ജോണ് ബ്രിട്ടാസിനെ പരിഹസിച്ച് വിനായകന്
ജന്തര് മന്തറില് നടന്ന കനത്ത പ്രതിഷേധത്തില് വിദ്യാര്ഥികള്ക്ക് പിന്തുണയുമായെത്തിയ രാജ്യസഭാ എംപിയും സിപിഎം നേതാവുമായ ജോണ് ബ്രിട്ടാസിനെ പരിഹസിച്ച് നടന് വിനായകന്. സിജെപിയുടെ നേതൃത്വത്തില് ഡല്ഹിയില് നടന്ന വിദ്യാര്ഥി പ്രക്ഷോഭം ബ്രിട്ടാസ് തന്റെ രാഷ്ട്രീയ ലക്ഷ്യങ്ങള്ക്കായി ഹൈജാക്ക് ചെയ്തെന്നാണ് വിനായകന്റെ വിമര്ശനം.
''യുവതീ യുവാക്കളുടെ സമരം ഹൈജാക്ക് ചെയ്യാതെ വല്ല പണിയും എടുത്ത് കുടുംബം പോറ്റെടാ''–ജോണ് ബ്രിട്ടാസിന്റെ ചിത്രം പങ്കുവച്ച് വിനായകന് കുറിച്ചു.
ഇടതുപക്ഷ അനുഭാവികളില് നിന്നും കടുത്ത വിമര്ശനമാണ് വിനായകന് നേരെ ഉയരുന്നത്. ജന്തര് മന്തറില് നടന്ന കനത്ത പ്രതിഷേധത്തില് ബ്രിട്ടാസ് അടക്കമുള്ള ഇടത് എംപിമാര് പിന്തുണയുമായെത്തിയിരുന്നു. പരിക്കേറ്റ വിദ്യാര്ഥികളെ പോലീസ് വാഹനത്തില് കടത്തിക്കൊണ്ടുപോകുമ്പോള് ജോണ് ബ്രിട്ടാസടക്കമുള്ളവര് തടഞ്ഞ് ഇറക്കിക്കൊണ്ടുവരുകയും ചെയ്തു.
ഇടത് എം.പി.മാര് പല ഘട്ടങ്ങളിലായി സമരത്തിന് അഭിവാദ്യമര്പ്പിക്കാനെത്തി. സി.പി.എം. ജനറല് സെക്രട്ടറി എം.എ. ബേബി, സി.പി.ഐ. ജനറല് സെക്രട്ടറി ഡി. രാജ, ആനിരാജ, സി.പി.ഐ.എം.എല്. നേതാവ് ദീപാങ്കര് ഭട്ടാചാര്യ തുടങ്ങിയവരും ഐക്യദാര്ഢ്യം പ്രഖ്യാപിച്ച് സമരത്തിനെത്തിയിരുന്നു.
അതേസമയം തന്നെ ജന്തര് മന്തറില് നടന്ന സമരത്തില് പങ്കെടുത്ത വിദ്യാര്ഥികള്ക്കെതിരെ ക്രൂരമായ അക്രമത്തിന് ആഹ്വാനം ചെയ്ത ആര്എസ്എസ് നേതാവ് ടി.ജി. മോഹന്ദാസിനെതിരെയും വിനായകന് രംഗത്തുവന്നിരുന്നു. കടുത്ത ഭാഷയിലായിരുന്നു നടന് മോഹന്ദാസിനെ വിമര്ശിച്ചത്. ഇടതുപക്ഷ അനുഭാവികള് അടക്കം ഈ വിഷയത്തില് വിനായകനെ പിന്തുണച്ചും എത്തിയിരുന്നു. അതിനിടെയാണ് താരം ജോണ് ബ്രിട്ടാസിനെ രംഗത്തെത്തിയത്.
https://www.facebook.com/Malayalivartha
