അടുത്ത അധ്യായന വര്‍ഷത്തേക്കുള്ള പാഠപുസ്തകങ്ങളുടെ അച്ചടി ഇതുവരേയും തുടങ്ങിയിട്ടില്ലെന്നാണ് പ്രിന്റിങ് തൊഴിലാളികള്‍ പറയുന്നത്. സാധാരണ ഓഗസ്റ്റ് ആദ്യവാരം ഒന്നു മുതല്‍ പത്തു വരെയുള്ള ക്ലാസുകളിലെ പാഠപുസ്തകങ്ങള്‍ പ്രിന്റ് ചെയ്യാനുള്ള ഓര്‍ഡര്‍ നല്‍കുന്നതാണ്. എന്നാല്‍ ഇത്തവണ ഒക്‌ടോബര്‍ പകുതി പിന്നിട്ടിട്ടും സര്‍ക്കാര്‍ ഓര്‍ഡര്‍ കൊടുത്തിട്ടില്ല. പൊതുമേഖലാ സ്ഥാപനമായ കേരള ബുക്‌സ് ആന്‍ഡ് പബ്ലിക്കേഷന്‍ സൊസൈറ്റിക്കാണ് സര്‍ക്കാര്‍ പ്രിന്റിങ് ഓര്‍ഡര്‍ നല്‍കുന്നത്. 

നാലരക്കോടി പാഠപുസ്തകങ്ങളാണ് അടുത്ത അധ്യയനവര്‍ഷം പത്താം തരം വരെ രണ്ടു ഘട്ടങ്ങളിലായി അച്ചടിക്കേണ്ടത്. ഇതില്‍ രണ്ട്, നാല്, ആറ്, എട്ട് ക്ലാസുകളിലെ പുസ്തകങ്ങള്‍ക്ക് മാറ്റവുമുണ്ട്. ഏഴുകോടിയോളം രൂപയാണ് പാഠപുസ്തകങ്ങളുടെ അച്ചടിക്ക് മാത്രം വരുന്ന ചെലവ്. പേപ്പര്‍ ഉള്‍പ്പെടെയുള്ളവ കൂട്ടുമ്പോള്‍ ഇതിലുമേറെ വരും. സ്വകാര്യ പ്രിന്റിങ് പ്രസില്‍ പാഠപുസ്തകങ്ങളുടെ അച്ചടി നടത്താനുള്ള ശ്രമമാണ് പ്രിന്റിങ് ഓര്‍ഡര്‍ വൈകിപ്പിക്കുന്നതിനു പിന്നിലെന്ന് തൊഴിലാളികള്‍ ആരോപിക്കുന്നു. 1978 മുതല്‍ പാഠപുസ്തകങ്ങള്‍ അച്ചടിച്ചുനല്‍കുന്നത് കെബിപിഎസാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha