നിലമ്പൂര്‍ ചാലിയാര്‍ അകമ്പാടത്തെ സ്വകാര്യ ആശുപത്രിയിലെ ശുചിമുറിയില്‍ മാലിന്യം ബക്കറ്റില്‍ നവജാത ശിശുവിന്റെ മൃതദേഹം കണ്ടെത്തിയ സംഭവത്തില്‍ 28 വയസ്സുകാരിയായ അമ്മയെ കണ്ടെത്തി. ആശുപത്രിക്കു പുറത്തെ ശുചിമുറികള്‍ പതിവുപോലെ രാവിലെ 9.30ന് വൃത്തിയാക്കാന്‍ എത്തിയതാണ് സുലൈഖയാണ് സംഭവം ആദ്യം കാണുന്നത്. ബക്കറ്റിന്റെ അടപ്പ് തുറന്നപ്പോഴാണ് ഉള്ളില്‍, തലതാഴ്ത്തിയ നിലയില്‍ കുഞ്ഞിന്റെ മൃതദേഹം കാണുന്നത്. ഡോക്ടര്‍ വന്നുനോക്കിയ ശേഷം നിലമ്പൂര്‍ പൊലീസില്‍ വിവരം അറിയിച്ചു.

4.45ന് നടപടികള്‍ പൂര്‍ത്തിയാക്കി മൃതദേഹം പോസ്റ്റ്‌മോര്‍ട്ടത്തിന് അയച്ചു. ശുചിമുറിയില്‍ പ്രസവിച്ച ഉടന്‍ മാതാവ് ഉപേക്ഷിക്കുകയായിരുന്നു. മാതാവ്, ചാലിയാര്‍ എരഞ്ഞിമങ്ങാട് വേട്ടേക്കോട്ടെ 28 വയസ്സുകാരി നിലമ്പൂര്‍ ജില്ലാ ആശുപത്രിയില്‍ പൊലീസ് നിരീക്ഷണത്തിലാണ്. ചാലിയാര്‍ അകമ്പാടത്തെ സ്വകാര്യ ആശുപത്രി വളപ്പിലെ ശുചിമുറിയിലാണ് പൂര്‍ണ വളര്‍ച്ചയെത്തിയ ആണ്‍കുഞ്ഞിന്റെ മൃതദേഹം കണ്ടത്.

ശുചിമുറിയില്‍ പ്രസവിച്ച ഉടന്‍ മാതാവ് ഉപേക്ഷിക്കുകയായിരുന്നു. മാതാവ് ചാലിയാര്‍ എരഞ്ഞിമങ്ങാട് വേട്ടേക്കോട്ടെ 28 വയസ്സുകാരി നിലമ്പൂര്‍ ജില്ലാ ആശുപത്രിയില്‍ പൊലീസ് നിരീക്ഷണത്തിലാണ്. ചാലിയാര്‍ അകമ്പാടത്തെ സ്വകാര്യ ആശുപത്രി വളപ്പിലെ ശുചിമുറിയിലാണ് പൂര്‍ണ വളര്‍ച്ചയെത്തിയ ആണ്‍കുഞ്ഞിന്റെ മൃതദേഹം കണ്ടത്. 27ന് അര്‍ധരാത്രി രക്തസ്രാവത്തിനു ചികിത്സ തേടി ഭര്‍ത്താവിനും ബന്ധുക്കള്‍ക്കുമൊപ്പം യുവതി ആശുപത്രിയിലെത്തിയിരുന്നു. വനിതാ ഡോക്ടര്‍ ഇല്ലാത്തതിനാല്‍ നിലമ്പൂര്‍ ജില്ലാ ആശുപത്രിയില്‍ പോകാന്‍ ജീവനക്കാര്‍ നിര്‍ദേശിച്ചു. വസ്ത്രം മാറാന്‍ ശുചിമുറിയില്‍ പോകണമെന്ന് യുവതി ആവശ്യപ്പെട്ടപ്പോള്‍ അനുവദിച്ചു. മുക്കാല്‍ മണിക്കൂര്‍ കഴിഞ്ഞാണ് പുറത്തിറങ്ങിയത്. തുടര്‍ന്ന് ആംബുലന്‍സില്‍ ജില്ലാ ആശുപത്രിയില്‍ അത്യാഹിത വിഭാഗത്തില്‍ യുവതിയെ പ്രവേശിപ്പിച്ചു. പ്രസവിച്ച വിവരം യുവതി ഡോക്ടറോടു പറഞ്ഞില്ല.

പരിശോധനയില്‍ പ്രസവിച്ചതായി തെളിഞ്ഞു. ചോദ്യം ചെയ്യലില്‍ യുവതി ഇക്കാര്യം സമ്മതിച്ചു. ചാപിള്ളയായിരുന്നെന്നാണു മൊഴി. യുവതിയുടെ മൂന്നാമത്തെ പ്രസവമാണ്. യുവതിയും 2 കുട്ടികളും ഭര്‍ത്താവിന്റെ വീട്ടിലല്ല താമസം. ഗര്‍ഭിണിയാണെന്ന വിവരം വീട്ടുകാരെ അറിയിച്ചിട്ടില്ലെന്നു പൊലീസ് പറഞ്ഞു. പൊലീസ് അസ്വാഭാവിക മരണത്തിനു കേസെടുത്തു. ഗള്‍ഫിലുള്ള ഭര്‍ത്താവ് 4 ദിവസം മുന്‍പാണ് നാട്ടില്‍ എത്തിയത്. രക്തസ്രാവമുള്ളതിനാല്‍ യുവതി ആശുപത്രി പേവാര്‍ഡില്‍ വനിതാ പൊലീസിന്റെ കാവലിലാണ്.