി കുറച്ചു. കൊലപാതകം നടത്തിയ സമയത്ത് ഇവരുടെ പ്രായം പരിഗണിച്ച് ചിത്രം റിപ്പോര്‍ട്ട് ചെയ്യാന്‍ അനുവദിച്ചിരുന്നില്ല. എന്നാല്‍ ഇരുവരും ചെയ്ത കുറ്റകൃത്യം കണക്കിലെടുക്കുമ്പോള്‍ ഇവര്‍ ദയ അര്‍ഹിക്കുന്നില്ല എന്ന് കോടതി പറഞ്ഞു. തുടര്‍ന്ന് ഇവരുടെ പേരും ചിത്രവും പ്രസിദ്ധികരിക്കുന്നതിനുള്ള വിലക്ക് നീക്കി.