പത്താംക്ലാസും ഗുസ്തിയുമുണ്ടെങ്കില്‍ ഒരു റയില്‍വേ സ്റ്റേഷന് സ്വന്തമാക്കാം; സ്റ്റേഷനുകള്‍ സ്വകാര്യവത്ക്കരിക്കാന്‍ നീക്കം
കേരളത്തിലെ വിവിധ റയില്‍വേ സ്റ്റേഷനുകള്‍ സ്വകാര്യവല്‍ക്കരിക്കാന്‍ റയില്‍വേ നടപടി തുടങ്ങി. തിരുവനന്തപുരം റയില്‍വേ ഡിവിഷന്റെ കീഴില്‍ വരുന്ന ചൊവ്വര, കാഞ്ഞിരമുട്ടം, കുമാരനല്ലൂര്‍, ചെറിയനാട്, ഇടവ, തോവാള സ്റ്റേഷനുകളാണ് സ്വകാര്യ വത്കരിക്കാന്‍ തീരുമാനിച്ചത്. നാട്ടുകാരുടെയും ജനപ്രതിനിധികളുടേയും ശക്തമായ എതിര്‍പ്പുകള്‍ മിറകടന്നാണ് സ്വകാര്യവത്കരണം നടപ്പാക്കുന്നത്. വരുമാനം കുറവായതിനാലാണ് സ്റ്റേഷന് സ്വകാര്യവത്കരിക്കുന്നതെന്നാണ് റയില്‍വേ ഭാഷ്യം. സ്വകാര്യവത്കരണം പ്രധാനമന്ത്രി നരേന്ദ്രമോഡിയുടെ മുഖമുദ്രയായതിനാല്‍ സ്റ്റേഷന് സ്വകാര്യവത്കരിക്കുന്നതില്‍ അത്ഭുതമില്ല. റയില്‍വേയുടെ പ്രവര്‍ത്തനം കരാര്‍ വ്യവസ്ഥയില്‍ സ്വകാര്യവ്യക്തികള്‍ക്ക് കൈമാറാനാണ് റയില്‍വേയുടെ തീരുമാനം. റയില്‍വേസ്റ്റേഷന്റെ പരിസരത്ത് താമസിക്കുന്ന പത്താംക്ലാസ് പാസായവരെയാണ് റയില്‍വേയുടെ ചുമതല ഏല്‍പ്പിക്കാന്‍ തീരുമാനിച്ചിരിക്കുന്നത്. റയില്‍വേയില്‍ നിന്നും എതെങ്കിലും സ്റ്റേഷന്റെ കരാര്‍ നിങ്ങള്‍ക്കു ലഭിക്കുവാണെങ്കില്‍ ഒരിക്കലും റയില്‍വേ അത് തിരിച്ചെടുക്കാറില്ല. ഒന്നുകില്‍ കരാറുകാരന് ഒഴിഞ്ഞുപോകണം. അല്ലെങ്കില്‍ റയില്‍വേ കരാറുകാരനെ ഉപേക്ഷിക്കണം. അതേസമയം നഷ്ടമാണെന്ന് പറഞ്ഞ് കരാറുകാരന് കടന്നു കളഞ്ഞാല്‍ റയില്‍വേ സ്റ്റേഷന് പ്രവര്‍ത്തനം പുനരാരംഭിക്കില്ല. ഇതിനര്‍ത്ഥം അതോടെ സ്റ്റേഷന്റെ കഥ കഴിയും എന്നാണ്.
കരാറുകാരന് സ്റ്റേഷന്റെ വരുമാനത്തില്‍ നിന്നും 12 മുതല്‍ 15 ശതമാനംവരെ കമ്മീഷന്‍ ലഭിക്കും, ടിക്കറ്റ് വില്‍പ്പന വഴികിട്ടുന്ന ലാഭമാണിത്. സ്റ്റേഷനില്‍ കടകള്‍ ആരംഭിച്ചാല്‍ ലാഭം ആര്‍ക്കും നല്‍കേണ്ടതില്ല. പാസഞ്ചര്‍ തീവണ്ടികളെ ആശ്രയിക്കുന്നവരാണ് ചെറിയ സ്റ്റേഷനുകളില്‍ പതിവായെത്തുന്നത്. ഇവര്‍ സാധാരണ തൊഴിലാളികളും സര്‍ക്കാര്‍ സ്വകാര്യമേഖലയിലെ ജീവനക്കാരുമാണ്. സ്വകാര്യ വല്‍ക്കരണം വഴി ഡീസണ്‍ ടിക്കറ്റ് പോലുളള സൗഭാഗ്യങ്ങള്‍ നഷ്ടമാകാന്‍ ഇടയാകും. ചൊവ്വരസ്റ്റേഷന് സമീപമാണ് നെടുമ്പാശേരി വിമാനത്താവളം. എറണാകുളത്ത് നിന്നും ഒരു പാസഞ്ചര്‍ ട്രെയിനില്‍ കയറിയാല്‍ ചൊവ്വരയില്‍ ഇറങ്ങാം. ചൊവ്വരയെ എയര്‍പോര്‍ട്ട് സ്റ്റേഷന് ആക്കണമെന്ന മുറവിളി ഏറെനാളായി ഉയരുന്നുണ്ട്. മൂന്ന് കിലോമീറ്റര്‍ ദൂരമാണ് ചൊവ്വര റയില്‍വേസ്റ്റേഷനും നെടുമ്പാശേരി വിമാനത്താവളവുമായുളളത്. ചൊവ്വര റയില്‍വേ സ്റ്റേഷന് സംരക്ഷണസമിതി റയില്‍വേബോര്‍ഡ് ചെയര്‍മാന് കത്തയച്ചെങ്കിലും ഫലമുണ്ടായില്ല. ഇ.അഹമ്മദ് കേന്ദ്ര റയില്‍വേ വനമന്ത്രിയായിരിക്കെ നെടുമ്പാശേരിയില്‍ പുതിയ റയില്‍വേ സ്റ്റേഷന് തറക്കല്ലിട്ടെങ്കിലും സംഭവം തറക്കല്ലില്‍ ഒതുങ്ങി.
ചുരു ക്കത്തില്‍ പത്താംക്ലാസും ഗുസ്തിയുമുണ്ടെങ്കില്‍ ഒരു റെയില്‍വേസ്റ്റേഷന്‍ സ്വന്തമാക്കാം. എപ്പടിതാന്‍ വിദ്യ? തലയിലെഴുത്ത് വേണം മോനേ തലയിലെഴുത്ത്!
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
