സ്കൂള് വിദ്യാര്ഥികളുടെ ഉച്ചഭക്ഷണ മെനു പരിഷ്കരിക്കാന് വിജയ് സര്ക്കാര്
തമിഴ്നാട്ടിലെ വിജയ് സര്ക്കാര് സ്കൂള് വിദ്യാര്ഥികള്ക്കുള്ള ഉച്ചഭക്ഷണ പദ്ധതിയില് അടിമുടി മാറ്റം വരുത്താന് വിജയ് സര്ക്കാര് ആലോചന തുടങ്ങി. ആഴ്ചയില് ഒരു ദിവസം ചിക്കന് ബിരിയാണി ഉള്പ്പെടെ നല്കാനാണ് ആലോചന. ബജറ്റിനു മുന്നോടിയായി ചൊവ്വാഴ്ച നടന്ന കൂടിയാലോചനയിലാണ് സ്കൂള് ഉച്ചഭക്ഷണ പദ്ധതി പരിഷ്കരിക്കാന് തീരുമാനമായത്. ബിരിയാണി ഉള്പ്പെടെ മെനുവില് ഉള്പ്പെടുത്തുന്ന കാര്യം മുഖ്യമന്ത്രി വിജയുമായി സംസാരിക്കുമെന്ന് തമിഴ്നാട് വിദ്യാഭ്യാസ മന്ത്രി എ. രാജ്മോഹന് പറഞ്ഞു. ഓഗസ്റ്റ് 5 നാണ് വിജയ് സര്ക്കാര് ആദ്യ ബജറ്റ് അവതരിപ്പിക്കുന്നത്.
നിലവില് സ്കൂളില് വിളമ്പുന്ന ആഹാരത്തിന്റെ ഗുണമേന്മ വര്ധിപ്പിക്കുവാനും ചര്ച്ചയില് തീരുമാനമായി. അധ്യാപകരുടെ പ്രതിനിധികളുമായും വിദ്യാഭ്യാസ മന്ത്രി ചര്ച്ച നടത്തി. ഉച്ചഭക്ഷണത്തിനുള്ള അരിയുടെ ഗുണമേന്മ മെച്ചപ്പെടുത്താനും കൂടുതല് പോഷകാഹാരം മെനുവില് ഉള്പ്പെടുത്താനും ധാരണയായി. ആഴ്ചയില് ഒരിക്കല് ചിക്കന് ബിരിയാണി വിദ്യാര്ഥികള്ക്കു നല്കണമെന്ന ആവശ്യം അധ്യാപക സംഘടനകളുടെ പ്രതിനിധികളാണ് ആവശ്യപ്പെട്ടത്. സ്കൂളിലെ പ്രഭാത ഭക്ഷണവും ഉച്ചഭക്ഷണവും 12ാം ക്ലാസ് വരെ പഠിക്കുന്നവര്ക്ക് നല്കണമെന്നും അധ്യാപക സംഘടനകള് ആവശ്യപ്പെട്ടു. നിലവില് 10ാം ക്ലാസ് വരെയുള്ളവര്ക്കാണ് പ്രഭാത ഭക്ഷണം തമിഴ്നാട്ടില് സ്കൂളുകളില് വിളമ്പുന്നത്.
https://www.facebook.com/Malayalivartha
