ഇരിങ്ങാലക്കുടയിൽ സദാചാര പോലീസിന്റെ ആക്രമണത്തില്‍ മനംനൊന്ത് ഗൃഹനാഥന്‍ ജീവനൊടുക്കി. ഇരിങ്ങാലക്കുട കൽപ്പറമ്പ് സ്വദേശി ബേബിയാണ് കഴിഞ്ഞ ദിവസം പുലര്‍ച്ചെ തൂങ്ങിമരിച്ചത്. സദാചാര ഗുണ്ടായിസമാണ് മരമകാരണമെന്ന് ബന്ധുക്കള്‍.

ഭാര്യയുടേയും മകളുടേയും മുന്നിലിട്ടായിരുന്നു അഞ്ചംഗ സംഘം ഗൃഹനാഥനെമര്‍ദ്ദിച്ചത്. വിധവയുടെ വീട്ടില്‍ പോയതിനെ ചോദ്യംചെയ്തായിരുന്നു മര്‍ദ്ദനം. ഈ സംഭവത്തിനു ശേഷം വീടിനു സമീപത്തെ മരത്തില്‍ ബേബി തൂങ്ങിമരിക്കുകയായിരുന്നു.

മര്‍ദ്ദിച്ചവര്‍ക്കെതിരെ ആത്മഹത്യാപ്രേരണയ്ക്കു കേസെടുക്കണമെന്നാണ് ബന്ധുക്കളുടെ ആവശ്യം. ആത്മഹത്യയെക്കുറിച്ച്‌ ബേബിതന്നെ ഭിത്തിയില്‍ എഴുതിയിട്ടുണ്ട്. വീട്ടില്‍ക്കയറി മര്‍ദ്ദിച്ചവരെക്കുറിച്ച്‌ പോലീസ് അന്വേഷിച്ചു വരികയാണ്. മരിച്ച ബേബി കൂലിപ്പണിക്കാരനായിരുന്നു. സിപിഎം പ്രവര്‍ത്തകനും. നാട്ടിലെ ജനകീയനാണ്.