ഷാർജയിൽ നിന്ന് കോഴിക്കോട്ടേക്ക് പുറപ്പെട്ട എയർ അറേബ്യ വിമാനം സാങ്കേതിക തകരാറിനെ തുടർന്ന് കൊച്ചി വിമാനത്താവളത്തിൽ അടിയന്തരമായി ലാൻഡ് നടത്തി. ഇന്ന് പുലർച്ചെയാണ് സംഭവം. വിമാനത്തിന്റെ എഞ്ചിനിൽ സാങ്കേതികതകരാർ കണ്ടെത്തിയതിനെ തുടർന്ന് കൊച്ചിയിലേക്ക് വഴിതിരിച്ച് വിടുകയായിരുന്നു.

വിമാനത്തിലെ യാത്രക്കാരും ജീവനക്കാരും സുരക്ഷിതരാണെന്ന് അധികൃതർ . 170 യാത്രക്കാരാണ് വിമാനത്തിലുണ്ടായിരുന്നത് എന്നാണ് ലഭിക്കുന്ന വിവരം.സുരക്ഷാ പരിശോധനകൾക്കു ശേഷം വിമാനം കൊച്ചിയിൽ നിന്ന് കോഴിക്കോട്ടേക്ക് പോകുകയും ചെയ്തു.