ഇത്തവണത്തെ ഓണം കളറാക്കാൻ വി ഡി സതീശൻ സർക്കാർ . ഓണക്കാലത്ത് വിലക്കയറ്റം നിയന്ത്രിക്കാന്‍ നടപടി തുടങ്ങിയതായി മുഖ്യമന്ത്രി വിഡി സതീശന്‍. വിലക്കയറ്റം നിയന്ത്രിക്കുന്നതിന് സംസ്ഥാന സര്‍ക്കാര്‍ സജീവമായ ഇടപെടല്‍ നടത്തുമെന്ന് മുഖ്യമന്ത്രി പറഞ്ഞു. ഓണകാലത്തെ ഭക്ഷ്യവിതരണത്തിനുള്ള മുന്നൊരുക്കങ്ങള്‍ അന്തിമഘട്ടത്തിലാണെന്നും മുഖ്യമന്ത്രി പറഞ്ഞു.

മഞ്ഞ റേഷന്‍ കാര്‍ഡ് ഉടമകള്‍ക്കും ക്ഷേമസ്ഥാപനങ്ങളിലെ അന്തേവാസികള്‍ക്കുമായി ലക്ഷത്തിലധികം സൗജന്യ ഓണക്കിറ്റുകള്‍ വിതരണം ചെയ്യും.ഇതിനായി പണം അനുവദിച്ചു. 854 രൂപ ചെലവ് വരുന്ന 16 ഇനങ്ങള്‍ അടങ്ങിയ കിറ്റുകള്‍ ആഗസ്റ്റ് 10 മുതല്‍ 20 വരെ വിതരണം ചെയ്യും.വിപണിയിലെ അരി വിലക്കയറ്റം നിയന്ത്രിക്കാന്‍ 1,65,932 മെട്രിക് ടണ്‍ അരിയും 24506 മെട്രിക് ടണ്‍ ഗോതമ്പും ലഭ്യമാക്കും. മുന്‍ഗണനേതര വിഭാഗത്തിലെ നീലക്കാര്‍ഡുകാര്‍ക്ക് 10.90 രൂപ നിരക്കില്‍ മൂന്ന് കിലോ അരിയും 8.70രൂപ നിരക്കില്‍

രണ്ട് കിലോ ഗോതമ്പും സ്‌പെഷ്യല്‍ ആനുകൂല്യമായി വിതരണം ചെയ്യും. തിരുവനന്തപുരം എറണാകുളം കോഴിക്കോട് ജില്ലകളില്‍ ആഗസ്റ്റ് എട്ട് മുതല്‍ 25 വരെ ഓണം മെഗാ ട്രേഡ് ഫെയറുകള്‍ ഉണ്ടാകും. മറ്റു 11 ജില്ലകളില്‍ ആഗസ്റ്റ് 16 മുതല്‍ 25 വരെ ഓണം ജില്ലാ ഫെയറുകളും 126 നിയമസഭാ മണ്ഡലങ്ങളില്‍ ഓണം മാര്‍ക്കറ്റുകളും സംഘടിപ്പിക്കും.സര്‍ക്കാരിന്റെ രണ്ടു മാസത്തെ പ്രവര്‍ത്തന കാലയളവില്‍ 448 കോടി രൂപ ഭക്ഷ്യവകുപ്പിനായി അനുവദിച്ചു.