പോലീസ് സര്വകലാശാലയ്ക്കുള്ള ഒരുക്കം അവസാനഘട്ടത്തിലേക്ക് , റിപ്പോര്ട്ട് ഉടന് ലഭിക്കും
പോലീസ് സര്വകലാശാല ഉടന് ഉണ്ടാകുമെന്ന് ആഭ്യന്തരമന്ത്രി രമേശ് ചെന്നിത്തല. പദ്ധതിയുടെ ഒരുക്കം അവസാനഘട്ടത്തിലേക്ക് കടന്നു. സര്വകലാശാലയുടെ സാധ്യതകള് പരിശോധിക്കാന് സര്ക്കാര് നിയോഗിച്ച 12 അംഗ കമ്മിഷന് ഉടന് റിപ്പോര്ട്ട് സമര്പ്പിക്കുമെന്നും ചെന്നിത്തല പറഞ്ഞു. റിപ്പോര്ട്ട് ലഭിച്ച ശേഷം ഓര്ഡിനന്സിലൂടെ സര്വകലാശാല സ്ഥാപിക്കുമെന്നും മന്ത്രി പറഞ്ഞു.
അതെസമയം പോലീസ് സര്വകലാശാലയുടെ ചാന്സിലര് പദവി ഗവര്ണര്ക്ക് വിട്ടുകൊടുക്കാതിരിക്കാന് ഉമ്മന്ചാണ്ടിയും ചെന്നിത്തലയും ചേര്ന്ന് ശ്രമം നടത്തുന്നുണ്ട്. ഇക്കാര്യം നേരത്തെ മലയാളിവാര്ത്ത പുറത്തുവിട്ടിരുന്നു.
ചാന്സലര് പദവിക്ക് പകരം വിസിറ്റര് പദവിക്കാണ് ഗവര്ണ്ണറെ ഒഴിവാക്കുന്നതിനുവേണ്ടി സര്ക്കാര് കണ്ടെത്തിയത്. പോലീസ് സര്വകലാശാലയുടെ വിസിറ്റര് പദവി നല്കിയിരിക്കുന്നത് മുഖ്യമന്ത്രിക്കാണ്. നാഷണല് യൂണിവേഴ്സിറ്റി ഫോര് പോലീസ് സയന്സസ് ആന്റ് സെക്യൂരിറ്റി സ്റ്റഡീസ് എന്നാണ് പുതിയ സര്വകലാശാലക്കിട്ടിരിക്കുന്ന പേര്.
പഞ്ചാബിലും രാജസ്ഥാനിലും ഗുജറാത്തിലുമാണ് നിലവില് ഇതുപോലെ സര്വകലാശാല ഉള്ളത്. ശാസ്ത്രീയ മാര്ഗങ്ങള് ഉപയോഗിച്ച് കുറ്റകൃത്യങ്ങള് കണ്ടുപിടിക്കാവുന്ന തരത്തിലുള്ള വളര്ച്ച കൈവരിക്കാന് പോലീസ് സര്വകലാശാല സഹായിക്കും. പോലീസില് നവീകരണത്തിന്റെ ഭാഗമായാണ് സര്വകലാശാലയെ ക്കുറിച്ച് ആലോചിച്ചതെന്നാണ് ആഭ്യന്തരമന്ത്രിയുടെ പക്ഷം.
കുറ്റാന്വേഷണവും ക്രമസമാധാനപാലനവും രണ്ടാക്കാന് നടപടി ആരംഭിച്ചു. വിവിധ സ്റ്റേഷനുകളിലേക്കായി 1000 വാഹനങ്ങള് വാങ്ങി. പോലീസുകാരെ അപകട ഇന്ഷുറന്സ് പദ്ധതിയില്പ്പെടുത്തി. ഇതിന്റെ പ്രീമിയം സര്ക്കാര് അടയ്ക്കുന്നു. സ്ത്രീ പങ്കാളിത്തം സേനയില് കൂട്ടാന് പദ്ധതികള് ആവിഷ്കരിച്ചു വരികയാണ്. എസ്ഐ തസ്തികയിലേക്കു നേരിട്ടു വനിതകളെ നിയമിക്കാനുള്ള നടപടിക്രമങ്ങള് അവസാനഘട്ടത്തിലാണ്. തുടക്കത്തില് കൊല്ലം, ആലപ്പുഴ, കോട്ടയം, തൃശൂര്, കണ്ണൂര് എന്നിവിടങ്ങളിലും പിന്നീട് മറ്റു ജില്ലകളിലും വനിതാ പോലീസ് സ്റ്റേഷനുകള് ആരംഭിക്കുമെന്നും മന്ത്രി പറഞ്ഞു.
ശംഭോ സദാശിവോ; ചെന്നിത്തലയും ചാണ്ടിയും ചേര്ന്ന് ഗവര്ണറെ പറ്റിച്ചു- നൈസായി
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
