സംസ്ഥാനത്ത് രണ്ടുദിവസമായി കുത്തനെ ഇടിഞ്ഞ സ്വർണവിലയിൽ ഇന്ന് വർദ്ധനവ്. ഗ്രാമിന് 270 രൂപ കൂടി 13,620 രൂപയും പവന് 2,160 രൂപ കൂടി 1,08,960 രൂപയുമായി.

ബുധൻ, വ്യാഴം ദിവസങ്ങളിലായി പവന് 5520 രൂപ കുറഞ്ഞിട്ടുണ്ടായിരുന്നു. ഇന്നലെ ഗ്രാമിന് 195 രൂപയും പവന് 1560 രൂപയുമാണ് കുറഞ്ഞത്. 1,06,800 രൂപയായിരുന്നു പവൻ വില. ബുധനാഴ്ച രണ്ടു തവണയായി 3960 രൂപയുടെ കുറവാണ് ഒരു പവൻ സ്വർണ വിലയിലുണ്ടായത്. ഈ വർഷം ജനുവരി 29നാണ് സ്വർണത്തിൻറെ എക്കാലത്തെയും റെക്കോഡ് വിലയായ 1,31,160 രൂപ രേഖപ്പെടുത്തിയത്.

അന്താരാഷ്ട്രവിപണിയിൽ സ്​പോട്ട് ഗോൾഡ് ട്രോയ് ഔൺസിന് ഒറ്റയടിക്ക് 94.08 ഡോളർ കൂടി 4,192.1 ഡോളറായി മാറി. 2.30 ശതമാനമാണ് വർദ്ധനവുള്ളത്.